அனைத்தும் அளித்தவள் அம்மா

சதாசிவம் · சதாசிவம் Sat Oct 15, 2011 2:04 pm

First topic message reminder :

அனைத்தும் அளித்தவள் அம்மா - Page 3 700-00458357w

அஞ்சிரெண்டு திங்கள்
அகத்துள் அரவணைத்து- என்
அடையாளம் தருவித்து
அகங்கையில் அமரவைத்து
அன்பாக அமுதூட்டி

அடுப்பில் அக்கினியேற்றி
அக்கார அன்னம் வைத்து
அம்புலிகாட்டி அமுதிட்டு
அணியணியாய் அலங்கரித்து

அப்பாவை, அக்காவை
அண்ணாவை, அம்மானை
அண்டத்தை, அங்குசதாரியை
அகிலாண்ட தேவியை, ஆலயத்தை
அழகழகாய் அடையாளம் காட்டி

அறுபது ஆகியும் அன்பினால்
அகவை அழியாமல், ஆழியின்
அகலத்தை, ஆழத்தை கடந்தவள்
அகத்தின் அச்சாணி, அரசாங்க அதிகாரி
அரசாளும் அரசி ..

"அ" சொல்லி அரிச்சுவடி
அடியெடுத்து, அட்சரம்,
அசை, அணி, அகம், புறம்,
அந்தாதி முதல் அந்தம் வரை
அறியவைத்து என்னை
அவனிக்கு அறியவைத்த

அன்னையின் அன்புக்கு அந்தமில்லை .......
ஆண்டவனும் இணையில்லை........

அனைத்தும் அளித்தவள் அம்மா
அவள் முன் ஆயிரம்
அழகான மனையாளும் சும்மா"

அக்காரம் - சக்கரை (சுவையான )
அம்மான் - தாய் மாமன்
அங்குசதாரி - விநாயகர்
ஆழி - கடல்

அனைத்தும் அளித்தவள் அம்மா - Page 3 Pd3068310