பாலகாண்டம்

"ரெக்க கட்டி பறக்குதடி அண்ணாமல சைக்கிள் " பெரும்பாலான கொலு வீடுகளில் இது தான் நான் பாடும் பாடல் இரண்டாம் அடி துவங்குவதற்க்குள் கையில் சுண்டல் வந்து விடும், மற்ற சிறுவர்கள் சுண்டலுக்காக ஒரு மணி நேரம் பக்தி பாடலுக்கு வாயசைத்து நொந்து நூலாகி பெற்ற சுண்டலை இரண்டு வரிகளில் பெற உதவிய ரஜினிகாந்த் உண்மையான சூப்பர்ஸ்டார் என்பதில் எனக்கு மாற்று கருத்து இருக்கவில்லை.தொலைக்காட்சி வாழ்வினை சிதைக்காத காலம் அது , நவராத்ரி விழா எங்களுக்கு கொலு வைக்கும் வைபவம் அவ்வளவுதான் தெருவிர்க்கு பத்து பதினைந்து வீடுகளில் கொலு வைத்திருப்பார்கள், சில வீடுகளில் பெரிய பொம்மைகள் நிறைந்து இருக்கும், குறிப்பாக பெரிய நாயி பொம்மைகள் காவலுக்கு இருப்பது தலையாட்டும் செட்டியார் பொம்மை அவர் மனைவி சகிதாமாக அமர்ந்து சிரித்து கொண்டே தலையாட்டுவார், சுண்டல் தராத வீடுகளிலும் அவ்வர் இவ்வாறே செய்தது அப்பொழுது எனக்கு மிகவும் எரிச்சலை மூட்டியது, ரெங்கநாத பெருமாள்,சரஸ்வதி விநாயகர் லக்ஷ்மி கடவுள்கள் மான் என நிறைய வீடுகளில் வழக்கமான பொம்மைகள் இருப்பினும் சில வீடுகளில் நிஜமான அருவி போல செய்து இருப்பார்கள் பல முறை முயன்றும் அதன் அருகில் அவர்கள் என்னை விடவில்லை(ரகசியமாம்)இன்னும் சில வீடுகளில் சீரியல் பல்ப் போட்டு இருப்பார்கள் வண்ண வண்ண விளக்குகள் நான் கூட அதில் சில வண்ண விளக்குகளை ஆட்டையை போட நினைத்ததுண்டு சீ இந்த பழம் புளிக்குமென அவர்கள் சொத்துக்களுக்கு சேதம் ஏற்ப்படாமல் விட்டுவிட்டேன், ஒரே நாளில் இரண்டு மூன்று வீடுகளுக்கு நாங்கள் விஜயம் செய்வோம்,எங்களை அந்த ஒன்பது நாளில் எல்லா வீட்டிலும் ராஜ மரியாதை பெரும்பாலான வீடுகளில் பாடல் பட சொல்லுவார்கள்,
சர்க்கரை பொங்கல் தந்தால் ஜனனி ஜகம் நீ பாட்டு பாடுவேன் இல்லையென்றால் அண்ணாமலை பாட்டு தான் அதற்க்கும் சுண்டல் உடனே வரவில்லை என்றால் நான் மாவீரனாக மாறி பாட ஆரம்பித்து விடுவேன் வாங்கடா வாங்க யென் வண்டிக்கு பின்னால என்று உடனடியாக வீட்டுக்காரர்கள் உணர்ந்து கொள்வார்கள் புள்ள கூட்டத்தை கூட்டிக்கிட்டு எஸ்கேப் ஆகத்தான் இந்த பாடலை பாடுரான்னு உடனடியாக சுண்டல் பரிமாறப்படும்,சில சமயம் எங்கள் வீரத்தை வெளிக்காட்ட எல்லை விட்டு வெளியேறி அடுத்த தெருக்களில் புகுந்து சுண்டல் வேட்டைகளில் ஈடுபடுவதுமுண்டு,அது போன்ற அபாயங்களை சந்தித்த அனுபவம் அதிகம்,பெரிய கோவிலிலும் கொலு வைப்பார்கள் மிக பெரிய கொலுவாக இருக்கும் சின்ன குளம் போல செய்து தாமரை மீன் விட்டு வைத்திருப்பார்கள்.
ஆனால் சர்க்கரை பொங்கல் சுண்டல் எதும் தரராததால் அவை எங்கள் நிகழ்ச்சி நிரலில் இருக்காது.ஆனால் இப்பொழுது உள்ள பிள்ளைகள் கொலு சென்று பார்ப்பதை அங்கே தரும் சுண்டளை ஒரு பொருட்டாக எண்ணுவதில்லை, இது என்ன சாதாரணம் பொம்மைகளை அடுக்கி வைச்சிருக்காங்க என்பதே அவர்கள் பதில், இந்த கொலுவின் மூலம் சுண்டலும் சர்க்கரை பொங்கல் மட்டும் எங்களுக்கு பெறவில்லை அங்கே வைக்கபட்டிருந்த கடவுள் உருவங்களை பற்றிய கேள்விகள் எழுந்தது பெரியவர்கள் பாகவத கதைகள் சொன்னார்கள், அதன் அர்த்தம் புரிந்தது எல்லாவற்றிர்க்கும் மேலாக சமூகத்தில் சாதி வேறுபாடன்றி ஒரு நல்லிணக்கம் நிலவியது, வன்னிய இனத்தில் பெரியப்பவும்,நாயக்கர் இனத்தில் மாமாவும்,நாடார் இனத்தில் அண்ணனும் செட்டியார் வீட்டில் தம்பியும் இணைந்து ஒன்றாக வாழ்ந்த ஒரு குடும்ப முறை இன்று சிதறியதான் காரணம் இது போல விழாக்களை நாம் சரியான முறையில் கையாளவில்லை என்பதும் நமது வாழ்வை எளிமையாக்குவதாக நாம் நினைக்கும் விஜ்ஞானம் அதை விட பெரும் பாதிப்புகளை நாம் வாழ்வில் ஏற்ப்படுத்துவிட்டதுதான் இது ஒரு முயர்ச்சிக்கான சிறு கட்டுரை மட்டுமே .பாலகாண்டம் தொடரும்