இத்தாலிய பிரதமர் பெர்லுஸ்கொனி என்னை மனோ வசியப்படுத்தினார்: நடிகை சபீனா _

இத்தாலிய பிரதமர் சில்வியோ பெர்லுஸ்கொனி தனது பாலியல் திறமையால் தன்னை மனோ வசீயப்படுத்தியதாக நடிகை சபீனா பேகன் தெரிவித்துள்ளார்.

பெர்லுஸ்கொனியின் களியாட்ட விருந்துபசாரங்களில் கலந்து கொள்வதற்கு பெண்களை ஏற்பாடு செய்து கொடுத்ததாக குற்றச்சாட்டுக்கு ஆளாகியிருக்கும் 8 பேரில் சபீனா பேகனும் ஒருவராவார்.

இந்நிலையில் "வானிட்டி பெயார்' சஞ்சிகைக்கு அளித்த பேட்டியில் சபீனா பேகன் மேற்படி தகவலை தெரிவித்திருந்தார். அவர் பெர்லுஸ்கொனியை (74 வயது) கௌரவப்படுத்தும் வகையில் தனது கணுக்காலில் "எஸ்பி' என்ற ஆங்கில எழுத்துகளை பச்சைக் குத்தியுள்ளார்.

பெர்லுஸ்கொனியால் அவரது ஆடம்பர இல்லத்தில் நடந்த விருந்துபசாரத்தின் போதுதான் அவரது காலடியில் விழுந்து கிடக்க நேர்ந்ததாகக் அவர் கூறினார்.

""ஏனெனில் நான் அவரால் மனோவசியத்துக்கு உள்ளாக்கப்பட்டு இருந்தேன். அவர் எனது காதருகில் குனிந்து கிசுகிசுத்தார். அவர் என்னை மனோவசியப்படுத்தினார். அதற்கு இரு மணித்தியாலங்களின் பின்னர் நான் அவரிடம் என்னை ஒப்படைக்கத் தயாராகியிருந்தேன். அன்றைய இரவு காதல் ரசமிக்க அற்புத இரவாக அமைந்தது'' என சபீனா பேகன் தெரிவித்தார். ""நான் அவரது காதல் வலையில் வீழ்ந்து விட்டேன். என்னை ஒரு பெண்ணாக உணர வைத்த ஒரே ஆண் அவராவார்'' என சபீனா குறிப்பிட்டார்.

பெர்லுஸ் கொனியின் இந்தக் களியாட்ட விருந்துபசாரத்தில் நடிகர் ஜோர்ஜ் கூலினியும் கலந்து கொண்டமை குறிப்பிடத்தக்கது. ""அவர் (பெர்லுஸ்கொனி) எனது கண்களை உற்றுப் பார்த்தார். நான் உன்னுடன் இரவை கழிக்க விரும்புகிறேன் என்று அவர் கூறினார்'' என சபீனா பேகன் தெரிவித்தார்.

""அவர் பெண்களால் தான் மிகவும் காயப்பட்டுள்ளதாக என்னிடம் கூறினார். அதனாலேயே அவர் நான் அவருடன் தங்குவதை விரும்பினார்.

இதன்போது நான் அவரிடம், எனக்குப் பிரபலம் வாய்ந்த காதலர்கள் உள்ளனர். ஆனால் நான் அவருடனே இருக்க விரும்புவதாக கூறினேன்'' என சபீனா பேகன் கூறினார்.
வீரகேசரி