தேச வரலாறு - எத்தியோப்பியா

தலைநகர்: அடிஸ்அபாபா

பரப்பளவு: 11 லட்சத்து 4 ஆயிரத்து 300 சதுர கிலோ மீட்டர்

மக்கள் தொகை: 8 கோடியே 52 லட்சத்து 54 ஆயிரம்

மொழி: அம்ஹாரிக், ஓரோமிக்னா, திக்ரிக்னா

நாணயம்: பிர்

மதம்: இஸ்லாம், கிறிஸ்தவம்.

எழுத்தறிவு: 42.7 சதவீதம்

அமைவிடம்: வடகிழக்கு ஆப்பிரிக்கப் பகுதியில் அமைந்துள்ள நாடு. சூடான் மேற்கிலும், எரித்ரியா வடக்கிலும், ஜிபோடி வடகிழக்கிலும், சோமாலியா கிழக்கிலும், கென்யா தெற் கிலும் அமைந்துள்ளன.

சரித்திரம்: எத்தியோப்பியா, கறுப்பு ஆப்பிரிக்கரின் மிகப் பழமையான நாடு. இங்கு 2000 ஆண்டுகளுக்கு முன் செமிட்டிக் மொழி பேசியவர்கள் வாழ்ந்தனர்.

கி.மு.8-ம் நூற்றாண்டு முதல் கி.மு.4-ம் நூற்றாண்டு வரை ஆண்ட டிமிட் பேரரசு வீழ்ச்சியுற்ற போது, பல சிற்றரசர்கள் 400 ஆண்டுகள் ஆட்சி செய்தனர். கி.பி.முதல் நூற்றாண்டில் அவை ஒன்றிணைக்கப்பட்டன. கி.பி.4-ம் நூற்றாண்டில் கிறிஸ்தவ மதம் பரப்பப்பட்டது. கி.பி.615-க்குப் பின்னர் இஸ்லாம் மத போதகர்கள் இங்கு வந்து தங்கினர். 15-ம் நூற்றாண்டின் தொடக்கத்தில் ஐரோப்பிய பேரரசுகளுடன் எத்தியோப்பியா உறவு கொள்ள முயன்றது. இங்கிலாந்து, போர்ச்சுக்கல் ஆகிய நாடுகளுடன் நட்புறவு கொண்டது. 1624-ல் சுசென்யோஸ் ஆட்சி செய்தார். பின்னர் அவர், கிறிஸ்தவ மதத்தில் இணைந்தார்.

1855-ல் எத்தியோப்பிய பகுதிகள் ஒன்றிணைக்கப்பட்டன. அரசருக்குரிய அதிகாரங்கள் அதிகமானது. எத்தியோப்பியா மன்னனுக்குக் கப்பம் கட்டி வந்த சுல்தானிடம் இருந்து அஸ்ஸெப் என்ற துறைமுகத்தை இத்தாலிக் கம்பெனி விலைக்கு வாங்கியது. அதன் பின்னர், எத்தியோப்பியாவிற்கும், இத்தாலிக்கும் இடையே மோதல் ஏற்பட்டது. 1896-ல் சமாதான உடன்படிக்கை ஏற்பட்டது.

2.11.1930-ல் முதலாம் ஹெய்லி சலாசி மன்னர் ஆனார். இவர் ஆப்பிரிக்க ïனியன் அமையக் காரணமாக இருந்தார். எத்தியோப்பியாவின் வளர்ச்சிக்காக அரும்பாடுபட்டார். 1936 முதல் 1941 வரை இத்தாலியின் ஆதிக்கத்தின் கீழ் எத்தியோப்பியா இருந்தது. அந்த சமயத்தில்தான் இத்தாலிக்கும், அபிசீனியாவிற்கும் இடையே போர் நடந்தது.

இரண்டாம் உலகப்போரில் இத்தாலி ஈடுபட்டபோது, பிரிட்டிஷ் உதவியுடன் எத்தியோப்பியா 1941-ல் விடுதலை அடைந்தது. 1942, 1943-ம் ஆண்டுகளில் இத்தாலி, எத்தியோப்பியா மீது கொரில்லா போர் நடத்தியது. 1942-ல் அடிமை வர்க்கத்தை ஒழிப்பதாக சலாசி அறிவித்தார்.

1952-ல் எரித்ரியாவையும், எத்தியோப்பியாவையும் இணைத்துக் கூட்டாட்சி என அறிவித் தார். அது 1962-ல் கலைந்தது. 1973-ல் எண்ணெய் நெருக் கடி, உணவுப் பற்றாக்குறை, எல்லைப் போர்கள் மற்றும் நவீனமயமாக்குதல் போன்ற காரணங் களால் நடுத்தர மக்கள் அதிருப்தி அடைந்து சலாசிக்கு எதிராக மக்கள் திரண்டனர். 1974-ல் ஹெய்லி சலாசி ஆட்சி முடிவுக்கு வந்தது. மெங்கிஸ்ட் ஹெய்லி மரியம் தலைமையில் சோவியத் ஆதரவுடன் மார்க்சிஸ்ட்- லெனினிஸ்ட் ராணுவக்குழு ஆட்சி பொறுப்பேற்றது.

1977-ல் எத்தியோப்பியாவில் உள்ள ஒகாடென் பகுதியை சோமாலியா கைப்பற்றியது. சோவியத், கிïபா ராணுவ உதவியுடன் அப்பகுதி மீட்கப்பட்டது. 1980-ம் ஆண்டுகளில் எத்தியோப்பியாவில் பெரும் பஞ்சம் ஏற்பட்டது. 10 லட்சம் பேர் உயிர் இழந்தனர்.

ராணுவ ஆட்சிக்கு எதிராக எத்தியோப்பிய மக்கள் புரட்சி ஜனநாயக முன்னணிப் படைகள் எத்தியோப்பியாவிற்குள் நுழைந்தன. மெங்கிஸ்டு ஜிம்பாப்வேக்கு தப்பினார். 87 பேர்களு டன் தற்காலிகமாக அரசு அமைக்கப்பட்டது. 1994-ல் அரசியல் அமைப்பு சட்டம் ஏற்கப் பட்டது. 1995-ல் பல கட்சிகள் பங்கேற்ற தேர்தல் நடைபெற்றது. அதன் பின்னர், 15.6.2005-ல் தேர்தல் நடைபெற்றது.

எத்தியோப்பியா கூட்டமைந்த பாராளுமன்ற குடியரசு நாடு. இங்கு 9 நிர்வாக மாநிலங்கள் உள்ளன. இவை 68 பகுதிகளாகவும், இரண்டு தனியுரிமை பெற்ற நகரங்களாகவும் பிரிக்கப்பட்டன. அவை மேலும் 550 சிறு நிர்வாகப் பிரிவுகளாக உள்ளன. நாட்டின் வருவாயில் 60 சதவீதம் காப்பி பயிரில் இருந்தே கிடைக்கிறது. 500 டன்களுக்கு மேலாக தங்கப் படிவுகள் இருப்பதாகக் கூறப்படுகிறது.

விளைபொருட்கள்: காப்பி, கோதுமை, பார்லி, மக்காச்சோளம், கரும்பு, பருத்தி, எண்ணெய் வித்துக்கள்.

தொழில்கள்: கால்நடை உற்பத்தி, உணவுப்பதனிடுதல், துணிகள், சிமெண்ட்.

தகவலுக்கு நன்றி அதன் புகைப்படம் போட்டு இருந்தால் இன்னும் நன்றாக இருந்திருக்கும்

நல்ல தகவல் . நன்றி.

நல்ல தகவல் வாழ்த்துக்கள்