ஒரு சிட்டுக் குருவியின் "கீச்சுக்" குரல்.

**rameshnaga** · **rameshnaga** Thu Sep 15, 2011 9:11 pm

நேற்றும்... வழக்கம்போலவே
பறந்து வந்து ஏமாந்து திரும்புகிறேன்
எனது கூடு கட்டுவதற்கான இடமின்றி.

எனது முப்பாட்டனும்..அவன் முன்னோரும்
வசித்த உங்களின் இடங்களை விற்றுவிட்டீர்கள்...
எனைப் பற்றியும்..என் குழந்தைகள் பற்றிய
எந்த அக்கறையுமின்றி.

நாங்கள் வசித்தமரங்கள்
உங்களின் வீதி மறிப்புப் போராட்டங்களில்
வீழ்ந்து விட...
உங்களின் "தாழ்வாரம்" கட்டிய வீடுகள்
அடுக்கு மாடிக் கூடுகளாகி விட..

கூடுகளற்றுப் பறந்து திரிகிறோம்..
வெள்ளை வானத்தில்.
நாங்கள்..."வசித்ததெல்லாம்"
சென்ற நூற்றாண்டின் கனவுகளாகி விட..
ஒரு "கிளை" தேடி அலைகிறோம்..
எங்களின் வாழ்வின் பயணத்தில்.

கூடுகளற்ற வாழ்வில்...எங்களுக்கும்..
"பெரும் கனவாகி" விட்டது வாழ்வு.
"வீட்டிற்கொரு மரம் வளர்க்கச்" சொல்லும்
உங்களின் விளம்பரங்களைப் பார்க்கிறேன்..

"வளருங்கள்" மரங்களை.
மழைக்காக மட்டும் இல்லை.
இந்த சிற்றறிவு ஜீவன்களின்
"மரணம்"தவிர்ப்பதற்காகவும்.

**அருண்** · **அருண்** Thu Sep 15, 2011 9:58 pm

ஒரு சிட்டுக் குருவியின் "கீச்சுக்" குரல் எங்கள் காதுகளில் ஒலித்து கொண்டே இருக்கிறது..! சூப்பருங்க

அருமை அய்யா..!

sino · sino Thu Sep 15, 2011 10:00 pm

**rameshnaga** · **rameshnaga** Thu Sep 15, 2011 10:03 pm

ரொம்பவும் நன்றி! அருண்.
ரொம்பவும் நன்றி! sino.

dsudhanandan · dsudhanandan Thu Sep 15, 2011 10:37 pm

சீட்டு குருவிகள் இப்ப நினைவில்தான் இருக்கு... நேரில் பார்க்க முடியவில்லை... கவிதைக்கு ஒரு

**rameshnaga** · **rameshnaga** Thu Sep 15, 2011 11:02 pm

ரொம்பவும் நன்றி! த.சுதானந்தன்.

**rameshnaga** · **rameshnaga** Fri Sep 16, 2011 5:03 pm

rameshnaga wrote:ரொம்பவும் நன்றி! த.சுதானந்தன்.

ranhasan · ranhasan Fri Sep 16, 2011 5:08 pm

//எனது முப்பாட்டனும்..அவன் முன்னோரும்
வசித்த உங்களின் இடங்களை விற்றுவிட்டீர்கள்...
எனைப் பற்றியும்..என் குழந்தைகள் பற்றிய
எந்த அக்கறையுமின்றி.//

உரிமையுடன் வினவும் இவ்வரிகள் எனக்கு மிகவும் பிடித்துள்ளது...அருமை ரமேஷ் மகிழ்ச்சி