சிறந்த நடிகருக்கான தேசிய விருதை பெற்றார் தனுஷ்: நடிகைக்கான விருதை பெற்றார் சரண்யா

சிறந்த சினிமா கலைஞர்களுக்கு தேசிய விருதுகள் வழங்கும் நிகழ்ச்சி, டெல்லியில் உள்ள விஞ்ஞானபவனில் இன்று (வெள்ளிக்கிழமை) நடைபெற்றது. இந்த நிகழ்ச்சியில், ஜனாதிபதி பிரதீபா பட்டீல் கலந்துகொண்டு விருதுகளை வழங்கினார்.

மத்திய தகவல் மற்றும் ஒலிபரப்பு துறை மந்திரி அம்பிகா சோனி, நிகழ்ச்சியில் கலந்துகொண்டார். சிறந்த நடிகருக்கான விருது, ஆடுகளம்' படத்தில் நடித்ததற்காக தனுசுக்கு வழங்கப்பட்டது. இவருக்கு விருதுடன் வெள்ளி தாமரை மற்றும் ரூ.50 ஆயிரம் ரொக்கமும் வழங்கப்பட்டது.

சிறந்த நடிகைக்கான விருதை, தென்மேற்கு பருவக்காற்று' படத்தில் நடித்ததற்காக, சரண்யா பொன்வண்ணன் பெற்றார். இவருக்கும் விருதுடன் வெள்ளித்தாமரை மற்றும் ரூ.50 ஆயிரம் ரொக்கம் வழங்கப்பட்டது.

ஆடுகளம்' படத்துக்கு சிறந்த டைரக்டர் (வெற்றிமாறன்), சிறந்த நடிகர் (தனுஷ்), சிறந்த திரைக்கதை (வெற்றிமாறன்), சிறந்த எடிட்டர் (டி.ஈ.கிஷோர்), சிறந்த நடன அமைப்பாளர் (வி.தினேஷ் குமார்), சிறப்பு விருது (இலங்கை நடிகர் ஜெயபாலன்) என மொத்தம் 6 விருதுகள் வழங்கப்பட்டன.

இவர்களுடன் அடமின்டே மகன் அபு' என்ற மலையாள படத்தில் நடித்தற்காக சலிம் குமார், பாபு பன்ட் பாஜா' என்ற மராத்தி படத்தில் நடித்தற்காக மிடலீ ஜக்தாப் வரத்கர் ஆகியோரும் சிறந்த நடிகர்களுக்கான விருது வழங்கப்பட்டன.

சிறந்த படமாக தேர்தெடுக்கப்பட்ட அடமின்டே மகன் அபு'வை தயாரித்த அஷ்ரப் பேடிக்கு தங்க தாமரையும், ரூ.2 லட்சத்து 50 ஆயிரம் ரொக்கமும் வழங்கப்பட்டன.

சிறந்த பொழுதுபோக்கு படமாக தபாங்க்' (இந்தி) தேர்ந்தெடுக்கப்பட்டது. அந்த படத்தை தயாரித்த அர்பாஸ் கான், மலைகா அரோரா கான், திலின் மேத்தா ஆகிய மூவருக்கும் விருது வழங்கப்பட்டன.

நக்கீரன்

சிறந்த நடிகை நடிகருக்கே வெள்ளி தாமரை என்றால் தங்க தாமரை யாருக்கு தருவார்கள்?

krishnaamma wrote:சிறந்த நடிகை நடிகருக்கே வெள்ளி தாமரை என்றால் தங்க தாமரை யாருக்கு தருவார்கள்?

தங்கம் விக்கிர விலையில உங்களுக்கு தங்க தாமரை வேண்டும