பாவம்.. சந்திரபாபு நாயுடு குடும்பத்தின் சொத்து மதிப்பு வெறும் ரூ.39 கோடி தான்!

ஹைதராபாத்: தெலுங்கு தேசம் கட்சியின் தலைவரும் ஆந்திர முன்னாள் முதல்வருமான சந்திரபாபு நாயுடு, சொத்து விவரங்களை வெளியிட்டுள்ளார். அவருக்கும் அவரது குடும்பத்தினருக்கும் கடன்கள் நீங்கலாக மொத்தமே ரூ.38.88 கோடிக்குத் தான் சொத்துகள் உள்ளதாக அவர் கூறியுள்ளார்.

சந்திரபாபு நாயுடுவுக்கு ரூ. 2,000 கோடிக்கும் அதிகமான சொத்து இருப்பதாக காங்கிரஸ் குற்றம் சாட்டி வருகிறது. இந் நிலையில் அவர் தனது சொத்து விவரங்களை வெளியிட்டுள்ளார்.

இது குறித்து நாயுடு கூறுகையில், ஆந்திராவில் நான் முதல்வராக இருந்த போது தான் அமைச்சர்களும் எம்.எல்.ஏ.க்களும் சொத்துகளை வெளியிடும் நடைமுறையை கொண்டு வந்தேன். தற்போது, நாடு முழுவதும் ஊழலுக்கு எதிரான போராட்டம் வலுவடைந்துள்ள நிலையில், எனது குடும்பத்தினர் அனைவருடைய சொத்துகளையும் பகிரங்கமாக அறிவித்துள்ளேன். என் மீது ஆயிரம் கோடி, இரண்டாயிரம் கோடி என ஊழல் புகார்கள் கூறப்படுகின்றன.

அவர்களுக்கு பதிலடி அளிக்கும் விதமாக எனது குடும்பத்தினரின் முழு சொத்து விபரங்களையும் அறிவிக்கிறேன். இந்த சொத்துகள் அனைத்தும் நான் வாங்கும்போது உள்ள மதிப்பு ஆகும். இப்போதைய சந்தை மதிப்பு அல்ல.

தனிப்பட்ட முறையில் எனக்கு ரூ.39.88 லட்சத்துக்கு சொத்துகள் உள்ளன. என் மனைவி புவனேஸ்வரி பெயரில் ரூ.39.56 கோடிக்கு சொத்துகள் உள்ளன. எங்களுடைய குடும்ப நிறுவனமான ஹெரிடேஜ் புட்ஸ் நிறுவனத்தின் தலைவராகவும் புவனேஸ்வரி செயல்படுகிறார்.

புவனேஸ்வரிக்கு ரூ.12.38 கோடி கடன் இருப்பதால் உண்மையான சொத்து மதிப்பு ரூ.27 கோடி தான். ஹைதராபாத் ஜூப்ளி ஹில்ஸ் பகுதியில் எங்கள் குடும்பம் வசித்து வரும் வீடு, வங்கிக் கடனில் உள்ளது. எனது மனைவி நடத்தும் வர்த்தக நிறுவனத்துக்காக அந்த வீட்டை அடகு வைத்துள்ளோம்.

எனது மகன் லோகேஷ் பெயரில் ரூ.6.8 கோடி சொத்துக்களும், ரூ.9 கோடிக்கு கடனும் உள்ளது.

இது போல, எனது மருமகள் பிராமணி பெயரில் ரூ.3.2 கோடி சொத்து உள்ளது. இது, அவருடைய தந்தையான நடிகர் பாலகிருஷ்ணா அளித்தது.

நிர்வாணா ஹோல்டிங்ஸ் நிறுவனத்தில் எங்கள் குடும்பத்துக்கு ரூ.15.75 கோடி மதிப்பில் பங்குகள் உள்ளன. ஆனால், ரூ.15.37 கோடி கடனும் உள்ளது.

ஹெரிடேஜ் புட்ஸ் பொது நிறுவனமாக பங்குச் சந்தையில் பட்டியலிடப்பட்டுள்ளது. தற்போது, அதன் ஒரு பங்கின் மதிப்பு ரூ.172 ஆகும். நிறுவனத்தின் மொத்த சந்தை மதிப்பு ரூ.214 கோடி. எங்கள் குடும்பத்திடம் அந்த நிறுவனத்தின் 48.82 சதவீத பங்குகள் உள்ளன. அதே நேரத்தில், அந்த நிறுவனத்தின் பெயரில் ரூ.95 கோடிக்கு கடன் இருக்கிறது என்றார் நாயுடு.
தட்ஸ் தமிழ்

பாவம் ஏழைதான் அவர் !

ஆனால் பாவம் அவருக்கு தனிப்பட்ட முறையில் எனக்கு ரூ.39.88 லட்சத்துக்கு சொத்துகள் உள்ளன.என்று தானே சொல்கிறார், ரொம்ப பாவம் எவ்வளவு ஏழை அவர் ச்சு ....சுசு ................

இதையாவது இருக்கு நு சொல்லி இருக்காரே அதுல வொயிட் எவ்வ்லவு பிளாக் எவ்வ்லவு

ரொம்ப பாவம் அவங்க ஃபேமிலி கடன அடைக்க ரொம்ப போராடிட்டு இருப்பாங்க போல.....நாம எல்லாரும் சேந்து ஆளுக்கு அஞ்சு ரூபா போட்டு அனுப்பி வைக்கலாமா.....
பொய்யை நிஜம் போல் கூறுபவர்கள் தான் நிஜ அரசியல் வியாதிகள் என்பதை நிரூபித்து இருக்கிறார்.....

பிஜிராமன் wrote:ரொம்ப பாவம் அவங்க ஃபேமிலி கடன அடைக்க ரொம்ப போராடிட்டு இருப்பாங்க போல.....நாம எல்லாரும் சேந்து ஆளுக்கு அஞ்சு ரூபா போட்டு அனுப்பி வைக்கலாமா.....
பொய்யை நிஜம் போல் கூறுபவர்கள் தான் நிஜ அரசியல் வியாதிகள் என்பதை நிரூபித்து இருக்கிறார்.....

ராமன், எங்க அனுப்பனும் என்று சொல்லுங்கோ நானும் 5 ருபை அனுபறேன் அவருக்கு

என்னமாய் நடிக்கிறங்க பாவிங்க வாய் கூசாமல் போயி சொல்லராங்களே இவங்களை நம்பி எத்தனை மக்கள் ஓட்டு போடாரங்க?

நகரி, செப் 3-


ஆந்திர
முன்னாள் முதல்- மந்தரியும், தெலுங்கு தேசம் கட்சித் தலைவருமான
சந்திரபாபுநாயுடு நேற்று ஐதராபாத்தில் தனது சொத்துப் பட்டியலை
வெளியிட்டார். அப்போது அவர் தனக்கு ரூ.38 கோடி சொத்து இருப்பதாகக்
கூறினார்.

இது ஆந்திர அரசியலில் பரபரப்பை
ஏற்படுத்தியது. ஜெகன்மோகன் ரெட்டி மீது சொத்து குவிப்பு வழக்கு போடப்பட்டு
விசாரணை நடந்து வருவதால் சந்திரபாபு நாயுடு திடீரென சொத்து பட்டியலை
வெளியிட்டதாக அவருக்கு நெருக்கமான நண்பர்கள் தெரிவித்தனர்.

இந்நிலையில் என்.டி.ராமராவின் 2-வது மனைவி லட்சுமி பார்வதி ஐதராபாத்தில் நிருபர்களிடம் கூறியதாவது:-

சந்திரபாபுநாயுடு
நடுத்தர குடும்பத்தில் பிறந்தவர். அவர் அரசியலுக்கு வந்த பிறகு தான்
கோடிக் கணக்கில் சம்பாதித்தார். அவர் வெளியிட்ட சொத்துக் கணக்கு பொய்யானது.
அவருக்கு பல கோடி சொத்துக்கள் உள்ளன. அவருக்கு பினாமிகள் பெயரில் நாடு
முழுவதும் ஏராளமான நிறுவனங்கள், வீடுகள், நிலங்கள் உள்ளன. அவர் தனக்கு
பினாமிகள் பெயர்களில் சொத்துக்கள் இல்லை என்று அவரது மகன் தலையில் வைத்து
சத்தியம் செய்யத் தயாரா?

சந்திரபாபு நாயுடு பொய்யான
சொத்துப்பட்டியலை வெளியிட்டு ஆந்திர மக்களை ஏமாற்ற முடியாது. அவர்கள்
தேர்தலில் சந்திரபாபு நாயுடுவுக்கு தகுந்த பாடம் புகட்டுவார்கள்.

இவ்வாறு லட்சுமிபார்வதி கூறினார். மாலைமலர்