கருணாநிதிக்கு ''உலக திரைப்பட சாதனையாளர்" விருது!

மீனு · மீனு Tue 29 Sep 2009 - 3:49

சென்னை:

தமிழக முதல்வர் கருணாநிதிக்கு ''உலக திரைப்பட வாழ்நாள் சாதனையாளர் விருது'' வழங்கப்படும் என்று தென்னிந்திய திரைப்பட தொழிலாளர் சங்கம் அறிவித்துள்ளது. கருணாநிதிக்கு ''உலக திரைப்பட சாதனையாளர்" விருது! Karunanithi

கருணாநிதிக்கு ''உலக திரைப்பட சாதனையாளர்" விருது! Karunanithi

இதுகுறித்து அச்சங்கத்தின் தலைவர் குகநாதன் கூறியது..'' தென்னிந்திய திரைப்பட தொழிலாளர் சங்கத்தின் சார்பில் அகில இந்திய திரைப்பட தொழிலாளர் கூட்டமைப்பின் தேசிய மாநாடு அக்டோபர் மாதம் 9,10,11 ஆகிய தேதிகளில் சென்னை நந்தம்பாக்கம் வர்த்தக மையத்தில் நடைபெறுகிறது.

36 ஆண்டு இடைவெளிக்குபின் தேசிய மாநாடு நடைபெறுகிறது. பெப்சி, நடிகர் சங்கம், திரைப்பட தயாரிப்பாளர் சங்கம் ஆகிய அமைப்புகள் இணைந்து இந்த மாநாட்டை நடத்துகிறது. அக்டோபர் 9ஆம் தேதி நடிகர் ரஜினிகாந்த் மாநாட்டை தொடங்கிவைக்கிறார்.

நடிகர் கமலஹாசன் குத்துவிளக்கேற்றி மாநாட்டை தொடங்கிவைக்கிறார். இந்த மாநாட்டில் தமிழக முதல்வர் கருணாநிதிக்கு உலக திரைப்பட வாழ்நாள் சாதனையாளர் விருது அளிக்கப்படுகிறது.

இந்த மாநாட்டுக்கு அளிக்கப்படும் நன்கொடையை வைத்து திரைப்பட தொழிலாளர்களுக்கு மருத்துவமனை கட்டப்படும். இந்த மாநாட்டில் கலந்துகொள்ள வசதியாக மாநாடு நடைபெறும் 3 நாட்களும் அனைத்து திரைப்பட படப்பிடிப்புகளும் ரத்து செய்யப்படும்."என்றார்.