இளம்பெண்ணை காரில் கடத்தி கற்பழிக்க முயற்சி

மும்பையில் இருந்து சென்னைக்கு சுற்றுலா வந்த இளம்பெண்னை காரில் கடத்தி சென்று 3 பேர் கற்பழிக்க முயன்றனர். கிழக்கு கடற்கரை சாலையில் காரை நிறுத்தி மீட்ட போலீஸ் ஏட்டை தாக்கி விட்டு சென்ற 3 பேரை போலீசார் தேடி வருகின்றனர்.

பெண்ணின் அலறல்

சென்னையை அடுத்த நீலாங்கரை அக்கரை வாகன சோதனை சாவடியில் துரைப்பாக்கம் உதவி கமிஷனர் ரவி உத்தரவின்பேரில், நீலாங்கரை போலீசார் கண்காணிப்புப் பணியில் ஈடுபட்டனர். அப்போது நள்ளிரவு 1.30 மணியளவில் ஒரு கார் வேகமாகச் சென்றது.

அதில் இருந்த ஒரு பெண் தன்னை காப்பாற்றும்படி அலறிக் கொண்டு சென்றார். இந்த சத்தத்தை கவனித்த போலீசார் உஷார் அடைந்தனர்.

இதுபற்றி காணாத்தூரில் ரோந்து பணியில் இருந்த போலீஸ் ஏட்டு கிருஷ்ணமுர்த்திக்கு தகவல் தரப்பட்டது. இதையடுத்து உத்தண்டி சுங்க சாவடி அருகே சாலையில் அவசர கால தடுப்புகள் போடப்பட்டன.

அப்போது பெண் அலறல் சத்தத்துடன் வந்த காரை போலீஸ் ஏட்டு கிருஷ்ணமூர்த்தி தடுத்து நிறுத்தினார். அந்த காரின் கதவை திறந்து உள்ளே இருந்த பெண்ணை வெளியே இழுத்தார். இதைக்கண்டதும் காரில் இருந்தவர்கள் பெண்ணை விடாமல் காருக்குள் இழுத்தனர்.

ஏட்டு மீது தாக்குதல்

ஆனாலும் போலீஸ் ஏட்டு பெண்ணை காரில் இருந்து வெளியே இழுத்து மீட்டார். அப்போது அந்த பெண் அரை நிர்வாணத்துடன் இருந்தார்.

பின்னர் காரின் டிரைவர் உள்பட காரில் இருந்தவர்களை பிடிக்க போலீஸ் ஏட்டு முயன்றார். இதை கண்ட காரில் இருந்தவர்கள் போலீஸ் ஏட்டு கிருஷ்ணமூர்த்தியை சரமாரியாக தாக்கி கீழே தள்ளிவிட்டு அங்கிருந்து காரில் மின்னல் வேகத்தில் தப்பிச் சென்றனர்.

இதுபற்றி தகவல் அறிந்ததும் அடையாறு துணை கமிஷனர் செந்தில்வேலன் உத்தரவின்பேரில், உதவி கமிஷனர் ரவி, இன்ஸ்பெக்டர் தேவராஜ் மற்றும் போலீசார் விரைந்து சென்றனர். அந்த பெண்ணுக்கு அடையாறில் உள்ள தனியார் ஆஸ்பத்திரியில் முதலுதவி அளித்தனர்.

பிëன்னர் நடத்திய விசாரணையில் கடத்தப்பட்ட அந்தப் பெண் மும்பையை சேர்ந்த பிரியா (வயது 20) என்பது தெரிய வந்தது. அவருடைய கணவர் பெயர் உதயா. பிரியா போலீசாரிடம் இந்தியில் பதில் அளித்தார்.

அப்போது அவர் கூறியதாவது:-

சுற்றுலா வந்தேன்

மும்பையை சேர்ந்த நான் எனது கணவரின் நண்பர் கிருஷ்ணாபாய் (25) என்பவருடன் கடந்த 10 தினங்களுக்கு முன்பு சென்னைக்கு சுற்றுலா வந்தேன். 2 நாட்களில் மும்பைக்கு திரும்ப இருவரும் திட்டமிட்டிருந்தோம். சென்னையில் உள்ள ஒரு ஓட்டலில் தங்கி இருந்தோம். ஏராளமான இடங்களை சுற்றி பார்த்தோம். இருந்த பணம் தீர்ந்து விட்டதால் என்னை விபசாரத்தில் தள்ளி பணம் சேர்க்க கிருஷ்ணாபாய் முடிவு செய்தார். இதற்காக ஒரு புரோக்கர் மூலம் ஒரு தொழில் அதிபரை ஏற்பாடு செய்தார். இதற்காக மாமல்லபுரத்தில் ஒரு ஓட்டல் அறையையும் முன்பதிவு செய்துள்ளார். இதெல்லாம் எனக்குத் தெரியாது. ஒரு காரில் இரவில் சென்னை நகரைச் சுற்றினோம். கிழக்குக் கடற்கரை சாலையில் செல்லும்போது அந்தத் தொழில் அதிபர் காரில் ஏறினார். மாமல்லபுரம் நோக்கி கார் சென்றது. காணாத்தூர் செக்-போஸ்ட்டில் கார் நின்றபோது அந்த தொழில் அதிபர் என்னை கற்பழிக்க முயன்றார். இதனால் பயந்து சத்தம் போட்டேன். போலீசார் என்னை மீட்டனர்.

இவ்வாறு பிரியா கூறினார்.

போலீஸ் விசாரணை

இது பற்றி நீலாங்கரை போலீசாரிடம் பிரியா புகார் தர மறுத்து விட்டார். மேலும் இவர் மும்பையில் இருந்து கணவருடன் வராமல் கணவரின் நண்பருடன் வந்தது ஏன்? உண்மையில் பிரியாவை கடத்தி சென்று கற்பழிக்க முயன்றார்களா? என்று போலீசார் விசாரணை நடத்தி வருகிறார்கள்.

மேலும் கிருஷ்ணபாயுடன் சுற்றுலா வந்த பிரியாவை தனது நண்பர்களுக்கு விருந்தாக்க எண்ணி காரில் அழைத்து சென்றது உண்மையா? எனவும் விசாரணை மேற்கொண்டுள்ளனர். போலீஸ் ஏட்டை தாக்கி தப்பி சென்ற கிருஷ்ணாபாய், தொழில் அதிபர் மற்றும் கார் டிரைவரை போலீசார் தேடி வருகிறார்கள். தாக்கப்பட்ட போலீஸ் ஏட்டு சிகிச்சைக்காக ஆஸ்பத்திரியில் சேர்க்கப்பட்டுள்ளார்.

தினதந்தி

கிறிஷ்னபாய் அவர் நண்பருக்கு திரோகம் செய்து இருக்கிறார்
பாவம் அந்த பெண்

கொடுமை

மேலும் இவர் மும்பையில் இருந்து கணவருடன் வராமல் கணவரின் நண்பருடன் வந்தது ஏன்?

பூஜிதா wrote:கிறிஷ்னபாய் அவர் நண்பருக்கு திரோகம் செய்து இருக்கிறார்
பாவம் அந்த பெண்

திருமணம் முடிந்த பின்பு ஏன் நண்பருடன் வரவேண்டும். அது தவறுதானே, அதானால் தான் அந்த பெண் இந்தமாதிரியான சந்தர்ப்பங்களை சந்திக்கவேண்டி இருக்கு ஷோ தவறாக கூறியிருந்தால் மன்னிக்கவும்.

ஹிஷாலீ wrote:

பூஜிதா wrote:கிறிஷ்னபாய் அவர் நண்பருக்கு திரோகம் செய்து இருக்கிறார்
பாவம் அந்த பெண்

திருமணம் முடிந்த பின்பு ஏன் நண்பருடன் வரவேண்டும். அது தவறுதானே, அதானால் தான் அந்த பெண் இந்தமாதிரியான சந்தர்ப்பங்களை சந்திக்கவேண்டி இருக்கு ஷோ தவறாக கூறியிருந்தால் மன்னிக்கவும்.

தவறில்லை ஹிஷாலீ நீங்க சொன்னது உண்மை தான்

ஹிஷாலீ wrote:

பூஜிதா wrote:கிறிஷ்னபாய் அவர் நண்பருக்கு திரோகம் செய்து இருக்கிறார்
பாவம் அந்த பெண்

திருமணம் முடிந்த பின்பு ஏன் நண்பருடன் வரவேண்டும். அது தவறுதானே, அதானால் தான் அந்த பெண் இந்தமாதிரியான சந்தர்ப்பங்களை சந்திக்கவேண்டி இருக்கு ஷோ தவறாக கூறியிருந்தால் மன்னிக்கவும்.

முதல் தடவை உங்களுடைய பின்னூட்டத்தைப் பார்க்கிறேன்.இதுவும் உங்கள் கவிதை போல் தொடர வாழ்த்துகள்