இதற்குப் பெயர் வேண்டாம்....

**rameshnaga** · **rameshnaga** Wed Aug 24, 2011 8:22 pm

First topic message reminder :

எத்தனை நக்க்ஷத்திரங்கள் கூடி
ஒவ்வொரு நாளும்
இந்த நிலவைக் கடித்துக் காயப் படுத்துவது?
பாவம்! ஒவ்வொரு நாளும்
கொஞ்சம் கொஞ்சமாக
இறந்து கொண்டிருக்கிறது அது.
*********************************************
குழந்தைகள்
தரையிலிருந்து வீசியெறிந்த
முத்தங்கள்தாம்
அந்த நிலவின் காயங்களை
ஆற்றிக் கொண்டிருக்கிறது.
நாளை.........அந்த நிலவு
முழு நிலவு ஆகி விடும்.
**********************************************
வானத்திலிருந்து மழை பெய்கிறது.
அது-
யாருடைய கண்ணீர் என்று தெரியவில்லை.
ஒருவேளை-
பூமியில் வதைபடும் திக்கற்றவர்களைக்
காப்பாற்ற முடியாத
ஒரு கடவுளின் கண்ணீராய் இருக்கலாம்.
*************************************************
மின்னலும், இடியும்....
மழையின்
புன்னகையும்..சிரிப்பும் என்று
எழுதி வைத்திருக்கிறீர்கள்.
எனக்கென்னவோ....
தினசரிகளைப் புரட்டுகையில்
என் காதில் வெகுண்டு ஒலிக்கும்...
வன் புணர்வுகளுக்கு ஆளாகும்
ஏழைச் சிறுமிகளின்...
சமூகத்தின் மீதான
கோபமும்...அழுகையுமாய்த் தோன்றுகிறது.
**************************************************
பணம் தராத மரங்களை
மனிதர்கள் வளர்ப்பதில்லை.
என்றாலும்-
நிழல் தரும் மரங்கள்
ஒருபோதும் எதிர்பார்ப்பதில்லை
மனிதர்களின் தயவை
தாங்கள் வளர்வதற்கு.
****************************************************

**rameshnaga** · **rameshnaga** Thu Aug 25, 2011 11:09 am

நன்றி! ராஜா.

**rameshnaga** · **rameshnaga** Thu Aug 25, 2011 6:06 pm

rameshnaga wrote:நன்றி! ராஜா.

kitcha · kitcha Thu Aug 25, 2011 6:18 pm

பணம் தராத மரங்களை
மனிதர்கள் வளர்ப்பதில்லை.
என்றாலும்-
நிழல் தரும் மரங்கள்
ஒருபோதும் எதிர்பார்ப்பதில்லை
மனிதர்களின் தயவை
தாங்கள் வளர்வதற்கு.

வானத்திலிருந்து மழை பெய்கிறது.
அது-
யாருடைய கண்ணீர் என்று தெரியவில்லை.
ஒருவேளை-
பூமியில் வதைபடும் திக்கற்றவர்களைக்
காப்பாற்ற முடியாத
ஒரு கடவுளின் கண்ணீராய் இருக்கலாம்.

செடிகளுக்கு தண்ணீர் தேவைபடுவது போல் மரத்திற்கு தேவை இல்லைதான்,
மழையைப் பற்றிய உங்கள் சிந்தனை அருமை
உங்களுடைய கவிதை என்றுமே சற்று சிந்திக்கக் கூடிய வித்தியாசமான கவிதையாக இருக்கிறது.

அருமை வாழ்த்துகள்
சூப்பருங்க