இந்திய பவுலர்கள் மீண்டும் சொதப்பல் * வலுவான நிலையில் இங்கிலாந்து..!

**ரா.ரமேஷ்குமார்** · 23/01/2011

பர்மிங்ஹாம்: பர்மிங்ஹாம் டெஸ்டில் இந்திய அணியின் பவுலர்கள் சொதப்பலான ஆட்டத்தை வெளிப்படுத்தினர். குக்கின் அபார சதம் கைகொடுக்க, முதல் இன்னிங்சில் இங்கிலாந்து அணி வலுவான இலக்கை நோக்கி முன்னேறுகிறது.
இங்கிலாந்து சென்றுள்ள இந்திய அணி, நான்கு போட்டிகள் கொண்ட டெஸ்ட் தொடரில் பங்கேற்கிறது. முதலிரண்டு டெஸ்டில் வென்ற இங்கிலாந்து அணி, தொடரில் 2-0 என முன்னிலையில் உள்ளது. இரு அணிகள் இடையிலான மூன்றாவது டெஸ்ட், பர்மிங்ஹாமில் நடக்கிறது.
இந்திய அணி முதல் இன்னிங்சில் 224 ரன்கள் எடுத்தது. முதல் நாள் ஆட்டநேர முடிவில் இங்கிலாந்து அணி, முதல் இன்னிங்சில் விக்கெட் இழப்பின்றி 84 ரன்கள் எடுத்திருந்தது. ஸ்டிராஸ் (52), குக் (27) அவுட்டாகாமல் இருந்தனர்.

இந்திய பவுலர்கள் மீண்டும் சொதப்பல் * வலுவான நிலையில் இங்கிலாந்து..! Alastair-Cook-large_32

நிதான துவக்கம்:
நேற்று இரண்டாவது நாள் ஆட்டம், மழை காரணமாக அரை மணி நேரம் தாமதமாக துவங்கியது. துவக்கத்தில் இந்திய அணியின் வேகப்பந்து வீச்சில், ஸ்டிராஸ், குக் இருவரும் ரன் எடுக்க திணறினர். இதனால் முதல் 14 ஓவரில் 23 ரன்கள் மட்டுமே எடுக்கப்பட்டது.
ஸ்டிராஸ் அபாரம்:
இதன் பின் வழக்கமான ஆட்டத்துக்கு மாறினர். இந்திய அணியின் பந்துவீச்சை எவ்வித சிரமமும் இன்றி எதிர்கொண்டனர். ஸ்ரீசாந்த், இஷாந்த் சர்மா பந்துகளில் பவுண்டரி அடித்து அசத்தினார் ஸ்டிராஸ். இந்த ஜோடியை பிரிக்க, தோனி எடுத்த முயற்சிகள் எதுவும் பலிக்கவில்லை. முதல் விக்கெட்டுக்கு 186 ரன்கள் சேர்த்த நிலையில், அமித் மிஸ்ராவின் சுழலில் ஸ்டிராஸ் (87) போல்டானார்.
குக் சதம்:
அடுத்து குக்குடன், இணைந்த பெல், அதிரடியாக துவக்கினார். இஷாந்த் சர்மா ஓவரில் 3 பவுண்டரிகள் அடித்த இவர், மிஸ்ரா பந்தையும் விட்டுவைக்கவில்லை. மறுமுனையில் தொடர்ந்து சிறப்பான ஆட்டத்தை வெளிப்படுத்திய குக், சர்வதேச டெஸ்ட் அரங்கில் 19வது சதம் அடித்து அசத்தினார். இந்நிலையில் பிரவீண் குமார் வேகத்தில், பெல் (34) வீழ்ந்தார்.
பீட்டர்சன் அதிரடி:
பின் வந்த பீட்டர்சனும், தன் பங்கிற்கு அதிரடியை வெளிப்படுத்தினார். அமித் மிஸ்ரா பந்தில் இமாலய சிக்சர் அடித்த இவர், இஷாந்த் ஓவரில் 3 பவுண்டரி அடித்து நொறுக்கினார். இவர் தனது 25வது அரைசதம் கடந்த நிலையில், 63 ரன்னுக்கு வெளியேறினார்.
வலுவான முன்னிலை:
இரண்டாம் நாள் ஆட்டநேர முடிவில், இங்கிலாந்து அணி முதல் இன்னிங்சில் 3 விக்கெட்டுக்கு 456 ரன்கள் எடுத்து, 232 ரன்கள் முன்னிலை பெற்று இருந்தது. குக்(182), மார்கன் (44) அவுட்டாகாமல் இருந்தனர். கைவசம் 7 விக்கெட்டுகள் உள்ள நிலையில், இன்று அதிரடியாக ரன்குவித்து இங்கிலாந்து அணி "டிக்ளேர் செய்யும் எனத் தெரிகிறது. இன்னும் 3 நாட்கள் மீதம் உள்ள நிலையில், இந்திய அணி இன்னிங்ஸ் தோல்வியை தவிர்க்கவே, போராட வேண்டியது இருக்கும்.

பீல்டிங் மோசம்
இந்திய அணியின் பவுலிங் தான் சொதப்பல் என்றால், வீரர்களின் பீல்டிங் அதைவிட படுமோசமாக இருந்தது. டிராவிட், சச்சின், ஸ்ரீசாந்த் போன்றவர்கள், எளிதாக பிடிக்க வேண்டிய "கேட்ச்சுகளை கூட கோட்டை விட்டு வெறுப்பேற்றினர்.

ஸ்கோர் போர்டு
முதல் இன்னிங்ஸ்
இந்தியா 224
இங்கிலாந்து
ஸ்டிராஸ்(ப)மிஸ்ரா 87(176)
குக்-அவுட் இல்லை- 182(339)
பெல்(ப)பிரவீண் 34(43)
பீட்டர்சன்-எல்.பி.டபிள்யு.,(ப)பிரவீண் 63(78)
மார்கன்-அவுட் இல்லை- 44(66)
உதிரிகள் 46
மொத்தம்(115 ஓவரில் 3 விக்.,) 456
விக்கெட் வீழ்ச்சி: 1-186(ஸ்டிராஸ்), 2-252(பெல்), 3-374(பீட்டர்சன்).
பந்துவீச்சு: பிரவீண் 32-12-75-2, ஸ்ரீசாந்த் 22-4-103-0, இஷாந்த் 25-6-112-0, அமித் மிஸ்ரா 26-2-100-1, ரெய்னா 9-0-30-0, சச்சின் 1-0-3-0.

தினமலர்

இந்திய பவுலர்கள் மீண்டும் சொதப்பல் * வலுவான நிலையில் இங்கிலாந்து..!

இந்திய பவுலர்கள் மீண்டும் சொதப்பல் * வலுவான நிலையில் இங்கிலாந்து..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக