‘கணவருடன் சேர்த்து வையுங்கள்’ இளம் பெண் போராட்டம்

புதுக்கடை:குமரி மாவட்டம் கருங்கல் அருகே உள்ள பாலப்பள்ளம் நடுப்பிடாகை பகுதியை சேர்ந்தவர் கண்ணன். இவரது மனைவி கோபிகா (23). திருமணம் முடிந்த சில மாதங்களில் கணவன், மனைவி இடையே தகராறு ஏற்பட்டு பிரிந்தனர். சில மாதங்களுக்கு முன்பு கோபிகாவுக்கு பெண் குழந்தை பிறந்தது. இந்நிலையில், கணவருடன் தன்னை சேர்த்து வைக்ககோரி கடந்த 7ம் தேதி முதல் கைக்குழந்தையுடன் கணவர் வீட்டு முன்பு கோபிகா போராட்டம் நடத்தி வருகிறார். இதையடுத்து பத்மனாபபுரம் ஆர்.டி.ஓ. முருகவேல் பேச்சு நடத்தினார். அதில் சமரசம் ஏற்படவில்லை. கடந்த 10ம் தேதி நாகர்கோவிலில் எஸ்.பி. அலுவலகத்தில் நடந்த பேச்சிலும் உடன்பாடு ஏற்படாததால், கோபிகா தொடர்ந்து 10வது நாளாக நேற்றும் போராட்டம் நடத்தினார்.

கோபிகா தற்போது காய்ச்சலால் அவதிப்படுவதாக கூறப்படுகிறது. கோபிகாவுக்கு ச.ம.க, மார்க்சிஸ்ட் லெனினிஸ்ட் கட்சி, தேமுதிக ஆகிய கட்சிகள் ஆதரவு தெரிவித்து போராட்டம் நடத்தின. நேற்று முன்தினம் மாலை, பாலப்பள்ளம் சந்திப்பில், தேமுதிக சார்பில் மாநில துணைசெயலாளர் ஆஸ்டின் தலைமையில் ஆர்ப்பாட்டம் நடத்தப்பட்டது.

அவர் பேசுகையில், ‘கோபிகாவை அவரது கணவருடன் சேர்த்து வைக்கும் நடவடிக்கையை போலீசார் எடுக்க வேண்டும் என நீதிமன்றம் கூறியுள்ளது. இந்த உத்தரவை போலீசார் செயல்படுத்தவில்லை. 10 நாட்களாக இளம்பெண் கைக்குழந்தையுடன் வீதியில் போராடி வரும் நிலையில் போலீசார் பாதுகாப்புகூட கொடுக்கவில்லை.

17ம் தேதி காலை 10 மணிக்கு கண்ணனின் வீட்டுக்குள் சென்று கோபிகாவை ஒப்படைக்கும் போராட்டத்தை நடத்துவோம்’ என்றார். கோபிகாவுக்கு ஆதரவாக திமுகவினர் தட்டிபோர்டு வைத்துள்ளனர். அதிமுகவும் கோபிகாவுக்கு ஆதரவாக போராட தீர்மானித்துள்ளது.

கிள்ளியூர் தொகுதி காங்கிரஸ் எம்.எல்.ஏ. ஜான்ஜேக்கப் கூறுகையில், ‘நீதிமன்ற உத்தரவை காரணம் காட்டி, அதிகாரிகள் கோபிகாவுக்கு நியாயம் வழங்காமல் இழுத்தடிக்கின்றனர். இந்த விவகாரத்தில் மாவட்ட நிர்வாகம் உடனடியாக நடவடிக்கை எடுக்க வேண்டும். இல்லையென்றால் காங்கிரஸ் கட்சியும் போராட்டத்தில் குதிக்கும்’ என்றார்.

இதற்க்கு பிறகும் இந்த கணவன் தேவையா நாளைக்கு கொலை செய்து விட்டு தற்கொலை என்று மாற்றிவிடுவார்கள் இந்த குடும்பம் சரியானது இல்லை

அடப்பாவி உடனே அதை அரசியலாக்கிவிட்டன்களே
கோபிகா செர்ந்தமாதிரித்தான்

என்னம்மா பொண்ணு, தலைவர் சொல்றது கேக்குதா, பேசாம எழுந்து வீடு போய் சேரு!

அப்ப தானே அந்த இடத்தில கட்சிகளின் வல்லமை பார்க்கலாம்