ஓசியில் உடம்பை வளர்ப்பது எப்படி?

dsudhanandan · dsudhanandan Sat Jul 30, 2011 10:59 am

(முன்குறிப்பு: பின்வரும் ஐடியாக்களை நீங்கள் தவறாக பின்பற்றி உதை வாங்கினால் கம்பெனி பொறுப்பல்ல. ஐடியாக்கள் சிரிக்க ரசிக்க மட்டுமே, யாருடைய மனதையாவது புண்படுத்துவதாக இருந்தால் மன்னித்துக் கொள்ளவும்)

இப்போ இருக்குற டைம்ல இந்த பதிவு நம் அனைவருக்கும் உதவும் என்று நினைத்து நான் வாசிச்ச பதிவு ஒன்றை போஸ்ட் செய்கிறேன். சில பேர் இத ஏற்கனவே பண்ணி கொண்டிருக்கலாம். இல்லாதவர்கள், இதை படிச்சு முயற்சி செய்ஞ்சு பாருங்க.

முன்னுரை:

"வருஷம் முழுவதும் விடாம உங்களுக்கு ட்ரீட் வேணும்னா நீங்கள் உங்கள் நண்பரை சரியாக தேர்ந்து எடுக்க வேண்டும்"

விளக்கம்:

அதாவது தினமும் உங்கள் நண்பர்களில் ஒருவரது பிறந்தநாள் வருமாறு நீங்கள் உங்கள் நண்பர்களை தேர்ந்து எடுக்க வேண்டும். இப்படி தேர்ந்து எடுத்தால் வருஷம் 365 நாளும் நமக்கு ட்ரீட் தான்.

முதல்ல காலையில் இருந்து ஆரம்பிப்போம்:

ஐடியா நெ.1:

பொதுவா நாம் பேப்பர் வாங்க குறைந்தது மாதம் ரூ. 150 - 200 வரை ரூபாய் செலவழிக்க வேண்டும், ஒரு மாதத்திற்கு இருநூறு ரூபாய் என்றால் ஒரு ஆண்டுக்கு எவளோ வருது, அதை போய் காசு குடுத்து படிச்சிட்டு..... அதனால இந்த ஐடியா

உங்க பக்கத்துக்கு வீட்ல எத்தனை மணிக்கு பேப்பர் போட பையன் வரான்னு நோட் பண்ணுங்க. உதாரணத்துக்கு இப்போ பையன் ஆறு மணிக்கு பேப்பர் போடுறான்னு வைங்க, உங்க பக்கத்துக்கு வீட்டுக்காரர் எப்படியும் ஒரு அரை மணி நேரம் கழிச்சு தான் பேப்பர் எடுக்க வருவார். இந்த அரை மணி நேரத்துக்குள்ள நீங்க போய் அங்கேயே எங்கேயாவது ஓரமா உட்கார்ந்து பேப்பர் படிச்சு முடிச்சிடலாம். கொஞ்சம் கேவலமாத்தான் இருக்கும் வேற வழி இல்லை.

ஐடியா நெ.2:

அப்புறம் ஓசியில் காபி குடிப்பதற்கு நீங்கள் வாக்கிங் செல்லும் பழக்கத்தை ஏற்படுத்தி கொள்ள வேண்டும். வாக்கிங் போற வழியில் கண்டிப்பாக உங்களுக்குத் தெரிந்தவர்கள் வீடு இருக்குமாறு பார்த்து வைத்து கொள்ள வேண்டும். அவ்வழியே நீங்கள் வாக்கிங் போகும் போது, அவர்கள் வீட்டில் காபி வாசம் மூக்கைத் துளைக்கும். அப்போது நீங்கள் பாட்டுக்கு நடு வீட்டில் போய் உட்கார்ந்து கதை பேச ஆரம்பித்து விடுங்கள். கண்டிப்பா உங்களுக்கும் ஒரு கப் காபி உண்டு.

(குறிப்பு: ஒரு நாளைக்கு ஒரு வீட்டை தேர்ந்து எடுக்கவும்).

உங்க நண்பன் லவ் பண்ண ஆரம்பிச்சா உங்களுக்குக் கொண்டாட்டம் தான்.

ஐடியா நெ.3:

* மச்சான் உன் ஆளு இன்னிக்கு ****** படத்துக்கு போறதா தகவல் வந்துருக்கு அப்படின்னு பிட்டு போட்டு நீங்க போக விரும்புற படத்துக்கு நண்பனின் துட்டுலியே போய் குளிர் காயலாம்.(ஏ.சி.-ல)

* "மச்சான் உன் ஆளுக்கு இன்னிக்கு பிறந்த நாள் எங்கடா ட்ரீட்?" என்று ஒரு நாள் செலவை உங்கள் நண்பரை தலையில் கட்டலாம்.

* நண்பனின் காதலி அவனை பார்க்கும் போதோ இல்லை பார்த்து சிரிக்கும் போதோ, நீங்கள் உங்கள் நண்பனை உசுபேத்தி உசுபேத்தி நல்ல நல்ல ஹோட்டலா போய் சாப்பிட்டு நண்பனின் துட்டில் மொய் எழுதலாம்.

எச்சரிக்கை நெ.1:

ஆனா ஒரு முக்கியமான விஷயம் இங்கதான் நீங்க அலெர்ட்டா இருக்கணும். அந்த லவ் ஒன் சைடு லவ்வாக இருக்கும்வரைதான் நீங்க வாங்கி சாப்பிட முடியும். அதை மனசுல வச்சுக்குங்க. நண்பனின் லவ் சக்சஸ் ஆச்சுன்னா அவ்வளோதான் உங்களைக் கண்டுக்க மாட்டான்.

சரி அடுத்த கட்டத்துக்கு வருவோம், சாப்பாடு வேணும்னா கூச்ச படாம எதாவது ஒரு கல்யாண மண்டபத்தில் பூந்து விடுங்கள்.

ஐடியா நெ.4:

கொஞ்ச நேரம் சீட்ல உக்காந்து அப்படியே லைட்டா பராக்கு பாருங்க, எதுக்குன்னா சாப்பாடு பந்தி ஆரம்பிச்சிடாங்களான்னு ஒரு பார்வை பாத்து வச்சுக்குங்க. எப்படியும் சில பேர் முதல் பந்தியில முந்துவாங்க அதுக்கு முன்னாடி நீங்க முந்திக்கணும், இல்லேனா அவளோ தான், முதல் பந்தி முடியுற வரைக்கும் யார் பின்னாடியாவது நின்னு சீட் புடிக்கணும்.

எச்சரிக்கை நெ.2:

பந்தியில உட்கார்ந்த பிறகு நீங்க அரக்க பரக்க உள்ள தள்ளாதிங்க. பொறுமையா சாப்டணும், யாராவது எதாவது வேணுமானு கேட்டாங்கனா, நாசுக்கா மறுத்துடுங்க இல்லை நீங்க எனக்கு இது வேணும் அது வேணுமுன்னு கேட்டிங்க உங்கள நோட் பண்ணி வச்சிருவாங்க, அது ரிஸ்க்.

எச்சரிக்கை நெ.3:

சாப்பிட்டு முடிச்ச உடனே கையை கழிவிட்டு வீடு வந்து சேருங்க... அதை விட்டுட்டு ஐஸ் சாப்பிடுறேன், பீடா போடுறேன்னு நீங்க சம்பவ இடத்துல இருந்திங்கனா, அப்புறம் அங்க உங்களுக்கு விழுற அடி உங்கள் வாழ்நாளில் நீங்க மறக்க முடியாத சம்பவம் ஆயிடும்.

(பி.கு: சாப்பிடுவதுக்கு மட்டும் தான் இந்த யுக்தியை நீங்கள் கையாள வேண்டும், மற்றபடி செருப்பு திருடுவதற்கு நீங்கள் முயற்சி செய்து மாட்டி கொண்டீர்கள் என்றால் அதற்கு கம்பெனி பொறுப்பல்ல.)

-- இப்படி ஓசியில் உடம்பு வளர்த்தவர் K அகில்

தர்மா1 · தர்மா1 Sat Jul 30, 2011 11:05 am

nanbendaa

**அருண்** · **அருண்** Sat Jul 30, 2011 11:19 am

சுவையான டிப்ஸ் வழங்கிய சுதா அண்ணனுக்கு..! மகிழ்ச்சி

**ஸ்ரீஜா** · **ஸ்ரீஜா** Sat Jul 30, 2011 11:25 am

ரபீக் · ரபீக் Sat Jul 30, 2011 11:26 am

தே.மு.தி.க · தே.மு.தி.க Sat Jul 30, 2011 11:35 am

**krishnaamma** · **krishnaamma** Sat Jul 30, 2011 11:36 am

இப்படி சொல்லணும் போல இருந்தாலும்,

முடியல புன்னகை

சுதா

balakarthik · balakarthik Sat Jul 30, 2011 11:39 am

எங்கள் கம்பெனியின் சீக்ரெட்களை அனுமதி இன்றி வெளியிட்ட காரணத்தால் சதுரத்தின் மீதி சட்ட பூர்வ நடவடிக்கை எடுக்க பரிந்துரைக்கபடுகிறது சூப்பருங்க

**சிவா** · **சிவா** Sat Jul 30, 2011 11:42 am

ரொம்ப ரொம்ப நல்ல ஐடியாவா இருக்கு! கேவலமான ஐடியாவா இருக்கு!

இப்படிச் சொல்லிட்டேன்னு சந்தோசப்படாதீங்க..! ரொம்ப ரொம்ப என்ற இடத்தில் மவுசை வைத்துப் பாருங்கள் உண்மை தெரியும்!

**krishnaamma** · **krishnaamma** Sat Jul 30, 2011 11:55 am

சிவா wrote:
ரொம்ப ரொம்ப நல்ல ஐடியாவா இருக்கு! கேவலமான ஐடியாவா இருக்கு!

இப்படிச் சொல்லிட்டேன்னு சந்தோசப்படாதீங்க..! ரொம்ப ரொம்ப என்ற இடத்தில் மவுசை வைத்துப் பாருங்கள் உண்மை தெரியும்!

சிவா, அது 'ரொம்ப ரொம்ப' ல வராம 'நல்ல ஐடியா' வுல வருது புன்னகை

Sponsored content · Sponsored content

ஓசியில் உடம்பை வளர்ப்பது எப்படி?

ஓசியில் உடம்பை வளர்ப்பது எப்படி?

Re: ஓசியில் உடம்பை வளர்ப்பது எப்படி?

Re: ஓசியில் உடம்பை வளர்ப்பது எப்படி?

Re: ஓசியில் உடம்பை வளர்ப்பது எப்படி?

Re: ஓசியில் உடம்பை வளர்ப்பது எப்படி?

Re: ஓசியில் உடம்பை வளர்ப்பது எப்படி?

Re: ஓசியில் உடம்பை வளர்ப்பது எப்படி?

Re: ஓசியில் உடம்பை வளர்ப்பது எப்படி?

Re: ஓசியில் உடம்பை வளர்ப்பது எப்படி?

Re: ஓசியில் உடம்பை வளர்ப்பது எப்படி?

Re: ஓசியில் உடம்பை வளர்ப்பது எப்படி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக