இந்தியர்கள்தான் அதிகமாக மன அழுத்தத்துக்கு ஆளாகிறார்கள்

இந்தியர்கள்தான் அதிகமாக மன அழுத்தத்துக்கு ஆளாகிறார்கள் என்று உலக நல கழகம் நடத்திய ஆய்வில் தெரியவந்துள்ளது. டிப்ரஷனுக்கு மன சோர்வு என்று அர்த்தம் கொண்டால், அதன் முற்றிய கட்டம் விரக்தி. முன்னது அன்றாடம் சந்திப்பது. எதிர்பார்த்த பஸ் நீண்டநேரம் வராதது, கஷ்டப்பட்டு செய்துமுடித்த வேலைக்காக பாராட்டுகூட தெரிவிக்காத மேலதிகாரி, காரணமே இல்லாமல் நமக்கு பின்னால் ஆரன் அடித்துக் கொண்டே வரும் கார்.. இப்படியான சிறிய ஏமாற்றங்களும் எரிச்சல்களும் மனம் சோர்வடைய காரணமாகலாம். இது தற்காலிகமானது. சிறிய சந்தோஷத்தில் அழிந்துவிட கூடியது. இதனால் மன நலம், உடல் நலம் சீர்கெடாது.

விரக்தி என்பது நீடித்திருக்கக்கூடியது. சில வாரங்கள், மாதங்கள். மேஜர் டிப்ரசிவ் எபிசோட் & எம்டிஇ & என்கின்றனர். எல்லாமே கைமீறி போய்விட்டது; எதையும் தடுக்க என்னால் இயலவில்லை; இனி வாழ்வதே அர்த்தமில்லை என்ற கையாலாகா தனத்தின் வெளிப்பாடு இது. அன்றாட வாழ்க்கையின் நடைமுறைகளை இது பாதிக்கும். ஒருவரின் நடத்தையில் தாக்கம் ஏற்படுத்தும். மனிதர்களையும் பிரச்னைகளையும் எதிர்கொள்வதில் நிதானத்தை பலவீனப்படுத்தும். இதனால் உறவுகள் சிதையலாம், பிரச்னைகள் பெரிதாகலாம். அதன் விளைவாக தற்கொலை எண்ணம் உண்டாகலாம். ஆண்டுக்கு எட்டரை லட்சம் பேர் அப்படி தற்கொலை செய்கிறார்கள் என்கிறது ஆய்வு.

ஆனால் வேறு எந்த நாட்டினரை விடவும் இந்தியர்கள்தான் விரக்தியுடன் வாழ்கின்றனர் என்பது சிந்திக்க தூண்டுகிறது. ஏழை நாடுகளை காட்டிலும் பணக்கார நாடுகளில் அதிக மக்கள் மன சோர்வுடன் இருப்பதாக ஆய்வாளர்கள் பட்டியல் தருவதில் சில உண்மைகள் புலப்படுகிறது. இந்திய பொருளாதாரத்தின் வளர்ச்சியால் நமது மக்களின் இலக்குகள் பெரிதும் இடம் மாறியிருக்கின்றன.

இன்னும் மேலே மேலே என்று கண்ணுக்கு தெரியாததையும் எட்டிப் பிடித்துவிடும் ஆசையில் குதித்து கொண்டிருக்கிறார்கள். கல்லூரியில் சேர்வதற்கு நூற்றுக்கு நூறு கட் ஆஃப் என்பது அந்த நோயின் பளிச்சென்ற அடையாளம். முதல்மார்க்கும் பணமும் பதவியும் மகிழ்ச்சிக்கு உத்தரவாதம் அல்ல. எந்த அடிப்படையும் இல்லாமல் எதிர்பார்ப்புகள் பெருகும்போது ஏமாற்றங்களை தவிர்க்க முடியாது. அவை நம்மை அழைத்துச் செல்லும் பாதையையும் மாற்ற முடியாது.

நன்றி : தினகரன்

இதிலும் நாமதான் ஃபர்ஸ்ட் ஆ ?