வக்கீல் கொலையில் துப்பு கொடுத்தால் ரூ.1 லட்சம் பரிசு

**சிவா** · **சிவா** Sun Jul 17, 2011 8:48 am

வக்கீல் சதீஷ்குமார் கொலை வழக்கு தொடர்பாக துப்புகொடுத்தால் ரூ.1 லட்சம் பரிசு வழங்கப்படும் என்று சி.பி.ஐ. அறிவித்துள்ளது.

வக்கீல் சதீஷ்குமார்

சென்னை அண்ணாநகர் தங்கம் காலனியை சேர்ந்தவர் வக்கீல் சங்கரசுப்பு. இவரது மகன் சதீஷ்குமார் (வயது 24). சட்டம் படித்துள்ள இவர், கடந்த மாதம் (ஜுன்) 7-ந் தேதி காணாமல் போனார். இதுகுறித்து, சங்கரசுப்பு திருமங்கலம் போலீசில் புகார் செய்தார்.

இந்த நிலையில் ஜுன் 13-ந் தேதி சதீஷ்குமாரின் உடல், ஐ.சி.எப். வடக்கு காலனி ஏரியில் மிதந்தது. உடலில் சில இடங்களில் காயங்களும் இருந்தது. அதனைத் தொடர்ந்து, மேலும் ஒரு மனுவை ஐகோர்ட்டில் தாக்கல் செய்த சங்கரசுப்பு, இந்த வழக்கு தொடர்பாக போலீஸ் இன்ஸ்பெக்டர்கள் ரியாசுதீன், கண்ணன் ஆகியோர் என்மீது வெறுப்புணர்ச்சி கொண்டிருப்பதாகவும், அவர்களால் மகன் கடத்தி கொலை செய்யப்பட்டிருக்கலாம் என்றும், எனவே இந்த வழக்கை சி.பி.ஐ. விசாரணைக்கு மாற்ற வேண்டும் என்றும் கூறியிருந்தார்.

அதனைத் தொடர்ந்து, இந்த வழக்கு விசாரணை திருமங்கலம் போலீஸ் நிலையத்தில் இருந்து சி.பி.ஐ.க்கு மாற்றப்பட்டது. அது தொடர்பான ஆவணங்களும் சி.பி.ஐ. வசம் ஒப்படைக்கப்பட்டது. பல்வேறு கட்ட விசாரணைக்குப் பிறகும் குற்றவாளிகள் இன்னும் கண்டுபிடிக்கப்படவில்லை.

இந்த நிலையில், சி.பி.ஐ. தரப்பில் நேற்று ஒரு அறிக்கை வெளியிடப்பட்டுள்ளது. அதில், கூறப்பட்டுள்ளதாவது:-

ரூ.1 லட்சம் பரிசு

சதீஷ்குமார் கொலை வழக்கு தொடர்பாக துப்பு கொடுப்பவர்களுக்கு ரூ.1 லட்சம் பரிசளிக்கப்படும். இதுதொடர்பாக, தகவல்தர விரும்புபவர்கள் சென்னை பெசன்ட்நகர் ராஜாஜி பவனில் உள்ள சி.பி.ஐ. சூப்பிரண்ட் அலுவலகத்தை அணுகலாம். அல்லது 044-24916341, 24917144, 24468416, 98407 22173, 98400 88366 ஆகிய எண்ணுக்கு தொடர்பு கொண்டு தகவல் தெரிவிக்கலாம்.

இவ்வாறு அதில் கூறப்பட்டுள்ளது.

தினதந்தி

வக்கீல் கொலையில் துப்பு கொடுத்தால் ரூ.1 லட்சம் பரிசு

வக்கீல் கொலையில் துப்பு கொடுத்தால் ரூ.1 லட்சம் பரிசு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக