இந்தியாவில் 4 ஆண்டில் வறுமை பாதியாக குறையும்

**இளமாறன்** · **இளமாறன்** Sat Jul 09, 2011 1:23 pm

ஐநா அறிக்கையில் தகவல் இந்தியாவில் 4 ஆண்டில் வறுமை பாதியாக குறையும்

பதிவு செய்த நாள் 7/9/2011 0:40:39

இந்தியாவில் 4 ஆண்டில் வறுமை பாதியாக குறையும் Tamil-Daily-News_Paper_86318171025

நியூயார்க் : இந்தியாவில் அடுத்த 4
ஆண்டில் பரம ஏழைகள் எண்ணிக்கை பாதியாக குறையும் என்று ஐக்கிய நாடுகள் சபை
அறிக்கை தெரிவிக்கிறது. மில்லினியம் வளர்ச்சி இலக்குகள் என்ற கொள்கை மீது
தனது ஆண்டு அறிக்கையை ஐ.நா. நேற்று வெளியிட்டது. அதில் கூறியிருப்பதாவது:
உலக அளவில் வறுமை ஒழிப்பில் இந்தியா, சீனா முக்கிய பங்கு வகிக்கின்றன.
வறுமையில் வாடுவோர் எண்ணிக்கை பல நாடுகளில் வேகமாக குறைந்து வருகிறது.

1990
முதல் 2005 வரை 15 ஆண்டுகளில் இந்தியா, சீனா நாடுகளில் மட்டும் 45.5 கோடி
பேர் வறுமை கோட்டை விட்டு வெளியே வந்துள்ளனர். அடுத்த 10வது ஆண்டான 2015ல்
மேலும் 32 கோடி பேர் ஏழ்மையில் இருந்து விடுபடுவார்கள். இந்தியாவில் 1990ம்
ஆண்டில் ஏழைகள் எண்ணிக்கை 51 சதவீதமாக இருந்தது. அது 2015ம் ஆண்டில் 22
சதவீதமாக குறையும். அதாவது, 1990ல் ஏழைகளாக இருந்தவர்கள் எண்ணிக்கையில்
பாதி பேர் மட்டுமே வறுமை கோட்டுக்குள் இருப்பார்கள்.

வறுமை, பசி,
பட்டினி, ஆண் & பெண் சமநிலை, குழந்தை இறப்பு விகிதத்தை குறைத்தல்,
பிரசவ கால மருத்துவ வசதியை முன்னேற்றுதல், எச்ஐவி/எய்ட்ஸ் தடுப்பு
நடவடிக்கை, சுற்றுச்சூழல் பாதுகாப்பு ஆகிய அம்சங்கள் அடிப்படையில்
நாடுகளின் நிலை என்ன என்றும் ஆராயப்பட்டது. இந்தியாவில் பொருளாதார
முன்னேற்றம் சீராக இருக்கும் நிலையிலும், பணக்காரர்கள் மேலும் வளமையாகவும்,
ஏழைகள் விடுபட்டவர்களாகவும் நீடிக்கும் நிலை உள்ளது. இவ்வாறு ஐ.நா.
அறிக்கையில் கூறப்பட்டுள்ளது.

தினகரன்

**Manik** · **Manik** Sat Jul 09, 2011 1:24 pm

வறுமை குறையுமா இல்லை வறுமையில் இருக்கும் மக்கள் குறைவார்களா தெளிவா சொல்லுங்கப்பா

SK · SK Sat Jul 09, 2011 1:33 pm

ஐ.நா. அறிக்கை இருக்கட்டும் நம்ம ஊர் அரசியல் வாதிகள் ஊழல் பண்ணாம இருந்தா இந்தியா எப்போவோ பணக்காரநாடு பட்டியலில் இடம் பிடிதிருக்கும்

sshanthi · sshanthi Sat Jul 09, 2011 4:29 pm

டி‌வி மிக்ஸி கிரைண்டர் மின்விசிறி 20கிலோ அரிசி என இலவசமாக கொடுதால்எப்படி குறையாமல் இருக்கும்

Sponsored content · Sponsored content

இந்தியாவில் 4 ஆண்டில் வறுமை பாதியாக குறையும்

இந்தியாவில் 4 ஆண்டில் வறுமை பாதியாக குறையும்

Re: இந்தியாவில் 4 ஆண்டில் வறுமை பாதியாக குறையும்

Re: இந்தியாவில் 4 ஆண்டில் வறுமை பாதியாக குறையும்

Re: இந்தியாவில் 4 ஆண்டில் வறுமை பாதியாக குறையும்

Re: இந்தியாவில் 4 ஆண்டில் வறுமை பாதியாக குறையும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக