108 ஆம்புலன்ஸ் அலைகழிப்பு செய்தவர்இரண்டு மாதங்களுக்குப் பிறகு சிக்கினார்

positivekarthick · positivekarthick Tue Jul 05, 2011 7:43 am

பரங்கிப்பேட்டை:கடலூர் மாவட்டம் புதுச்சத்திரம் பகுதியில் 108 ஆம்புலன்சை இரண்டு மாதங்களாக தவறான தகவலால் அலைகழித்தவர் கைது செய்யப்பட்டார்.விபத்து மற்றும் மருத்துவ அவசர உதவிக்கு இலவசமாக அழைத்துச் செல்ல அரசு சார்பில் 108 ஆம்புலன்ஸ் செயல்பட்டு வருகிறது. தொலைபேசி மூலம் 108 எண்ணை தொடர்பு கொண்டால் ஆம்புலன்ஸ் சேவையை பயன்படுத்திக் கொள்ளலாம்.இந்த வாய்ப்பை சில விஷமிகள் தவறாக பயன்படுத்தி வருவதால் 108 ஆம்புலன்ஸ் பல இடங்களில் அலைகழிக்கப்படும் சம்பவங்கள் நடந்து வருகிறது.புதுச்சத்திரம் பகுதியில் கடந்த இரண்டு மாதமாக ஒரு மர்ம நபர் மொபைல் போன் மூலம் 108 ஆம்புலன்சை தொடர்பு கொண்டு ஏதேனும் ஒரு இடத்தைக் கூறி விபத்து, உடல்நிலை சரியில்லாதவர்களை அழைத்துச் செல்ல வேண்டும் என தவறான தகவல்களை கூறி வந்தார். அவரது அழைப்பை நம்பி 108 ஆம்புலன்ஸ் அங்கு சென்றால் அதுபோன்ற சம்பவமே நடக்காதது தெரியவந்தது.இதுகுறித்து ஆம்புலன்ஸ் செவிலியர் சரிதா புதுச்சத்திம் போலீசில் புகார் தெரிவித்தார்.போலீசார் விசாரணையில் 108 ஆம்புலன்சை அலைகழித்தவர் குறிஞ்சிப்பாடி அடுத்த வானதிராயபுரம் கிராமத்தைச் சேர்ந்த உத்திராபதி, 38, என தெரியவந்தது. உடன் இன்ஸ்பெக்டர் திருமாள் வழக்குப்பதிந்து உத்திராபதியை கைது செய்தார்.
தினமலர்