மாட்டுக்கோன் தங்கை

சிலேடை பாடுவதில் காளமேகப் புலவர் கைதேர்ந்தவர் என்று பெயரெடுத்தவர். ஆனால் அந்த மாதிரி பாடல்கள் கொஞ்சம் நெருடலானவை. முதலில் சிலேடை என்றால் நாம் அறிந்துகொள்ள வேண்டும். ஒரு உதாரணம் பார்ப்போமா?அந்த நாள் குறுநில மன்னர் ஒருவரைப் பாடி பரிசுபெற்றார் ஒரு புலவர். புலவருக்கு வெள்ளித்தட்டில் வைத்து பொற்காசுகளை அளித்தார் மன்னர். பரிசுப்பெற்றுக்கொண்ட புலவருக்கு ஒரு சந்தேகம் ஏற்பட்டது. பரிசினைப்பெற்றுக்கொண்டாயிற்று. இனி வெள்ளித்தட்டை திருப்பித்தருவதா, வைத்துக்கொள்வதா, கொடுக்கும் பரிசு வெள்ளித்தட்டையும் சேர்த்தா? எனவே புலவர் கேட்டார். ~~பணத்தட்டு அங்கிட்டா, இங்கிட்டா...||

மன்னருக்கும் தமிழில்ப் புலமை உண்டு. எனவே சிரித்துக்கொண்டே சொன்னார். ~~பணத்தட்டு எல்லாம் புலவருக்கே இருக்கட்டும் - நமக்கு வேண்டாம்|| இதிலே புலவர் சொன்ன ~தட்டு| வெள்ளித்தட்டைக் குறிக்கிறது. இப்படி இருபொருள் தரும் விதமாய் சொல்வதுதான் சிலேடை.இதேபோலத்தான் இரு பொருள்பட பாடல்கள் புனைந்திருக்கிறார் காளமேகப் புலவர். அவற்றில் எளிமையானதொன்றைப் பார்ப்போம்.~~மாட்டுகோன் தங்கை மதுரைவிட்டுத் தில்லைநகர் ஆட்டுக்கோனுக்குப் பெண்டாயினன் - கேட்டிலையோகுட்டிமறிக்கு ஒரு கோட்டானையும் பெற்றாள்.

கட்டிமயிச் சிற்றிடைச்சி காண்...|| இந்த வெண்பாவை மேலோட்டமாக பார்க்கும்போது வரும் அர்த்தம் இதுதான்@ மாட்டுக்கோனாருடைய தங்கை ஒருத்தி மதுரையைவிட்டுச் சிதம்பரத்தில் உள்ள ஆட்டுக்கோனாருக்கு மனைவியானாள். அங்கு குட்டிகளை மறித்து மேய்க்க அந்த அலங்கார மணிகட்டிய சிறிய இடைச்சி கோட்டானைப் போன்ற ஒரு பிள்ளையைப் பெற்றாள். நீங்கள் கேட்டதில்லையா?இனி சிலேடையின் உட்பொருளை பாருங்கள்: மாட்டுக்கோன் - மாடுகளின் மன்னனான கோபாலனின் தங்கை மீனாட்சி மதுரையை விட்டு சிதம்பரத்தில் உ;ள ஆட்டுக்கோன் - ஆடலரசனான நடராசபெருமானுக்கு மனைவியானாள்.

கோட்டானை என்பது கோடு - ஆனை எனப்பிரித்தால் ஒற்றைத் தந்தமுள்ள விநாயகரை குட்டிமறிக்க - நாம் குட்டிக்கொண்டு வணங்குவதற்குப் பெற்றாள்.கட்டிமணி சிற்றிடைச்சி - அலங்கார மணிஅணிந்த சின்ன இடையுள்ள மீனாட்சி.ஆக மொத்தமாக மதுரை மீனாட்சி தில்லை நடராசனை மணந்து நானும் குட்டிக்கொண்டு கும்பிடுவதற்காக ஒற்றைக் கொம்பனான விநாயகப்பெருமானைப் பெற்றெடுத்த கதை கேட்டதில்லையா? எவ்வளவு அருமையான விளக்கம்?

பணத்தட்டு அங்கிட்டா, இங்கிட்டா...||
கொஞ்சமா புரியல அண்ணா எனக்கு ..

வணக்கம்
பணத் தட்டு- பணத்திற்குத் தட்டுப் பாடு என்று பொருள். சிலெடைப் பொருள் பணத்தை வைத்திருக்கும் வெள்ளித் தட்டு என்ற பொருளையும் தரும்
நந்திதா

nandhtiha wrote:வணக்கம்
பணத் தட்டு- பணத்திற்குத் தட்டுப் பாடு என்று பொருள். சிலெடைப் பொருள் பணத்தை வைத்திருக்கும் வெள்ளித் தட்டு என்ற பொருளையும் தரும்
நந்திதா

அக்கா ..எப்படி அக்கா ,எப்பவும் படித்து கொண்டே இருப்பீங்களா , உங்களை பார்த்து வியப்பதா ,பொறாமை படுவதா ? நன்றிகள் அக்கா, எனக்கு தமிழ் பேச படிக்க மட்டுமே தெரியும், கொஞ்சம் கொஞ்சமாய் படித்துதான் இந்தளவே பண்றேன்,
நீங்க எல்லாம் தமிழுக்கே அழகு சேர்ப்பவங்க..

அன்புச் சகோத்ரிக்கு
வணக்கம்
எனது தாய் மொழி தமிழ். காசியில் படிக்கும்பொழுது வட மொழில் சிறிது பயிற்சி பெற்றேன். விஞ்ஞானம், சரித்திரம் ஆங்கிலத்தில்.எல்லாப்பெருமையும் எனக்குத் தமிழ் கற்றுக் கொடுத்த பேராசான்களையே சாரும்.(என் படிப்பைத் தொடர பண உதவி செய்த காசியில் இருந்த நகரத்தார் எனும் நாட்டுக் கோட்டைச் செட்டியார் அமரர் திரு நாகப்ப செட்டியார் அவர்களையும் சாரும்)
அன்புடன்
நந்திதா