என் பொற்காலம்...........

ஹாசிம் · ஹாசிம் Sun 26 Jun 2011 - 16:01

விடியலின் சூரியன்
உலகுக்கு விளக்காகிறது
என் நிதர்சன வாழ்க்கைக்கு
உதயசூரியன் நீயாகிறாய்

உன்னதமான காதலோடு
உறவுக்குள் உள்வாங்கினாய்
எதிர்பார்ப்புகளுக்கதிகமாக
எல்லாமே உகந்தளித்தாய்

உன்னன்பில் திளைத்துவிட்டேன்
அதிமதுரமாய் உறைந்துவிட்டேன்
உன்தோள்மீது சாயும் பொழுதுகளை மட்டும்
என்பொற்காலமாய் உணர்கிறேன்

துன்பங்களே கொடுத்திடாத சுகமானவன் நீ
சுற்றமும் உற்றுநோக்கின்ற உயர்வானவன் நீ
எனைத்தாங்கும் உன்மார்பில்
என்னாளும் நிலைத்திடத் துடிக்கிறேன்

என் பிறப்பின் அடைவு
உன்மடிதானோ என்றுணர்கிறேன்
என் இறப்பு வரை
நான்கொண்ட இச்சுகம்
தொடர்ந்திடாதோ என்று ஏங்குகிறேன்

**rameshnaga** · **rameshnaga** Sun 26 Jun 2011 - 16:12

நட்புக்கு ஏது இறப்பு? ஹாசிம்.
இறந்த பின்னும் தொடரும் இந்தப் பொற்காலம்.
அன்புடன் ரமேஷ்.

ஹாசிம் · ஹாசிம் Sun 26 Jun 2011 - 16:34

rameshnaga wrote:நட்புக்கு ஏது இறப்பு? ஹாசிம்.
இறந்த பின்னும் தொடரும் இந்தப் பொற்காலம்.
அன்புடன் ரமேஷ்.

மிக்க நன்றி தங்ககளின் அன்புக்கு

மலிக்கா · மலிக்கா Sun 26 Jun 2011 - 17:41

சகோ வரிகள் அருமையாக இருக்கு.

சின்ன பிழை என நினைக்கிறேன்
விடியலின் சூரியன்
உலகுக்கு வளக்காகிறது //விளக்காகிறது//
என் நிதர்சன வாழ்க்கைக்கு
உதயசூரியன் நீயாகிறாய் .

வாழ்த்துகள் சகோ..

இந்த பதிவைத் துவங்கியவர் நன்றி கூறியுள்ளார் மலிக்கா