கனிமொழியை சந்திக்க கருணாநிதி டெல்லி பயணம்

ரபீக் · ரபீக் Mon 20 Jun 2011 - 18:29

2ஜி ஸ்பெக்ட்ரம் ஊழல் வழக்கில் கைது செய்யப்பட்டு சிறையில் அடைக்கப்பட்டுள்ள திமுக நாடாளுமன்ற உறுப்பினர் கனிமொழியின் பிணை மனுவை உச்ச நீதிமன்றமும் நிராகரித்துவிட்டு நிலையில், தன்னுடைய மகளைக் காண்பதற்காக திமுக தலைவர் கருணாநிதி செவ்வாய்க் கிழமையன்று டெல்லி செல்ல உள்ளார்.

2G ஊழல் வழக்கில் கலைஞர் தொலைக் காட்சிக்கு ரூ. 214 கோடி கைமாறிய விவகாரத்தில் கூட்டுச் சதி செய்ததாக சிபிஐயால் குற்றம் சாட்டப்பட்டு திகார் சிறையில் அடைக்கபட்டுள்ள திமுக தலைவர் கருணாநிதியின் மகளும் நாடாளுமன்ற மாநிலங்களை உறுப்பினருமான கனிமொழி தனக்குப் பிணை வழங்குமாறு சிபிஐ சிறப்பு நீதிமன்றத்திலும் பின்னர் டெல்லி உயர் நீதிமன்றத்திலும் மனு செய்திருந்தார். இவ்விரு மனுக்களும் தள்ளுபடி செய்யப்பட்டதைத் தொடர்ந்து உச்ச நீதிமன்றத்தில் பிணை கோரி மனு தாக்கல் செய்தார். இந்த மனுவை விசாரித்த உச்ச நீதிமன்றமும் பிணை வழங்க மறுத்துவிட்டது.

உச்ச நீதிமன்றத்தின் தீர்ப்பை அறிந்த கருணாநிதி மிகவும் கவலையடைந்த கருணாநிதி, டெல்லி திகார் சிறையில் உள்ள தன் மகள் கனிமொழியை நேரில் சென்று சந்தித்து அவருக்கு ஆறுதல் கூறுவதற்காக செவ்வாய்க் கிழமை காலை ஜெட் ஏர்வேஸ் விமானம் மூலம் டெல்லி செல்ல உள்ளதாக தகவல்கள் கூறுகின்றன.

கனிமொழியின் தாயார் ராஜாத்தி அம்மாள் ஏற்கனவே டெல்லியில் தங்கியுள்ளார் என்பது குறிப்பிடத் தக்கது.

கருணாநிதி டெல்லியில் சோனியா காந்தி மற்றும் பிரதமரைச் சந்திப்பாரா என்பது குறித்த தகவல்கள் உறுதி செய்யப் படவில்லை
இந்நேரம்