சிந்தனைத் துளிகள்

**சிவா** · **சிவா** Fri Sep 11, 2009 3:09 pm

First topic message reminder :

ஒரு கொள்கையை எடுத்துக்கொள். அதற்காகவே, உன்னை அர்ப்பணித்துப் பொறுமையுடன் போராடிக் கொண்டிரு. உனக்கு ஆதரவான ஒரு காலம் வரும்.
- விவேகானந்தர்.

மனிதன் முன்னேற ஏழு பாதைகள்
பகுத்தறிவு
கல்வி
சிந்தனையில் உண்மை
அன்புடமை
நன்னடத்தை
கட்டுப்பாடு உள்ள குடும்பம்
நல்ல ஆட்சி
- சீன அறிஞர் கன்பூசியஸ்

“வேதனையைத் தாங்கி பழி வாங்க மறுக்கும் கண்ணியத்தில் எனக்கு நம்பிக்கை அருள்க”
- தாகூர்

ஒவ்வொரு மனிதன் சிந்தும் ஒவ்வொரு கண்ணீர்த் துளியையும் துடைப்பேன்.
-அண்ணல் காந்தி

புதியதோர் உலகம் செய்வோம் - கெட்ட
போரிடும் உரகத்தை வேரோடு சாய்ப்போம்.
-புரட்சிக்கவிஞர்.

இளைய பாரத்த்தினாய் வா வா வா
எளிமை கண்டு இரங்குவாய் வா வா வா
சிறுமை கண்டு பொங்குவாய் வா வா வா
-மகா கவி பாரதி.

நல்ல மனிதர்கள் அரசாங்கத்தில் பங்கு ஏற்க மறுப்பதற்கான தண்டனையை தீயவர்களின் ஆட்சியில் வாழ்வதிலேயே செலுத்துகிறார்கள்.
-பிளாட்டோ

நட்புக்கொள்ள விரும்பினாலும் நண்பர்கள் கிடைக்காத ஏழைகளுக்கும் நண்பனாவேன்.
-கவிஞர் ஷெல்லி.

“எளிமையாகவும் தெளிவாகவும் இரு, புரியாத புதிராக இராதே.
- வால்ட் விட்மல்

“நேர்மையாக இருப்பவன் தன்னிடன் இல்லாததை இருப்பதாகக் கூறி தற்பெருமை வேண்டிப் பாசாங்கு செய்ய மாட்டான். தைரியமுடன், தான் எதுசரி என்று நம்புகிறானோ, அதற்காக உலகமே எதிர்த்து நின்றாலும் போராடுவான்.

நம்பிக்கைக்குரிய தன்மைகளைக் கொண்டவன் பிறரை மதிப்பான். எதிரியையும் மதிப்பான். மனித உறவுகளின் பண்பைக் கடைப்பிடிப்பான். அவனது செயல்கள் அவனது ஆன்மாவிலிருந்து எழுகின்றன”.
-டாக்டர் எம்.எஸ். உதயமூர்த்தி

**சிவா** · **சிவா** Wed Aug 28, 2013 2:48 am

* ருசியுள்ள உணவை அளிக்க அன்புள்ள தாயார் இருக்க வேண்டும்.
* ஒழுக்கமுள்ள நடத்தைக்கு நல்ல சிநேகிதர்கள் தேவை.
* அறிவு வளரவிஷயம் அறிந்த நல்ல ஆசான் வேண்டும்.
* தூய்மையானசிந்தனை ஏற்பட தெய்வபக்தி வேண்டும்.

-உபநிஷத்

**சிவா** · **சிவா** Wed Aug 28, 2013 2:50 am

சுகங்களுள் சிறந்தது திருப்தி (மனநிறைவு) ஆகும்.

கர்வத்தை விட்டவன் எல்லோருக்கும் பிரியனாகிறான்.

கோபத்தை விட்டவன் எந்நாளும் துயருவதில்லை.

பேராசையை விட்டவன் சுகமுள்ளவனாகிறான்.

செருக்கு, சினம், காமம், கோபம் ஆகிய நான்கையும் விடுவதே மனத்தை அடக்குவதற்கு உபாயமாகும்.

பேராசையினால் மனிதன் நண்பர்களை விடுகிறான்.

பற்றுதலால் சுவர்க்கத்தை அடைவதில்லை.

பிறரிடத்தில் யாசிப்பது விஷமாகும்.

**சிவா** · **சிவா** Wed Aug 28, 2013 2:51 am

தங்கள் தங்கள் தர்மத்தில் நிலைத்து நிற்பதுவே தவமாகம்.

செய்யத் தகாத காரியத்தைச் செய்ய விரும்பாது தயங்கி நிற்பதே வெட்கமாகும்.

கோபம்தான் எவ்விதத்திலும் வெற்றி கொற்ற முடியாத பகைவன்.

பேராசையிலும் பெருத்த நோய் எதுவுமில்லை.

மனத்திலுள்ள அழுக்கைப் போக்குவதே சிறந்த ஸ்நானமாகும்.

உலகிலுள்ள உயிர்களைக் காப்பதே சிறந்த தானமாகும்.

- யக்ஷபிரச்னம்

**சிவா** · **சிவா** Wed Aug 28, 2013 2:53 am

பக்திமானுக்கே தெய்வம் தெரியும்

சுருக்கெழுத்தும், கைரேகையும் அவற்றைப் படித்தவனுக்குத்தான் தெரியும். மற்றவனுக்கு அவை வெறும் கோடாகத்தான் தெரியும்.

அதுபோல் கோயிலில் இருக்கும் கடவுளின் திருவுருவம் பக்தி உடையவனுக்குத்தான் தெய்வமாகத் தெரியும். மற்றவனுக்குக் கல்லாகத்தான் தெரியும்.

-கிருபானந்த வாரியார்.

**சிவா** · **சிவா** Wed Aug 28, 2013 3:05 am

வேலை வெட்டி செய்யாத சீரான சோம்பேறியை விட, மிடுக்குத்தனமான காரியம் செய்கிற முரடன் மேல்!

-காரல் விக்

**Aathira** · **Aathira** Wed Aug 28, 2013 7:33 am

முத்துகள் அத்தனையும். இந்த இணைப்பைச்சேமித்துக் கொண்டேன் சிவா. பகிர்வுக்கு நன்றி

**Muthumohamed** · **Muthumohamed** Wed Aug 28, 2013 12:55 pm

பயனுள்ள வாழ்க்கை சிந்தனை குறிப்புகள் பகிர்வுக்கு நன்றி அண்ணா

சேமித்துக்கொள்வது எப்படி ?

**சிவா** · **சிவா** Fri Oct 04, 2013 3:41 am

ஆண்கள் இதயங்களால் சிரிப்பார்கள்; பெண்கள் உதடுகளால் சிரிப்பார்கள்.

மகிழ்ச்சியை விலைகொடுத்து வாங்க முடியுமானால் அந்த விலையைப் பற்றியும் நாம் கண்ணீர்விட்டுக் கொண்டிருப்போம்.

அவசரமாக கல்யாணம் செய்து கொண்டால் மெதுவாக உட்கார்ந்து கொண்டுதான் அழ வேண்டும்.

உனக்கு நிறையத் தெரிந்திருந்தாலும் உன் தொப்பியிடமும் யோசனை கேள்.

கண்ணெதிரே காணும் ஒவ்வொருவரையும் நம்புவது அபாயகரமானது. அதைக் காட்டிலும் ஒருவரையும் நம்பாதிருப்பது மிகவும் அபாயகரமானது.

நம்முடன் வாழ்வோரைப் புரிந்து கொள்வதற்கு நம்மை நாமே முதற்கண் புரிந்து கொள்வது அவசியம்.

அவசரமாகத் தவறு செய்வதை விட தாமதமாகச் சரிவர செய்வது மேல்.

மறக்க வேண்டியவைகளை நினைத்து வருந்துவதும், நினைக்க வேண்டியவைகளை மறந்து விடுவதும்தான் துன்பங்கள் அனைத்திற்கும் காரணம்.

தோல்வியை ஒப்புக்கொள்ளத் தயங்காதே. தோல்வியிலிருந்து கற்றுக்கொள்ள வேண்டியது நிறைய இருக்கிறது.

பணம் மட்டுமே வாழ்க்கையல்ல அதையும் தாண்டி மனிதன் அடைய வேண்டிய அனுபவங்கள் பல உள்ளன. மன நிம்மதி அன்பு தவம் தியானம் முதலிய குணங்கள் எல்லாம் பணத்தால் வருபவை அல்ல - விவேகானந்தர்.

**மாணிக்கம் நடேசன்** · 14/12/2009

அக்கா பக்கத்தில இல்லாத்ததால மாமா அங்கள் இப்ப ரொம்ப உளர ஆரம்பிச்சிட்டாரு, நாளைக்கு இத அக்கா கிட்ட போன் பண்ணி சொலுலிடனும். அக்காவும் மாம அங்கள் பொண்ணும் வந்து மாமா அங்களுக்கு கொஞ்சம் வேப்பிலை அடிச்சா எல்லாமே சரியாயிடும்.

**சிவா** · **சிவா** Fri Oct 04, 2013 1:03 pm

மாணிக்கம் நடேசன் wrote:அக்கா பக்கத்தில இல்லாத்ததால மாமா அங்கள் இப்ப ரொம்ப உளர ஆரம்பிச்சிட்டாரு, நாளைக்கு இத அக்கா கிட்ட போன் பண்ணி சொலுலிடனும். அக்காவும் மாம அங்கள் பொண்ணும் வந்து மாமா அங்களுக்கு கொஞ்சம் வேப்பிலை அடிச்சா எல்லாமே சரியாயிடும்.

வேப்பிலை அடிப்பதை விட ஜில்லுன்னு பீர் அடிச்சா சூப்பரா இருக்கும் மாம்ஸ்!

Sponsored content · Sponsored content

சிந்தனைத் துளிகள்

சிந்தனைத் துளிகள்

Re: சிந்தனைத் துளிகள்

Re: சிந்தனைத் துளிகள்

Re: சிந்தனைத் துளிகள்

Re: சிந்தனைத் துளிகள்

Re: சிந்தனைத் துளிகள்

Re: சிந்தனைத் துளிகள்

Re: சிந்தனைத் துளிகள்

Re: சிந்தனைத் துளிகள்

Re: சிந்தனைத் துளிகள்

Re: சிந்தனைத் துளிகள்

Re: சிந்தனைத் துளிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக