இறந்து.. பிறந்த இரகசியம்

வித்யாசாகர் · வித்யாசாகர் Sun 13 Sep 2009 - 3:41

எங்கள் எட்டு மாத குழந்தை, செல்ல முகில்வண்ணனுக்கு எழுதிய கவிதையிது..

இறந்து.. பிறந்த இரகசியம்

உன் வாசனைக்காய்
வரம் பெற்ற வாழ்க்கையிது..,

எச்சில் விழுங்குமுன் - பொக்கை வாயில்
சக்கை போடு போடும் பாடு;

உன் துள்ளல் சிரிப்பில் - கைகால் அசைத்து
நாங்கள் கம்பங்காட்டில் விழுந்த மாடு!

கன்னம் பிடித்து நீ -
கடித்த சுகத்தில்
கவிதையெல்லாம் மறந்தது பாரு;

நீ சிரிக்க சிரிக்க அத்தனையும்
கவிதை கவிதை -
இதல்லவா வாழ்வின் பேரு!

சொத்தும் பத்தும் என்ன செய்யும் -
எல்லாம் படைக்கும் சொத்து நீரு;

உன் பிஞ்சி பாதம் நெஞ்சில் பதிக்க
இரவும் பகலும் தவிக்குது பாரு!

நீ சிறுநீர் கழித்த - என் சட்டைப் பையில்
சொர்க்கம் நனைந்து கிடக்குது பாரு;

நீ அழுது மட்டு கண்டிட வேண்டாம் - கண்டால்
கண்ணில் ரத்தம் ஜோரு!

உனக்கு ஒன்றாய் இரண்டாய் கொடுக்கும்
முத்தத்தில் -
இலச்சமும் கொடியும்
ஒன்றுமில்லை பாரு;

நாங்கள் இறந்து இறந்து.. பிறந்த
இரகசியம் -
உனக்காய்.. உனக்காய்.. வேறென்ன கூறு!
-----------------------------------------
வித்யாசாகர்

ரூபன் · ரூபன் Sun 13 Sep 2009 - 3:53

"சொத்தும் பத்தும் என்ன செய்யும் -
எல்லாம் படைக்கும் சொத்து நீரு;

உன் பிஞ்சி பாதம் நெஞ்சில் பதிக்க
இரவும் பகலும் தவிக்குது பாரு!"

பின்னிட்டிங்க வித்தியாசாகர் வளர்ந்து உங்கள் மகன் இந்த கவிதையை படித்தால் எவ்வளவு ஆனந்தப்படுவான்

மீனு · மீனு Sun 13 Sep 2009 - 4:03

பலத்த கைதட்டல்கள் போடணும் .. இந்த கவிதைக்கு..முதலில் உங்கள் மகனுக்காக ரசித்து எழுதிய உணர்வு பூர்வ கவிதையான இறந்து பிறந்த ரகஷியம் கவிதைக்கு மீனுவின் பாராட்டுக்களும் ..நன்றிகளும்..
குழந்தை ..
கடந்த காலமும் ,,எதிர் காலமும் ..
தெரியாமல் இருப்பதால் ..
நிகழ காலத்தில் மகிழ்ச்சியாய் இருக்கின்றன..
மழலைகள் ....

நீ சிரிக்கும் ஒவொரு சிரிப்பும் கவிதைகளே..
அருமை வித்யாசாகர் ..அருமை..வார்த்தைகளே இல்லை ..இங்கு நான் பாராட்டுவதை விட நன்றி சொல்ல கடமை பட்டு இருக்கேன்..இக் கவிதையை ஈகரைல தந்து நாம் படிக்க உதவியதட்ட்க்கு ..