அன்புள்ள மாணிக் - கின் அம்மாவிற்கு.

**rameshnaga** · **rameshnaga** Fri Jun 03, 2011 3:02 pm

First topic message reminder :

அம்மா!
எத்தனை நாட்களாகி விட்டது
உன்னுடன் பேசி!
நீ என்னை-
எப்பொழுதும் நினைத்திருந்தாய்!
நான் உன்னை-
எப்பொழுதாவது!
அன்று நீ--
என்னிடம் பேசிய போதெல்லாம்
என் காதுகளுக்கு இமைகள் முளைத்து--
கண்களாகி கவிழ்ந்து கொண்டது.
இன்று -
என் கண்கள் உன்னை மட்டுமே
பார்க்க நினைக்கிறது...
என் காதுகள்--
உன் குரலுக்காகவே காத்திருக்கின்றன..
ஆனாலும்-
நான் அறியாத தூரத்தில் நீ!
இந்தப் பிரபஞ்சத்தில்-
என்னை--
எனக்காக மட்டுமே நேசித்தவள்
நீதான் அம்மா!
எனக்காக நீ --
உயிர் தந்தாய்!
துன்பங்கள் நேர்ந்த போதோ-
கடவுளுக்கு உண்மையான பிரார்த்தனைகள் தந்தாய்!
உனக்கென்று-நான்
எதுவுமே செய்யாத போதும்!
அம்மா!
காலத்தின் கருணை முட்கள்
எனக்கு அன்னியமான ஒரு கணத்தில்
நீ உன் இயக்கத்தை பூமியில்
நிறுத்திக் கொண்டாய்!
ஆனாலும்-
ஒவ்வொரு நாளும் சூரியனின் கிரணங்களில்
வெளிப்படும் நீ--
என்னை அன்போடு ஆசீர்வதிக்கிறாய்!
நான்தான்-
உன்னைச் சுமக்காத பாரம் நெஞ்சினை அழுத்த-
குனிந்த தலையோடு..
அம்மா!
விரையும் காலத்தில்
நானும் என்றாவது ஒரு நாள்
நின்றாக வேண்டும்--
காலத்தின் கடைசி விளிம்புகளில்.
உனது பேரன்பால்- நான் அறிவேன்..
எனது எல்லாப் பிறவிகளும்
உனது கருப்பையிலென..
அதுவரை-
உனக்கு மட்டுமே வாசமாய் இருந்த
இந்தப் பூவின் இதயமும், விழியும்..
இணைந்தே நனைக்கும் உன் பாதங்களை...
தான் பாவங்களைக் கரைப்பதற்காக.

**rameshnaga** · **rameshnaga** Fri Jun 03, 2011 10:08 pm

நன்றி மஞ்சுபாஷினி!
அன்புடன் ரமேஷ்!

முரளிராஜா · முரளிராஜா Sat Jun 04, 2011 8:34 am

கவிதை மிகவும் அருமை ரமேஷ் மகிழ்ச்சி

**rameshnaga** · **rameshnaga** Sat Jun 04, 2011 10:01 am

நன்றி! முரளி ராஜா!
அன்புடன் ரமேஷ்.

Sponsored content · Sponsored content

அன்புள்ள மாணிக் - கின் அம்மாவிற்கு.

அன்புள்ள மாணிக் - கின் அம்மாவிற்கு.

Re: அன்புள்ள மாணிக் - கின் அம்மாவிற்கு.

Re: அன்புள்ள மாணிக் - கின் அம்மாவிற்கு.

Re: அன்புள்ள மாணிக் - கின் அம்மாவிற்கு.

Re: அன்புள்ள மாணிக் - கின் அம்மாவிற்கு.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக