சிபாரிசுடன் போலீஸ் ஸ்டேஷன் செல்ல "தடா!' - அதிமுக அதிரடி

First topic message reminder :

தமிழகத்தில், போலீஸ் ஸ்டேஷன்களுக்கு சிபாரிசுக்கு வரும் அ.தி.மு.க.,வினரின் பட்டியலை தயாரிக்க, ஒவ்வொரு போலீஸ் ஸ்டேஷனுக்கும், உயர் அதிகாரிகள் உத்தரவு பிறப்பித்துள்ளனர். யாரும் சுபாரிசுக்கு செல்லக் கூடாது என, கட்சி தலைமை அ.தி.மு.க.,வினருக்கு உத்தரவிட்டுள்ளது.
தமிழகத்தில் நடந்து முடிந்த சட்டசபை தேர்தலில், அ.தி.மு.க., தனிப் பெரும்பான்மையாக வெற்றி பெற்று, ஆட்சியைப் பிடித்துள்ளது. முதல்வராக பொறுப்பேற்ற ஜெயலலிதா, தமிழகத்தில் சட்டம் ஒழுங்கு பிரச்னைக்கு முன்னுரிமை அளிக்கப்படும் என்று தெரிவித்தார்.
அவருடைய அறிவிப்புக்கு தகுந்தாற்போல், மாநிலம் முழுவதும் உயர் போலீஸ் அதிகாரிகள் மாற்றப்பட்டு வருகின்றனர். அடுத்தகட்டமாக, மாவட்ட அளவில் டி.எஸ்.பி., இன்ஸ்பெக்டர், எஸ்.ஐ., ஆகியோர் பணியிட மாறுதல் செய்யப்பட உள்ளனர். தமிழக போலீசாரை பொறுத்தவரை, எவ்வளவு சிக்கலான வழக்காக இருந்தாலும், திறமையாக துப்பறியும் ஆற்றல் கொண்டவர்கள். ஆனால், அரசியல்வாதிகளின் சிபாரிசு காரணமாக, அவர்கள் செயல்பட முடியாத சூழ்நிலைக்கு தள்ளப்படுகின்றனர்.
இதை முதல்வர் ஜெயலலிதா நன்கு புரிந்து கொண்டுள்ளார். மாநிலத்தில் சட்டம் ஒழுங்கை காப்பாற்ற வேண்டுமென்றால், போலீசாரின் பணியில் அரசியல் தலையீடு இருக்கக் கூடாது. ஏனென்றால், தி.மு.க., ஆட்சியில் போலீசார் அரசியல்வாதிகளின் கைப்பாவையாக செயல்பட்டதால், போலீசாருக்கு மக்கள் மத்தியில் இருந்த மரியாதை வெகுவாக சரிந்தது. அப்படி ஒரு நிலை மீண்டும் ஏற்படாமல் இருக்க வேண்டும் என்றால், கட்சியினரின் தலையீடு இருக்கக் கூடாது என்று, அ.தி.மு.க., தலைமை நம்புகிறது.
இதையடுத்து, தவறு செய்பவர்களுக்கு ஆதரவாக சிபாரிசு செய்து, போலீஸ் ஸ்டேஷன் வரும் அ.தி.மு.க.,வினரை கட்சியிலிருந்து, "கல்தா' கொடுக்க முடிவு செய்யப்பட்டுள்ளது. தவறு செய்பவர்களுக்கு ஆதரவாக சிபாரிசுக்கு வரும் அ.தி.மு.க.,வினர் பட்டியலை தயாரிக்க, ஒவ்வொரு போலீஸ் ஸ்டேஷனுக்கும் போலீஸ் உயர் அதிகாரிகள் உத்தரவு பிறப்பித்துள்ளனர். அதிகாரிகளின் உத்தரவையடுத்து, போலீஸ் ஸ்டேஷனுக்கு சிபாரிசுக்கு வரும் கட்சியினரின் பட்டியலை தயாரிக்க, தனியாக ஒரு பதிவேடு வைத்துள்ளதாகவும் போலீசார் கூறுகின்றனர்.
இனிவரும் காலங்களில் அ.தி.மு.க.,வினர், தவறு செய்பவர்களுக்காக ஆதரவாக, போலீஸ் ஸ்டேஷன் சென்றால், கட்சித் தலைமை எடுக்கும் நடவடிக்கைகளை சந்திக்க நேரிடும் சூழ்நிலை உருவாகியுள்ளது. யாரும் சுபாரிசுக்கு செல்லக் கூடாது என, கட்சி தலைமை அ.தி.மு.க.,வினருக்கு உத்தரவிட்டுள்ளது.
சிபாரிசுக்கு வரும் அ.தி.மு.க.,வினர் மட்டுமல்லாது, பொதுமக்கள் மத்தியில் குழப்பத்தை ஏற்படுத்துபவர், குற்ற வழக்குகளில் சிக்கியவர், ரவுடியிசம் செய்வோர் உள்ளிட்ட குற்ற பின்னணி கொண்டவர்களின் பட்டியலையும் தயாரிக்க அதிகாரிகள் உத்தரவிட்டுள்ளபடி, ஒவ்வொரு போலீஸ் ஸ்டேஷனிலும் அந்தப் பணியில் போலீசார் ஜரூராக இறங்கியுள்ளனர்.
அதிகாரம் பகிர்ந்தளிப்பு? : ஏதாவது பிரச்னை என்று போலீஸ் ஸ்டேஷன் சென்றால், "ஏட்டு, எஸ்.ஐ., இன்ஸ்பெக்டர் வரட்டும்' என்று போலீசார் கூறுவர். இதனால் நடவடிக்கை தாமதமாகிறது. இப்பிரச்னையை களையும் வகையில், ஏட்டு முதல் இன்ஸ்பெக்டர் வரை, சூழ்நிலைக்கு தகுந்தாற்போல் சரியான முடிவகளை எடுக்க அதிகாரம் பகிர்ந்தளிக்கப்பட்டுள்ளதாக தகவல் வெளியாகியுள்ளது. அப்படி எடுக்கப்படும் முடிவு தவறாக இருந்தால், போலீசார் கடும் தண்டனைக்கு உள்ளாவார்கள் என்றும், போலீஸ் வட்டார தகவல்கள் தெரிவிக்கின்றன.

தினமலர்

கலைவேந்தன் wrote:லோகல் காண்ட்ராக்ட் எவ்ளோ இருக்கு... ? அத்தோட இருந்துக்க வேண்டியது தான்..!

அப்போ சொந்தக்காரங்களலாம் என்ன பன்றது குறிப்பா ஸ்மால் ஹவுஸ் ரிலேசன்

தப்பை கண்டுபிடிக்க இது சரி!

தப்பு நடக்காம இருக்க.......?

காவல் துறைங்கறது தப்பு நடக்காம தடுக்கத் தானே...!!!!?

balakarthik wrote:

கலைவேந்தன் wrote:லோகல் காண்ட்ராக்ட் எவ்ளோ இருக்கு... ? அத்தோட இருந்துக்க வேண்டியது தான்..!

அப்போ சொந்தக்காரங்களலாம் என்ன பன்றது குறிப்பா ஸ்மால் ஹவுஸ் ரிலேசன்

அவங்களுக்கு ஓலைக்குடிசை மாற்றுத்திட்டம் கைகொடுக்கும் பாலா...
( உடமாட்டே போல இருக்கே... )

நல்ல விசயம்தான்

ANTHAPPAARVAI wrote:
தப்பு நடக்காம இருக்க.......?

லெக்பீச ஓடச்சிடவேண்டியத்துத்தான்

ANTHAPPAARVAI wrote:காவல் துறைங்கறது தப்பு நடக்காம தடுக்கத் தானே...!!!!?

வேற யாரும் அத செய்யாம தடுக்க இல்லேனா கலெக்ஷன் பாதிக்கபடுமே அவுங்க புள்ள குட்டீங்களும் பொழைக்கவேண்டாமா

balakarthik wrote:

ANTHAPPAARVAI wrote:காவல் துறைங்கறது தப்பு நடக்காம தடுக்கத் தானே...!!!!?

வேற யாரும் அத செய்யாம தடுக்க இல்லேனா கலெக்ஷன் பாதிக்கபடுமே அவுங்க புள்ள குட்டீங்களும் பொழைக்கவேண்டாமா

பொழைக்கட்டும் ! பொழைக்கட்டும்!! பொழைச்சுப் போகட்டும்!!!