சீந்துவாரற்று..

இரா.எட்வின் · இரா.எட்வின் Tue May 24, 2011 10:56 am

சங்கடப் படுத்தும்
பரிவான பார்வைகள்

திண்ணைக்கு வந்துவிட்ட
என் கட்டில்

புரிகிறது
செத்துக் கொண்டிருக்கிறேன்

அநேகமாக
நாளை

தப்பினால்
நாளை மறு நாள்

தொடங்கி விட்டது
பிரிவினை கூட

நல்லதுதான்
இருக்கும் போதே
பிரித்துக் கொள்வது

பார்த்து பார்த்து
சேர்த்தது

அடித்துக் கொள்ளாமல்

அவனவன் விரும்பியதை
அவனவன் எடுக்க

சீந்துவாரற்று
அநாதைகளாய்
ஏக்கத்தோடு பார்க்கும்
என் புத்தகங்கள்.

செய்தாலி · செய்தாலி Tue May 24, 2011 11:00 am

கவிதை ............ அருமை தோழரே

இரா.எட்வின் · இரா.எட்வின் Tue May 24, 2011 11:02 am

செய்தாலி wrote:கவிதை ............ அருமை தோழரே

நன்றி தோழர் செய்தாலி

அப்துல்லாஹ் · அப்துல்லாஹ் Tue May 24, 2011 11:08 am

வாழ்க எட்வின்!
நல்ல கருத்தாளமிக்க கவிதை. மண்வெட்டி கொண்டு மண்ணை கொத்தியது போல தங்களின் எழுதுகோல் எங்களின் மனதில் அந்த வேலையை எளிதாக செய்கிறது.

இரா.எட்வின் · இரா.எட்வின் Tue May 24, 2011 11:11 am

அப்துல்லாஹ் wrote:வாழ்க எட்வின்!
நல்ல கருத்தாளமிக்க கவிதை. மண்வெட்டி கொண்டு மண்ணை கொத்தியது போல தங்களின் எழுதுகோல் எங்களின் மனதில் அந்த வேலையை எளிதாக செய்கிறது.

ரொம்பவும் பெருந்தன்மையோடு பேசுகிறீர்கள் தோழர் . மிக்க நன்றி.

**உமா** · **உமா** Tue May 24, 2011 11:45 am

மிக எளிய வரிகள்...உயரிய சிந்தனைகள்....
சீந்துவாரற்று.. 154550

சின்றெல்லா · சின்றெல்லா Tue May 24, 2011 12:07 pm

உள்ளம் கனத்தது.. கண்கள் பனித்தன..
வலிகள் கொண்ட வரிகள்..

இரா.எட்வின் · இரா.எட்வின் Tue May 24, 2011 1:21 pm

உமா wrote:மிக எளிய வரிகள்...உயரிய சிந்தனைகள்....

மிக்க நன்றி உமா

இரா.எட்வின் · இரா.எட்வின் Tue May 24, 2011 1:28 pm

சின்றெல்லா wrote:உள்ளம் கனத்தது.. கண்கள் பனித்தன..
வலிகள் கொண்ட வரிகள்..

மிக்க நன்றி சின்றெல்லா

மஞ்சுபாஷிணி · மஞ்சுபாஷிணி Tue May 24, 2011 6:22 pm

மனிதனின் நிலை இறுதியில் இப்படி ஆகுமா? சோகம்

சீந்துவாரற்று கிடக்கும் மனித மனங்கள், அவன் விரும்பிய புத்தகங்கள்....

மனதை ஒரு கணம் கனமாக்கிய வரிகள் எட்வின்......

அன்பு வாழ்த்துக்கள்.... சூப்பருங்க