தனுஷ்-செல்வராகவன் மனக்கசப்பு ; இருட்டுக்குள் இரண்டாம் உலகம் !

தாமு · தாமு Tue May 24, 2011 12:17 pm

கொஞ்சம் கொஞ்சமாக கொத்தி மரத்தையே வீழ்த்துகிற பலம் மரங்கொத்தி பறவையின் மூக்குக்கு உண்டு. அப்படி ஒரு அசுர பலம் செல்வராகவனுக்கும் உண்டு. இவரால் பல விநியோகஸ்தர்களும் தியேட்டர்காரர்களும் வாழ்வாங்கு வாழ்ந்தாலும், தயாரிப்பாளர்கள் என்னவோ கொத்தப்பட்ட மரம்தான். அதற்கு லேட்டஸ்ட் உதாரணம் ஆயிரத்தில் ஒருவன் தயாரிப்பாளர் ரவீந்திரன்.

அவர் போகட்டும். தற்போது சொந்தப்படம் எடுத்து வரும் செல்வராகவன் தனக்கு தானே கூட கொத்திக் கொள்வார் போலிருக்கிறது. இவர் இயக்கிக் கொண்டிருக்கும் இரண்டாம் உலகம் செல்வராகவனின் குடும்ப தயாரிப்பு. ஆனால் விநியோகஸ்தர்களும் கணிசமாக பணம் கொடுத்திருப்பதாக கேள்வி.

படம் பாதி தாண்டிய நிலையில் இந்த படத்தின் ஹீரோயின் ஆன்ட்ரியாவை படத்திலிருந்தே நீக்கிவிட்டார் செல்வா. இதற்கு ஆயிரம் காரணங்கள் சொல்லப்பட்டாலும், ஆன்ட்ரியா திரும்ப வரமாட்டார் என்கிற அளவுக்கு முட்டை ஆஃப் பாயில் ஆகிவிட்டது.

ஆன்ட்ரியா போனபின் வேறொரு ஹீரோயினை வைத்து அதே காட்சிகளை எடுத்தாக வேண்டுமே? ஹீரோயின் ரெடி. ஆனால் மீண்டும் நடிக்க வேண்டிய தனுஷ், அட போண்ணா... உனக்கு வேற வேலையே இல்லை என்கிறாராம் எரிச்சலுடன். நீ கேட்கும்போதெல்லாம் என்னால் தேதி தர முடியாது. நான் எப்ப சொல்றேனோ அப்போ படத்தை எடுத்துக்கோ என்று கூறிவிட்டாரம் கடுகடுப்புடன்.

உன்னை வளர்த்ததே நான்தான். நான் இல்லேன்னா தனுஷ்னு ஒரு நடிகனே இல்லை என்று செல்வாவும், அதுக்காக எவ்வளோ செஞ்சாச்சு. இன்னும் வாட்டி எடுக்காதே என்று தனுஷ§ம் மாறி மாறி வாதம் செய்து கொண்டிருக்க, கண்ணீரை பீய்ச்சியாவது கலவரத்தை அடக்க துடித்துக் கொண்டிருக்கிறாராம் பாசக்கார அப்பா.

st

தனுஷ்-செல்வராகவன் மனக்கசப்பு ; இருட்டுக்குள் இரண்டாம் உலகம் !

தனுஷ்-செல்வராகவன் மனக்கசப்பு ; இருட்டுக்குள் இரண்டாம் உலகம் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக