தீவிர சிகிச்சைப் பிரிவிலிருந்து சிறப்பு வார்டுக்கு திரும்பினார் ரஜினி… ஆர்வத்துடன் டிவியில் ஐபிஎல் பார்த்தார்!!

kitcha · kitcha Mon May 23, 2011 10:03 am

மருத்துவர்களின் இடையறாத முயற்சி மற்றும் பல கோடி மக்களின் தூய்மையான பிரார்த்தனைக்கு உடனடி பலன் கிடைத்துவிட்டது.
தலைவர் ரஜினி தீவிர சிகிச்சைப் பிரிவிலிருந்து சாதாரண தனி வார்டுக்கு மாற்றப்பட்டார். அவரது உடல்நிலை வேகமாக முன்னேறி வருகிறது. வைரஸ் தொற்று அகற்றப்பட்டுள்ளது. சுவாசம் சீரடைந்ததால், சிறுநீரகங்களின் செயல்பாடும் வழக்கத்துக்கு திரும்பியுள்ளது.
நேற்றே தலைவர் உடல்நிலை சகஜநிலைக்குத் திரும்பினாலும், தொடர்ந்து விவிஐபி பார்வையாளர்கள் வரக்கூடும் என்பதால், அதைத் தவிர்ப்பதற்காக மேலும் ஒரு நாள் அவரை தீவிர சிகிச்சைப் பிரிவிலேயே வைத்திருந்தனர்.
இப்போது அவருக்கு நோய்த் தொற்று அபாயம் நீங்கியபடியால், அவர் முன்பு தங்கியிருந்த சிறப்பு வார்டுக்கு மாற்றப்பட்டுள்ளார்.
“ரஜினி உற்சாகமாக உள்ளார். இன்று மாலை சாதாரண பிரிவுக்கு மாற்றப்பட்டார். ஐபிஎல் கிரிக்கெட் போட்டியை ஆர்வத்துடன் டிவியில் பார்த்தார் ரஜினி. யாருடைய உதவியுமில்லாமல் உணவு உண்டார். அவருடன் அவரது குடும்பத்தினர் உள்ளனர்,” என ராமச்சந்திரா மருத்துவமனை சிறப்பு செய்திக் குறிப்பில் தெரிவிக்கப்பட்டுள்ளது.
ஆனாலும் பார்வையாளர்களுக்கு மேலும் சில நாட்கள் அனுமதியில்லை என்றும், அவருக்கு நோய்த் தொற்று அபாயம் இனி இல்லை என மருத்துவ நிபுணர் குழு உறுதிசெய்த பிறகே பார்வையாளர்கள் வரலாம் என்றும் குறிப்பிடப்பட்டுள்ளது.
கடந்த 5 தினங்களாக ஐசியுவில் இருந்தார் ரஜினி. எப்போது வீடு திரும்புவார் என்பது குறித்து இன்னும் முடிவு செய்யவில்லை என மருத்துவமனை தரப்பில் கூறப்பட்டுள்ளது.

envazhi

உதயசுதா · உதயசுதா Mon May 23, 2011 10:16 am

அப்பாடா அவர் சரி ஆகிட்டாரா.கடவுளுக்கு நன்றி.ரசிகர்கள் இனியாச்சும் அவங்கவங்க வேலைய பார்ப்பாங்க

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக