பாகிஸ்தான் ராணுவ தளத்தில் தாக்குதல்: 10 பேர் பலி

கராச்சி : பாகிஸ்தானின் கராச்சி நகரில் உள்ள பைசல் பேஸ் விமான படை தளத்தில் அடுத்தடுத்து 9 வெடிகுண்டுகள் வெடித்தன. இது பயங்கரவாத தாக்குதல் என பாகிஸ்தான் உள்துறை அமைச்சர் ரஹ்மான் மாலிக் கூறியுள்ளார். மேலும் அவர் விமான படைக்கு சொந்தமான கப்பலையும் பயங்கரவாதிகள் தாக்கியுள்ளதாகவும், பி என் எஸ் மெக்ரான் என்ற கப்பல் பயங்கரவாதிகளுக்கு இலக்காக உள்ளதாகவும் கூறியுள்ளார். இந்த சம்பவத்தில் 10 பாதுகாப்பு படையினர் பலியாகியுள்ளதாக தகவல்கள் தெரிவிக்கின்றன. விமான படை தளத்திற்குள் 12-முதல் 15 பயங்கரவாதிகள் இருப்பதாகவும், தொடர்ந்து பாதுகாப்பு படையினருக்கும், பயங்கரவாதிகளுக்கும் இடையே துப்பாக்கி சண்டை நடந்து வருவதாகவும், தகவல்கள் தெரிவிக்கின்றன. பயங்கரவாதிகள் இலக்காக ராணுவ விமானம் உள்ளதாகவும், அந்த விமானத்தில் அமெரிக்க வீரர்கள் பணிபுரிந்து வந்ததாகவும் தகவல்கள் தெரிவிக்கின்றன.
பாகிஸ்தான் ஜெட் விமானத்திற்கு தீ வைக்கப்பட்டுள்ளது. பாகிஸ்தான் பிரதமர் யூசுப் ரசா கிலானி, அந்நாட்டு முப்ப‌டை தளபதிகளுடன் தொடர்பில் உள்ளார். அவர் இச்செயலுக்கு கண்டனம் ‌தெரிவித்துள்ளார்.அவரை தொடர்ந்து அந்நாட்டு அதிபர் ஷர்தாரியும் கண்டனம் தெரித்வித்துள்ளார்.தாக்குதல் குறித்து பாகிஸ்தான் உள்துறை அமைச்சர் மாலிக் கூறும்போது தாக்குதல் நடத்தியது கண்டனத்திற்குஉரியது. மே<லும் 15 க்கும் மேற்பட்ட பயங்கரவாதிகள் தாக்குதல் நடத்தியிருக்கலாம் எனவும் தெரிவித்தார். பாதுகாப்பு படையினருக்கும் பயங்கரவாதிகளுக்குமிடையே தொடர்ந்து சண்டை நடைபெறுகிறது.


திண்மலர்