சிங்கப்பூர் பிரதி பிரதமராகும ஈழத்தமிழர்

சிங்கப்பூரின் பிரதி பிரதமராக இலங்கையைப் பூர்வீகமாகக் கொண்ட தர்மன் சண்முகரட்ணம் நியமணம்






முன்னதாக நிதியமைச்சராக விளங்கிய அவருக்கு கடந்த புதன்கிழமை மேற்கொள்ளப்பட்ட புதிய அமைச்சரவை நியமனங்களின்போதே பிரதி பிரதமர் பதவி வழங்கப்பட்டுள்ளது

தர்மன் சண்முகரட்ணம் 2007 ஆம் ஆண்டு முதல் நிதியமைச்சராகப் பணியாற்றியுள்ளார். அதற்கு முதல் கல்வி அமைச்சராகவும் பணிபுரிந்துள்ளார். சிங்கப்பூரில் சிரேஷ்ட அரசியல்வாதியான தர்மன் சண்முகரட்ணம் சர்தேச நாணய நிதியம், சர்வதேச நாணய மற்றும் நிதிக்குழு என்பவற்றின் பணிப்பாளராகவும் இருந்து வருகின்றார்.

பொருளியல் பட்டதாரியான தர்மன் சண்முகரட்ணம் கேம்பிரிஜ்ட் பல்கலைக்கழகத்தில் முதுமாணி பட்டத்தை பெற்றவராவார். அத்துடன் ஹவார்ட் பல்கலைக்கழகத்தில் பொது நிர்வாகத்துறையிலும் முதுமாணிப் பட்டம் பெற்றுள்ளார்.

2001ஆம் ஆண்டு அரசியலில் நுழைந்த தர்மன் சண்முகரட்ணம் வர்த்தக தொழிற்துறை அமைச்சராக நியமிக்கப்பட்டார். 2003இலிருந்து கல்வியமைச்சராகப் பணியாற்றினார். 1957 ஆம் ஆண்டு பிறந்த இவர் இலங்கையைப் பூர்வீகமாகக் கொண்டவர். அவரது பாட்டனார் யாழ்ப்பாணம் ஊரெழுவை சேர்ந்தவர். தர்மன் சண்முகரட்ணத்தின் தந்தையான கே. சண்முகரட்ணம் ஒரு மருத்துவ பேராசியராவார்.

தர்மன் சண்முகரட்ணம் இலங்கையில் 2005இல் ஏற்பட்ட கடற்கோள் பாதிப்பினை அடுத்து இலங்கைக்கு விஜயம் செய்திருந்தார். அப்போது சிங்கப்பூரின் கல்வி அமைச்சராக பணியாற்றி வந்தார்.

சிங்கப்பூரில் கடந்த ஏழாம் திகதி பாராளுமன்ற தேர்தல் நடைபெற்றது. ஆளும் மக்கள் செயல் கட்சி வெற்றி பெற்று மீண்டும் ஆட்சியைக் கைப்பற்றியுள்ளது. சிங்கப்பூரின் முதல் பிரதமரும் அந்நாட்டின் தந்தை என அழைக்கப்படுபவருமான லீ. குவான் யூ அரசியலில் இருந்து ஓய்வு பெறப்போவதாக அறிவித்து அமைச்சரவையில் இருந்து விலகினார்.


இதேபோன்று மற்றுமொரு முன்னாள் பிரதமரான கோ சோக் தாங்குங் அமைச்சரவையிலிருந்து விலகினார். இதனையடுத்து 14 பேர் கொண்ட புதிய அமைச்சரவையை பிரதமர் லீ ஹீசின் லூங்ன் உருவாக்கினார்.

இவர் முன்னாள் பிரதமர் லீ குவான் யூவின் மகனாவார்.

புதிய அமைச்சரவையில் இடம்பெற்றுள்ள 14 பேரில் ஏழு பேர் புதிய முகங்கள்.

தமிழ் வம்சாவளியை சேர்ந்த சட்டத்தரணி கே. சண்முகம் சட்டத்துறை அமைச்சராக இருந்தவர். இவருக்கு தற்போது மேலதிகமாக வெளியுறவுத்துறை அமைச்சுப் பதவி வழங்கப்பட்டுள்ளது.

அதேபோன்று விவ்யன் பாலகிருஷ்ணன் சூழல் நீர்வளத்துறை அமைச்சராகவும் எஸ். ஈஸ்வரன் உள்துறை கைத்தொழில் பிரதி அமைச்சராகவும் நியமிக்கப்பட்டுள்ளனர்.

அதேவேளை பிரதி பிரதமராகவும் சிரேஷ்ட அமைச்சராகவும் கடந்த அமைச்சரவையில் பதவி வகித்த எஸ். ஜெயக்குமார் அரசியலிலிருந்து தற்போது ஓய்வு பெற்றுள்ளமையும் குறிப்பிடத்தக்கது.

ஜப்பானிய சீனப் பெற்றோருக்குப் பிறந்த பெண்ணைத் திருமணம் முடித்த தர்மன் சண்முகரட்ணத்துக்கு மூன்று மகன்களும் ஒரு மகளுமாகன நான்கு பிள்ளைகள் உள்ளனர்.


gln