இந்து கோவில்களில் பஜனை பாடும் முஸ்லிம்

கோவைசிவா · கோவைசிவா Tue Sep 08, 2009 7:00 pm

உத்தரபிரதேச மாநிலத்தை சேர்ந்த முஸ்லிம் ஒருவர் இந்து கோவில்களில் கீர்த்தனைகளையும், பஜனை பாடல்களையும் பாடி வருகிறார். உ.பி., வாரணாசி மாவட்டம் சவ்பெய்பூர் நகரை சேர்ந்தவர் ரோஜன் அலி (55). இவரது தந்தை கவாலி பாடல்களை பாடி வந் தார்.

சிறுவனாக இருந்த போது தந்தையின் கவாலி குழுவில் பாடி வந்த ரோஜன் அலிக்கு இந்து கோவில்களில் பாடும் பஜனை மற்றும் கீர்த்தனைகளில் ஈர்ப்பு ஏற்பட்டது. முஸ்லிம் என்பதால் பஜனை குழுவில் இவர் சேர முடியாமல் இருந்தது. இதற்காக பஜனை குழுவில் உள்ளவர்களை நட்பாக்கி கொண்ட ரோஜன் அலி, அவர்களிடம் கொஞ்சம் கொஞ்சமாக பக்தி பாடல்களை பாடும் வித்தையை கற்று கொண்டார். 25வது வயதில் தேர்ந்த பாடகராகி விட்டார். இவருக்கு நல்ல குரல் வளம் இருந்ததால் பல கோவில்களில் இவர் பாடுவதற்கு அழைப்பு விடுக்கப்பட்டது.

ரசிகர்களும் அதிகரித்தனர். இந்து கோவில்களில் பாடினாலும் தனது மத சம்பிரதாயப்படி தினமும் காலையில் மசூதிக்கு சென்று தொழுகை நடத்துகிறார். அதன் பின் ஒவ்வொரு இந்து கோவில்களுக்கு சென்று கீர்த்தனைகளையும், பஜனை பாடல்களையும் பாடுகிறார். முஸ்லிமாக இருந்து கொண்டு இந்து கோவில்களில் பணி செய்யும் ரோஜன் அலியின் நடவடிக்கைக்கு அவரது குடும்பத்தாரும், சமூகத்தவர்களும் கடும் கண்டனம் தெரிவித்து வருகின்றனர். கவாலி பாடுவதை முற்றிலும் விட்டுவிட்ட ரோஜன் அலி, பஜன் மற்றும் கீர்த்தனைகள் பாடுவதில் சலிப்பு தட்டுவதில்லை, மாறாக இன்னும் பாடவேண்டும், என்ற ஆர்வம் அதிகரிப்பதாக கூறுகிறார்.

Chocy · Chocy Tue Sep 08, 2009 10:45 pm

தாங்கள் அடிகடி கோவிலுக்கு செல்வீர்கள் போல தெரிகிறது

இந்து கோவில்களில் பஜனை பாடும் முஸ்லிம்

இந்து கோவில்களில் பஜனை பாடும் முஸ்லிம்

Re: இந்து கோவில்களில் பஜனை பாடும் முஸ்லிம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக