தங்கத்தின் மீதான மோகம் குறைகிறது

சென்னை : தங்கத்தின் மீதான மோகம் குறைகிறது என்பதற்கு மக்கள் தங்கத்தை வெறுக்கிறார்கள் என்று நேரடியாக பொருள் கொள்ளாமல், மக்களிடையே தங்கத்தை விட வைரநகைகளின் மீதான மதிப்பு அதிகரிக்கிறது என்பதே உண்மையாகும். தங்கத்தின் விலை, நாளொரு மேனியும் பொழுதொரு வண்ணமுமாக உயர்ந்து கொண்டே வருகிறது. இந்நிலையில், தங்கத்தின் மதிப்பு, வைரநகைகளின் மதிப்பைவிட சற்றுதான் குறைந்து உள்ளது. முன்னொரு காலத்தில், வைரநகைகள் என்பது கோடீஸ்வரர்களுக்கு மட்டுமே கிட்டக்கூடிய பொருளாக இருந்தது. ஆனால், இன்றோ, தங்கத்தின் விலை, வைரத்தின் விலையைத் தொட்டுவிடும் தூரத்திற்கு சென்றுள்ளது என்பது மறுப்பதற்கில்லை. எனவேதான், மக்கள் வைரநகைகளில் முதலீடு செய்ய துவங்கியுள்ளனர். இதற்கு முக்கிய காரணங்களாக மக்கள் கூறியதாவது, தங்க நகைகளை, நாம் மறுவிற்பனை செய்யும் போது, நாம் வாங்கிய மதிப்பின் பாதி அல்லது அதற்கு சற்று கூடுதலான பலன்களை மட்டுமே நாம் அனுபவிக்க முடியும். ஆனால், வைரநகைகளின் நிலை இப்படி இல்லாமல், நாம் வாங்கிய மதிப்பு, நாம் விற்கும்போதும் அதே பலனை அனுபவிக்கலாம். மக்கள் இந்த கருத்தை மட்டும் கருத்தில் கொண்டு முன்னேற்பாடாக வைர‌நகைகளில் முதலீடு செய்ய துவங்கியுள்ளனர். இதுகுறித்து, கீதாஞ்சலி ஜெம்ஸ் லிமிடெட் நிறுவன நிர்வாக அதிகாரி மேகுல் சோக்ஸி கூறியதாவது, இந்தியாவில், ஆண்டுக்கு ஆண்டு வைரநகைகளின் விலை 20 முதல் 25 சதவீத அளவிற்கு உயர்ந்து வருகிறது. ஆனால் இந்த விலை உயர்வு மக்களை பெரிதும் பாதித்ததாக தங்களுக்கு தெரியவில்லை. ‌ஏனெனில், வைர நகைகளின் விலை ஆண்டுதோறும் உயர்ந்து வருவதைப் போல, அதன் விற்பனையும் கணிசமாக உயர்ந்து கொண்டே வருகிறது. திருமண சீசன்களில், வைரநகைகளின் விற்ப‌னை உச்சத்திலும், மற்ற காலங்களில் சீரான அளவிலும் இதன் விற்பனை உள்ளது. மக்களிடையே தங்கத்தின் மீதான் மதிப்பு குறையாமல் இருந்தாலும், இளைய தலைமுறையினர், தங்கத்தை விட வைரநகைகளின் மீது தான் தீராத மோகம் கொண்டுள்ளனர். அவர்கள் வைரநகைகளை, நவநாகரீகத்தின் ஒரு அடையாளமாக கருதுவதோடு மட்டுமல்லாமல், எதிர்காலத்திற்குரிய சிறந்த முதலீடாகவும் அவர்கள் கருதுகி்ன்றனர். இவரது கருத்திற்கு ஆதரவு தெரிவித்து பேசிய என்ஏசி ஜீவல்லர்ஸ் நிர்வாக அதிகாரி அனந்த பத்மனாபன் கூறியதாவது, வைரநகைகளின் விலை உயர்ந்து கொண்டே போனாலும், அதன் விற்பனை ஆண்டிற்கு ஆண்டு 10 முதல் 20 சதவீதம் வரை அதிகரித்துக் கொண்டு தான் உள்ளது. மக்கள் முதலீடு செய்வதாக தீர்மானித்துவிட்டால், பெரிய அளவில் செய்ய தீர்மானித்துவிட்டதாலேயே, அவர்கள் வைரநகைகளை தேர்ந்தெடுக்கிறார்கள் என்று அவர் கூறினார். அக்ஷய திரிதியை மே 6ம் தேதி கொண்டாட இருப்பதை முன்னிட்டு, தங்கம், வைரம், பிளாட்டினம் நகைகளின் விற்பனை மேலும் அதிகரிக்கும் வாய்ப்புள்ளதாக அவர் மேலும் தெரிவித்தார்.

சீச்சீ ... இந்த பழம் புளிக்கும்..!

மோகம் குறைகிறபோது விற்பனை குறையவேண்டுமல்லவா. . .அட்சிய திருதி வரும் வாரத்தில் இப்படி ஒரு பதிவா?

puthuvaipraba wrote:மோகம் குறைகிறபோது விற்பனை குறையவேண்டுமல்லவா. . .அட்சிய திருதி வரும் வாரத்தில் இப்படி ஒரு பதிவா?

சரியாக படியுங்கள் பதிவை இப்ப வெறும் தங்கத்தை விட வைரநகைகள் மேல் மோகம் அதிகம் ஆகிறது. இது இருகோடுகள் தத்துவம் மற்றபடி வேறுஒன்றும் இல்ல

என்னது பெண்கள்களுக்கு வைரநகை மீது மோகம் அதிகரித்துள்ளதா.....

வை.பாலாஜி wrote:என்னது பெண்கள்களுக்கு வைரநகை மீது மோகம் அதிகரித்துள்ளதா.....

கவலைய விடு நைனா டூப்லிகேட் கல்லு வாங்கி தந்தால் தெரியவா போது...

Tamilzhan wrote:

வை.பாலாஜி wrote:என்னது பெண்கள்களுக்கு வைரநகை மீது மோகம் அதிகரித்துள்ளதா.....

கவலைய விடு நைனா டூப்லிகேட் கல்லு வாங்கி தந்தால் தெரியவா போது...

ஏற்கனவே அடகு வச்ச நகையை மீட்க முடியல,, இதுல வைரம் வேறயா..

நைனா நகையை மீட்க நீங்க கடன் தருவிங்களா எனக்கு.....

வை.பாலாஜி wrote:என்னது பெண்கள்களுக்கு வைரநகை மீது மோகம் அதிகரித்துள்ளதா.....

வைரம் மட்டும் அல்ல பாலாஜி , பிளாட்டினம் வரை போயாகி விட்டது. அதிலும் வைரத்தை பிளாட்டினத்தில் பதித்து அணிவதுதான் லேடெஸ்ட் ஃபேஷன் எந்த ஊரில் இருக்கேள் நீங்க ? அதை சொல்ல வந்தது தான் இந்த கட்டுரை , கட்டுரையாளர் அதை நல்லா "ஸ்ட்ராங்க் " ஆக சொல்ல தவறிட்டார்; அவ்வளவுதான்

வை.பாலாஜி wrote:
ஏற்கனவே அடகு வச்ச நகையை மீட்க முடியல,, இதுல வைரம் வேறயா..

நைனா நகையை மீட்க நீங்க கடன் தருவிங்களா எனக்கு.....

இங்கே நெட் சரியா வேலை செய்யல நைனா பிறகு வரேன்...