தங்கத்தின் அருமை குறைகிறது ; பவுன் விலை 18 ஆயிரத்து 976 க்கு போச்சு !

**krishnaamma** · **krishnaamma** Mon Dec 01, 2014 7:36 pm

சென்னை: நாளுக்கு நாள் தங்கத்தின் அருமை , பெருமை , குறையத்துவங்கியிருக்கிறது. மத்திய அரசு மற்றும் ரிசர்வ் வங்கியின் தங்க இறக்குமதியில் எடுத்த கொள்கை தளர்வு காரணமாக இன்னும் தங்கத்தின் விலை அதல பாதாளத்திற்கு செல்லுமோ என தங்கம் வாங்கி குவித்தவர்கள் அச்சப்பட துவங்கியிருக்கிறார்கள். ஆனாலும் தங்கத்தை எட்டாக்கனியாக பார்த்தவர்கள், காசை சேமித்து வைத்தவர்கள் இந்நேரத்தில் தங்கத்தை வாங்கி விடுவோம் என சிலர் நகை கடைக்கு மகிழ்ச்சியுடன் புறப்பட்டுள்ளனர்.

கடந்த வாரம் முதல் தங்கம் விலை இறங்குமுகமாவே இருந்து வருகிறது. கடந்த வாரத்தில் மொத்தம் சவரனுக்கு ரூ. 736 குறைந்தது. வாரத்தின் முதல் நாளில் தங்கம் பவுனுக்கு ரூ. 376 குறைந்து கடந்த 8 நாட்களில் தங்கம் விலை பவுனுக்கு ரூ. ஆயிரத்து 12 குறைந்துள்ளது.
இன்று(டிச., 1ம் தேதி) சவரனுக்கு ரூ.376 குறைந்துள்ளது. அதுமட்டுமின்றி தங்கம் விலை 19 ஆயிரத்திற்கு கீழ் சென்றுள்ளது. சென்னை, தங்கம்-வெள்ளி சந்தையில், காலைநேர நிலவரப்படி 22காரட் ஒருகிராம் ஆபரணத்தங்கத்தின் விலை ரூ.2,372-க்கும், சவரனுக்கு ரூ.376 குறைந்து ரூ.18,976-க்கும், 24காரட் 10கிராம் தங்கத்தின் ரூ.25,870-க்கும் விற்பனையானது.

வெள்ளியும் இறங்கு முகம் : வெள்ளியின் விலையும் கணிசமாக குறைந்துள்ளது. ஒருகிராம் சில்லரை வெள்ளியின் விலை ரூ.1.60 காசுகள் குறைந்து ரூ.36-க்கும், பார்வெள்ளி கிலோவுக்கு ரூ.1,435 குறைந்து ரூ.33,660-க்கும் விற்பனையானது.

மாலைநேர நிலவரம் : மாலைநேர நிலவரப்படி 22காரட் ஒருகிராம் ஆபரணத்தங்கத்தின் விலை ரூ.2,408-க்கும், சவரனுக்கு ரூ.88 குறைந்து ரூ.19,264-க்கும், 24காரட் 10கிராம் தங்கத்தின் ரூ.26,260-க்கும் விற்பனையாகிறது.

வெள்ளியின் விலையும் கணிசமாக குறைந்துள்ளது. ஒருகிராம் சில்லரை வெள்ளியின் விலை 60 காசுகள் குறைந்து ரூ.37-க்கும், பார்வெள்ளி கிலோவுக்கு ரூ.490 குறைந்து ரூ.34,605-க்கும் விற்பனையாகிறது.