கெட்டாலும் மேன்மக்கள் மேன்மக்களே - அசூரனின் 600வது பதிவு

ரபீக் wrote:சங்கு சுட்டாலும் வெண்மை தரும் ,,,,,,,

இந்த பதிவைத் துவங்கியவர் நன்றி கூறியுள்ளார் அசுரன்

அசுரன் wrote:கப்பலோட்டிய தமிழன் வ.உ.சி. இந்நாட்டின் சுதந்திரத்துக்காக தன் சொத்து ‍ சுகங்களை மட்டும் இழக்கவில்லை. தனது வாழ்வையே அர்ப்பணித்த அபூர்வ தலைவர். வெள்ளையர் ஆட்சிக் காலத்தில் அவருக்கு இரட்டை ஆயுள் தண்டனையெல்லாம் கொடுத்து, சாகும் வரை சிறைவாசம் என்று தீர்ப்பு அளித்திருந்தனர். ஒரு கட்டத்தில் வாலேஸ் என்கிற ஆங்கிலேய வழக்கறிஞர், வ.உ.சி வழக்கை எடுத்து நடத்தி அவருக்கு விடுதலை வாங்கித்தந்தார். அதன்பிறகு வ.உ.சிக்கு ஒரு மகன் பிறந்தான். அந்தக் குழந்தைக்கு வாலேஸ்ராஜன் என்று பெயரிட்டார் வா.உ.சி.

அந்த வாலேஸ்ராஜன் இன்று உயிரோடு இருக்கிறார். பணி ஓய்வு பெற்று திண்டுக்கல்லில் எளிய வாழ்க்கை வாழ்ந்துக்கொண்டிருக்கும் 70 வயது கடந்த அந்தப் பெரியவரைப் பார்க்க ஒரு தேசபக்தர் ஆசைப்பட்டார். ஒரு தட்டிலே வேட்டி, சட்டை, புடவை அதன் மேல் ஆயிரம் ரூபாய் பணத்தை வைத்து வாலேஸ்ராஜனிடம் கொடுத்து காலில் விழுந்து வணங்கினார்.

தட்டைப் பெற்றுக்கொண்டு உள்ளே சென்ற வாலேஸ்ராஜன் மீண்டும் அதே தட்டோடு வெளியே வந்தார். தேசபக்தர் கையில் அந்த வேட்டி‍ சட்டை, புடவை இருந்த தட்டைக் கொடுத்தார். மேலே இருந்த ஆயிரம் ரூபாயுடன், தன் கையில் இருந்த ஒரு ரூபாயைச் சேர்த்து எடுத்துக்கொள்ளச் சொன்னார்.

'வெள்ளைக்காரனுக்கு எதிராக சுதேசிக் கப்பல் ஓட்டியவர் என் தந்தை. சொத்து ‍ சுகங்கள் நாட்டு விடுதலைக்காக இழந்தவர். கோவை சிறையில் மாடுகள் இழுக்கும் செக்கு இழுத்தவர். சிறையில் கல் உடைத்தவர். அப்பேற்பட்ட தியாகி மகன், அன்பளிப்பு வாங்கி கடைசி காலத்தை ஓட்டினான் என்ற அவப்பெயரை, என் தந்தைக்கு வாங்கித்தர விரும்பவில்லை, உங்கள் அன்புக்கு நன்றி' என்றாராம்.


நன்றி தமிழ் இணையம் இது எனது 600வது பதிவு

இந்த பதிவைத் துவங்கியவர் நன்றி கூறியுள்ளார் இரா.எட்வின்

இரா.எட்வின் wrote:
இப்பவும்தான் ஒரு சிதம்பரம் இருக்கிறார். சரி அவர் செக்கிழுத்த சிதம்பரம்.இவர் செக் கிழித்த சிதம்பரம். வேற என்ன சொல்ல?

இந்த பதிவைத் துவங்கியவர் நன்றி கூறியுள்ளார் அசுரன்

அசுரன் wrote:

இரா.எட்வின் wrote:
இப்பவும்தான் ஒரு சிதம்பரம் இருக்கிறார். சரி அவர் செக்கிழுத்த சிதம்பரம்.இவர் செக் கிழித்த சிதம்பரம். வேற என்ன சொல்ல?

சிதம்பரம் அப்படி பேரு வச்சவங்க எல்லாம் தமிழனாகிவிட முடியுமா? நன்றி அண்ணா

இந்த பதிவைத் துவங்கியவர் நன்றி கூறியுள்ளார் இரா.எட்வின்