முன்னோர் வழிபாடு வெற்றிக்கு வழிவகுக்கும்

தாமு · தாமு Fri Apr 22, 2011 2:42 pm

சாதாரணமாக எந்தவொரு நல்ல செயல் ஆரம்பிப்பதற்கு முன்பும் இறைவனை வழிபடுவது பெரும்பாலானோரின் வழக்கம். சிலர் தங்களது பெற்றோரிடம் ஆசி பெறுவர். மேலும் சிலர் தங்களது முன்னோர்களை நினைத்து ஒரு செயலை தொடங்குவார்கள். தற்போது இதனை மெய்ப்பிக்கும் வகையில் ஆஸ்திரிய நாட்டில் அமைந்துள்ள கிராஸ் பல்கலை கழக ஆராய்ச்சியாளர்களின் ஆராய்ச்சி முடிவுகள் அமைந்துள்ளன. தேர்வுக்கு தயாராகும் மாணவர்கள் மற்றும் நேர்முகத்தேர்வுக்கு செல்வோர் தங்களது முன்னோர்களை நினைத்து வழிபாடு செய்வது வெற்றிக்கு வழிவகுக்கிறது என அந்த ஆய்வில் தெரிய வந்துள்ளது. இதற்காக அவர்கள் 80 மாணவர்களை தேர்ந்தெடுத்தனர். அவர்களிடம் தாத்தா, தாத்தாவிற்கு தாத்தா மற்றும் 15-வது நூற்றாண்டினை சேர்ந்த முன்னோர்கள் ஆகியோரை 5 நிமிடங்கள் நினைத்து கொள்ளுமாறு கூறினர். மேலும் தாத்தா, பாட்டி சென்று வந்த இடங்களை சுற்றி பார்த்து வருமாறு கேட்டு கொண்டனர். இதன் பின் அவர்களிடம் பல்வேறு அறிவுப்பூர்வமான கேள்விகள் கேட்கப்பட்டன. முந்தைய தலைமுறையை நினைவு கூர்ந்தவர்கள் அதிக நினைவாற்றலுடனும், நம்பிக்கையுடனும் காணப்பபட்டனர். அவர்கள் 16க்கு 14 என்கிற வகையில் சரியான பதிலை அளித்தனர். இவ்வாறு முன்னோர் வழிபாடு செய்யாத மற்றொரு பிரிவினர் 16-க்கு 10 என்ற அளவிலேயே சரியான பதிலை அளித்தனர். இந்த ஆய்வு முடிவு ஆனது முன்னோர் வழிபாடு நன்மை தரும் என்ற நம்முடைய பழங்கால முறையை நிரூபிப்பதாக உள்ளது குறிப்பிடத்தக்கது.

val

கலைவேந்தன் · கலைவேந்தன் Fri Apr 22, 2011 2:48 pm

சொல்லப்போனால் கடவுள் வழிபாட்டைவிட முன்னோர் வழிபாடு செய்வதால் கடவுளும் கூட இரங்குவார்...!

முரளிராஜா · முரளிராஜா Fri Apr 22, 2011 4:10 pm

இதில் மாற்று கருத்துக்கே இடமில்லை

மஞ்சுபாஷிணி · மஞ்சுபாஷிணி Fri Apr 22, 2011 5:17 pm

ஹைய்யோ நிஜமே தான்....

எப்பவும் எந்த ஒரு காரியம் செய்யுமுன்பு மட்டுமல்ல.... மனம் சரி இல்லை என்று தாத்தாவிடம் இறந்த அண்ணாவிடம் மனம் விட்டு அழுதால் கூட ஆறுதலும் கிடைக்கிறது.... தீர்வும் கிடைக்கிறது...... உண்மையே... இறைவனை நினைத்து வழிபடலாம் தப்பே இல்லை.. அம்மா சொன்னாங்க. பித்ருக்களின் ஆசிர்வாதம் எப்பவும் வேண்டுமாம்....

நாம் பித்ருக்களுக்கு தரும் அவிர்பாகம் அவங்க என்னவா பிறந்திருக்காங்களோ அப்படியே அவங்களுக்கு உணவா சேருமாம்.... மாடென்றால் அகத்தி கீரையாகவும் எறும்பென்றால் அரிசியாகவும் இப்படி போய் சேருமாம்.... பித்ரு வழிபாடு ரொம்ப முக்கியமாம்.....

அமாவாசை கும்பிடுவது அதனால் தான்.... பித்ருக்களுக்காக கும்பிடுவதாம்....

அன்பு நன்றிகள் தாமு....

varsha · varsha Fri Apr 22, 2011 11:11 pm

முரளிராஜா wrote:இதில் மாற்று கருத்துக்கே இடமில்லை

ஆமோதிக்கிறேன் ..

தாமு · தாமு Sat Apr 23, 2011 5:58 am

உண்மைதான் அக்கா & அண்ணா முன்னோர் வழிபாடு வெற்றிக்கு வழிவகுக்கும் 154550

அனைவருக்கும் முன்னோர் வழிபாடு வெற்றிக்கு வழிவகுக்கும் 678642

யாதுமானவள் · யாதுமானவள் Sat Apr 23, 2011 12:33 pm

கொஞ்சம் இப்படி யோசிக்கலாமா?

இறைவனையோ இறந்தவர்களையோ வழிபடுவதால் அவர்களிடம் எனக்கு பலம் தா பக்கத்துணையாக இரு என்று கேட்பதால் எடுத்த காரியம் நடைபெறுமென்பது - "நமக்கு நாமே நம்பிக்கை அளித்துக்கொள்ளும் ஒரு வழியை தவிர" வேறொன்றும் இல்லை.

பித்ருக்களுக்கு அவிர்பாகம் என்பது ஏற்றுக்கள்ள முடியாத ஒரு விஷயம்.

காரணமாக நான் முன்வைப்பது:
ஆத்மா அழிவில்லாதது. இந்த பூதஉடல் பிரிந்தபின் உடனே அடுத்த உடலுக்குள் பிறப்பார்கள் என்று கூறும் இதேமக்கள் 20 வருடங்களாக தாத்தாவின் ஆத்மாவிற்கு அவிர்பாகம் கொடுப்பது என்ன முறை? 20 வருடங்களாக தாத்தாவிற்கு வேறு உடல் கிடைக்கவில்லையா? புதுப்பிறவி அவர் எடுக்காமலா உள்ளார்?

தாத்தா இறந்து 20 ஆவது வருடம் அவருக்கு அவிர்பாகம் கொடுப்பது என்பது குறித்து சிந்தித்தோமானால் சிரிப்பதா அழுவதா என சில நேரம் தோன்றும். இறந்தவர்களுக்கு நினைவு நாள் கொண்டாடுவது முறையானது.

(முன்ஜென்மம் அடுத்த ஜென்மம் என்பதிலும் முரண்பாடுடையவள் நான்)

கோபப்டாமல் சிந்திக்கக் கூறியது இக்கருத்து.

balakarthik · balakarthik Sat Apr 23, 2011 12:36 pm

யாதுமானவள் wrote: 20 வருடங்களாக தாத்தாவின் ஆத்மாவிற்கு அவிர்பாகம் கொடுப்பது என்ன முறை? 20 வருடங்களாக தாத்தாவிற்கு வேறு உடல் கிடைக்கவில்லையா? புதுப்பிறவி அவர் எடுக்காமலா உள்ளார்?

ஆதான இதுவும் சிந்திக்கவேண்டிய விஷயம்தான்

Sponsored content · Sponsored content

முன்னோர் வழிபாடு வெற்றிக்கு வழிவகுக்கும்

முன்னோர் வழிபாடு வெற்றிக்கு வழிவகுக்கும்

Re: முன்னோர் வழிபாடு வெற்றிக்கு வழிவகுக்கும்

Re: முன்னோர் வழிபாடு வெற்றிக்கு வழிவகுக்கும்

Re: முன்னோர் வழிபாடு வெற்றிக்கு வழிவகுக்கும்

Re: முன்னோர் வழிபாடு வெற்றிக்கு வழிவகுக்கும்

Re: முன்னோர் வழிபாடு வெற்றிக்கு வழிவகுக்கும்

Re: முன்னோர் வழிபாடு வெற்றிக்கு வழிவகுக்கும்

Re: முன்னோர் வழிபாடு வெற்றிக்கு வழிவகுக்கும்

Re: முன்னோர் வழிபாடு வெற்றிக்கு வழிவகுக்கும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக