அடுத்தவரை நாம் நல்ல குணங்களால் மயக்கலாம் வாங்க!

தாமு · தாமு Fri Apr 22, 2011 8:40 am

உங்களுக்கு மற்றவர்களை மயக்கத் தெரியுமா? மற்றவர்களை மயக்கி, ஈர்க்கும் கலையை சொல்லித்தருகிற ஒரு கலகலப்பான புதிய புத்தகம் சமீபத்தில் வெளியாகி சூப்பர் ஹிட்டாகியிருக்கிறது. கை கவாஸாகி எழுதியிருக்கும் அந்தப் புத்தகத்தின் பெயர் “என்சான்ப்மென்ட்’ (Enchantment).
இந்தப் புத்தகம் நெடுகிலும் நம்முடன் பழகுபவர்களை மயங்கச் செய்வது எப்படி எனப் பல அருமையான யோசனைகளை உதாரணங்களுடன் விளக்கியிருக்கிறார் கை கவாஸாகி. அவற்றிலிருந்து ஐந்து முக்கிய பகுதிகள்.
1. முதலில், அடுத்தவர்களுக்குப் பிடிக்கும்விதமாக நடந்துகொள்ளுங்கள். அதற்குச் சில வழிகள்:
*நேர்த்தியான உடை
*யாராவது ஏதாவது உதவி கேட்டால் யோசிக்காமல், தயங்காமல் “யெஸ்’ என்று சொல்லிவிடுங்கள். அதன்பிறகு அதை எப்படிச் செய்வது என்று யோசித்து நாலு “ஆனால்’களை, ஏழெட்டு நிபந்தனைகளைச் சேர்த்துக் கொள்ளலாம். தப்பில்லை. அந்த முதல் “யெஸ்’ உங்களுக்குப் பல ரசிகர்களை அள்ளித் தரும்!
2. இரண்டாவதாக, அவர்களுடைய நம்பிக்கைக்குப் பாத்திரமாக மாறுங்கள். இப்படி:
*முதலில் நீங்கள் அடுத்தவர்கள்மீது நம்பிக்கை வையுங்கள்.
*நீங்கள் ஒரு விஷயத்தில் ஏன் ஈடுபடுகிறீர்கள் என்கிற உண்மையை மறைக்காமல் சொல்லிவிடுங்கள்.
*ஒவ்வொரு வேலையிலும் உங்களுக்கு என்ன லாபம் என்பதை மட்டும் பார்க்காமல், அடுத்தவர்களுக்கும் அதில் எதாவது பயன் வரக்கூடுமா என்று பார்த்து அதற்கு எற்ப செயல்படுங்கள்.
3. ஒவ்வொரு புதிய நபரைச் சந்திக்கும்போதும், ஒவ்வொரு புதிய வேலையைத் தொடங்கும்போதும் கச்சிதமாக திட்டமிட்டுத் தயார் செய்துகொள்ளுங்கள். இதுபோல:
*என்ன பேசப்போகிறோம் என்பதை முன்கூட்டியே மனத்தில் ஒருமுறை ஒத்திகை பார்த்துக்கொள்ளுங்கள்.
*நீங்கள் பேசும்போது அவர்கள் என்ன கேள்விகளைக் கேட்பார்கள் என்பதையும் நீங்களே ஊகியுங்கள், அதற்கு என்ன பதில் சொல்லலாம் என்று யோசித்துப் பயிற்சி எடுங்கள்.
*உங்கள் பேச்சில் யாராவது குறை சொன்னால் கோபித்து முகம் சுளிக்காதீர்கள். மனத்தைத் திறந்து வைத்திருங்கள். அவர்கள் சொல்வதில் இருக்கும் நியாயத்தைமட்டும் எடுத்துக் கொள்ளுங்கள். நியாயமில்லை என்றால் சிரித்து மறந்துவிடுங்கள்.
4. உங்களுடைய பாதையில் தடைகள் வரும். சிலர் உங்களை நம்ப மறுத்துச் சந்தேகமாகப் பார்ப்பார்கள். அப்போது மனம் தளராமல் இந்த வழிகளைப் பின்பற்றுங்கள்:
*ஏதேனும் புதிய யோசனையைச் சொல்லும்போது, இதே மாதிரி விஷயம் வேறொரு கம்பெனியில், வேறொரு நகரத்தில், வேறொரு நாட்டில், வேறொரு காலகட்டத்தில், வேறொரு துறையில் எங்காவது வெற்றியடைந்திருக்கிறதா என்று உதாரணம் காட்டி நிரூபியுங்கள். “நாமும் ஜெயிப்போம்’ என்ற உறுதி சொல்லுங்கள்.
*ஒரு வேளை தோல்வி வந்தால், பிரச்னையில்லை. எப்பேர்ப்பட்ட சறுக்கலிலும் ஒரே ஒரு பாஸிட்டிவ் விஷயமாவது இருந்தே தீரும். அதைக் கண்டுபிடித்துக் கொண்டாடுங்கள். அதையே பிடித்துக்கொண்டு மேலே செல்லுங்கள்.
5. நீங்கள் உருவாக்கும் “மயக்கம்’ தாற்காலிகமாக இருந்து விடக்கூடாது. அவர்கள் நிரந்தரமாக உங்களது ஈர்ப்பிலேயே இருக்க வேண்டும். அதை உறுதி செய்துக்கொள்ள இந்த வழிகள் பயன்படும்:
*உங்களது துறையில் நீங்கள் கொண்டிருக்கும் அனுபவம் என்ன? திறமைகள் என்னென்ன? அதை மற்றவர்கள் உணர்ந்துள்ளார்களா? இல்லை என்றால் நீங்களே எடுத்தச் சொல்லுங்கள். “சுய தம்பட்டம் அடிக்கக்கூடாது’ என்று நினைக்கிறவர்கள் இந்தக் காலத்தில் முன்னேறமுடியாது. “நான் சிறந்தவன்’ என்பது ஓகே, “நான் மட்டும்தான் சிறந்தவன்’ என்று சொன்னால்தான் தப்பு!
* அதற்காக எல்லா அதிகாரங்களையும் நீங்களே பிடித்து வைத்துக் கொள்ளாதீர்கள். அதைச் சரியான முறையில் பகிர்ந்து கொடுங்கள். அவர்கள் தயங்கி நின்றால் வழிகாட்டி உதவுங்கள். பிரச்னை வரும்போது கை கொடுங்கள். கடைசியாக அவர்கள் வெற்றி பெறும்போது கை தட்டிப் பாராட்டுங்கள்.
*உங்களுடன் இருப்பவர்களை எப்போதும் உற்சாகமாக வைத்திருங்கள், அவர்களது குளைகளை முன்கூட்டியே உணர்ந்து சரி செய்யுங்கள்.
இந்த ஐந்து விதிகளைப் பின்பற்றினால் அனைவரும் உங்கள் பக்கம்தான்.

al அடுத்தவரை நாம் நல்ல குணங்களால் மயக்கலாம் வாங்க! 678642

அடுத்தவரை நாம் நல்ல குணங்களால் மயக்கலாம் வாங்க! 678642

மஞ்சுபாஷிணி · மஞ்சுபாஷிணி Fri Apr 22, 2011 10:19 am

இத்தனையும் அவசியமற்றதே என்பது என் எண்ணம்.....

நேர்மையான மனமும் உண்மை குணமும் நேசத்தில் தூய்மையும் இருந்தாலே போதும்.....

எல்லோரும் விருப்பப்பட அவசியமில்லை நேசித்தவனுக்கு மட்டும் அழகாய் தெரிந்தால் போதும்.... அழியக்கூடிய புற அழகால் நிலைக்காத இந்த அழகால் கூட ஒன்னும் சாதிக்க முடியாது.... வைக்கும் அன்பில் உண்மையும் தூய்மையும் இருந்தால் போதும் சக்ஸஸ்....

**பிளேடு பக்கிரி** · 01/03/2010

இது நல்ல இருக்கே... நானும் முயற்சி பண்ணி பார்கிறேன் சிரி

**Manik** · **Manik** Fri Apr 22, 2011 12:02 pm

சூப்பரான தகவல் நண்பா அடுத்தவரை நாம் நல்ல குணங்களால் மயக்கலாம் வாங்க! 677196

ANTHAPPAARVAI · ANTHAPPAARVAI Fri Apr 22, 2011 1:52 pm

தாமு wrote:
....................................

*உங்களது துறையில் நீங்கள் கொண்டிருக்கும் அனுபவம் என்ன? திறமைகள் என்னென்ன? அதை மற்றவர்கள் உணர்ந்துள்ளார்களா? இல்லை என்றால் நீங்களே எடுத்தச் சொல்லுங்கள். “சுய தம்பட்டம் அடிக்கக்கூடாது’ என்று நினைக்கிறவர்கள் இந்தக் காலத்தில் முன்னேறமுடியாது. “நான் சிறந்தவன்’ என்பது ஓகே, “நான் மட்டும்தான் சிறந்தவன்’ என்று சொன்னால்தான் தப்பு!
...................................
al

நல்ல தகவல்கள் நண்பா!

மகிழ்ச்சி

கலைவேந்தன் · கலைவேந்தன் Fri Apr 22, 2011 3:01 pm

ந்ல்ல தகவல்கள் ... மஞ்சு சொன்னது மிகவும் சுருக்கமான் ஆனால் நம்பகமான அறிவுரை..! சூப்பருங்க

முரளிராஜா · முரளிராஜா Fri Apr 22, 2011 3:05 pm

சாந்தன் · சாந்தன் Fri Apr 22, 2011 8:18 pm

நன்றி தாமு அண்ணா ...
அதே சமயம் மஞ்சுக்கா சொன்னதும் சரியே ....
நன்றி மஞ்சுக்கா ...
மகிழ்ச்சி

அசுரன் · அசுரன் Fri Apr 22, 2011 10:04 pm

மஞ்சு அக்காவுக்கு பாராட்டுக்கள். தகவல் தந்த தாமு அண்ணாவிற்கும் நன்றிகள்

தேனி சூர்யாபாஸ்கரன் · 09/06/2010

மஞ்சுபாஷிணி wrote:இத்தனையும் அவசியமற்றதே என்பது என் எண்ணம்.....

நேர்மையான மனமும் உண்மை குணமும் நேசத்தில் தூய்மையும் இருந்தாலே போதும்.....

எல்லோரும் விருப்பப்பட அவசியமில்லை நேசித்தவனுக்கு மட்டும் அழகாய் தெரிந்தால் போதும்.... அழியக்கூடிய புற அழகால் நிலைக்காத இந்த அழகால் கூட ஒன்னும் சாதிக்க முடியாது.... வைக்கும் அன்பில் உண்மையும் தூய்மையும் இருந்தால் போதும் சக்ஸஸ்....