ரூ.86,400 கோடி செலவில் 1.6 கி.மீ. உயர கட்டிடம்

தாமு · தாமு Wed 20 Apr 2011 - 8:09

ஜெட்டா : உலகின் மிக உயரமான கட்டிடத்தை சவுதி அரேபியாவின் ஜெட்டா நகரில் அந்நாட்டு மன்னர் குடும்பத்தின் கட்டுமான நிறுவனம் கட்ட முடிவு செய்துள்ளது. ரூ.86,400 கோடியில் உருவாக உள்ள கட்டிடத்தின் உயரம் 1.6 கி.மீ. துபாயில் உள்ள புர்ஜ் கலிபா கட்டிடம்தான் இப்போது உலகின் மிக உயரமானது. அதன் உயரம் 0.8 கி.மீ. அதை விட இருமடங்கு அதிகமாக 1.6 கி.மீ. உயரத்தில் ‘கிங்டம் டவர்’ என்ற கட்டிடத்தை ஜெட்டாவில் கட்ட கிங்டம் ஹோல்டிங் கம்பெனி (கே.எச்.சி.) முடிவு செய்துள்ளது.
சவுதி மன்னர் குடும்பத்துக்கு சொந்தமான இந்த கட்டுமான நிறுவனத்தில் உலகின் முன்னணி நிறுவனங்களான ஆப்பிள், மெக்டொனால்ட், அமேசான் ஆகியவை பங்கு வைத்துள்ளன. அதன் முக்கிய கட்டுமான நிபுணர்களாக ஆட்ரியன் ஸ்மித், கோர்டன் கில் உள்ளனர். இவர்கள்தான் துபாயில் இப்போதைய உலகின் மிக உயரமான புர்ஜ் கலிபா கட்டிடத்தை வடிவமைத்தவர்கள்.
புதிதாக கட்டப்பட உள்ள கிங்டம் டவர், இங்கிலாந்தின் உயர்ந்த கட்டிடமான தி ஷார்டை விட 5 மடங்கு உயரமாக இருக்கும். 1.2 கோடி கியூபிக் சதுர அடி பரப்பில் பிரமாண்டமாக எழப் போகும் கிங்டம் டவரில் ஐந்து நட்சத்திர ஓட்டல்கள், அலுவலகங்கள், சொகுசு குடியிருப்புகள், ஷாப்பிங் மால்கள் நிறைந்திருக்கும்.

pream