கர்ப்பிணிகளுக்கு மசாஜ்!

பழங்காலத்தில் உடல் முழுக்க `பிடித்து விடும்' பழக்கம் இருந்தது. பின்னர், `ஒத்தடம்' கொடுக்கும் முறையும் வழக்கத்தில் இருந்தது. இவை இரண்டையும் இணைத்து மசாஜ் என்ற புதுமுறை வழக்கத்திற்கு வந்தது. மசாஜ் செய்வதன் மூலம் நமது உடலில் உள்ள நரம்பு மண்டலம், திசுக்கள், ரத்த ஓட்டம் சீராக இயங்குகிறது. கர்ப்பிணிகளுக்கு மசாஜ் செய்வது சுகப்பிரசவத்திற்கு ஏற்றது என்கிறார்கள் மசாஜ் நிபுணர்கள். மசாஜில் பல்வேறு வகைகள் உள்ளன.

அவை,

* சுவதிஷ் மசாஜ்:

இந்த முறையில் மசாஜ் நிபுணர்கள், உடல் முழுவதும் ஒரே சீரான அழுத்தத்துடன் நீவி விடுவார்கள். இதனால், ரத்த ஓட்டம் அதிகரித்து உடலில் உள்ள அனைத்து நரம்புகளும் புத்துணர்ச்சியுடன் செயல்படும். மேலும், தசைகளும் உறுதியாகும்.

* ஆயுர்வேதிக் மசாஜ்:

உடல் முழுவதும் மூலிகை எண்ணையைத் தடவி, மென்மையாக அழுத்தி, ஒத்தடம் கொடுத்தும் இந்த மசாஜை செய்கிறார்கள். இதனால், உடலில் சக்தி மையங்கள் தூண்டிவிடப்பட்டு, உடலின் உள்ளுறுப்புகள் சீராக இயங்குகின்றன. மசாஜ் செய்த பிறகு, இளஞ்சூடான நீரால் உடலைக் கழுவி சுத்தம் செய்கின்றனர்.

* தாய் மசாஜ்:

யோகா முறையில் செய்வது தாய் மசாஜ். யோகா செய்யும்போது மனநிலை ஒருமுகப்படுகிறது. உடலை வருத்தியதால் ஏற்பட்ட வலியும், அசதியும் நீங்கி புத்துணர்ச்சி ஏற்படுகிறது.

* டீப் திசு மசாஜ்:

இந்த மசாஜை செய்யும்போது தசைகளை அழுத்தித் தேய்த்து விடுகிறார்கள். இதன்மூலம் உடலில், நீண்ட நாட்களாக கஷ்டப்படுத்திய கிருமித்தொற்று, அழிந்துவிடும். மேலும், நீண்ட நாட்களாக இருந்து வந்த கிருமித் தொற்று மற்றும் முதுகுவலியால் பாதிக்கப்பட்ட தசைகள் மீண்டும் புத்துணர்ச்சியுடன் செயல்படும்.

* ஹாட் ஸ்டோன் மசாஜ்:

இளஞ்சூட்டில் ஒருவகையான கல்லைக் கொண்டு உடல் முழுவதும் அழுத்தித் தேய்த்து விடுகிறார்கள். இதனால், நமது உடலில் உள்ள பாதிப்படைந்த திசுக்கள் சீராகின்றன.

பொதுவாக, மசாஜ் செய்யப்படும்போது, கிருமித்தாக்குதலில் இருந்து மென்மையான திசுக்கள் விடுதலை பெறுகின்றன. இதனால், வேறு எந்த விதமான இடையூறுக்கும் இடமில்லாமல், அவை சீராக இயங்குகின்றன. கிருமிகளிடம் இருந்து தொற்றுநோய்கள் எதுவும் ஏற்படாமல் இருக்க கிரீன் டீ அல்லது அதிகளவில் நீர் அருந்தலாம். இதனால் உடலின் உள்ளுறுப்புகள் தூண்டி விடப்பட்டு சீராக இயக்கப்படுகின்றன.

தினதந்தி

ஆஹா அற்புதம். இப்படியெல்லாம் மசாஜ் இருக்கா!