ஈகரை கவிதைப்போட்டி - 4 விவரங்கள்..!

கலைவேந்தன் · கலைவேந்தன் Sun Mar 27, 2011 11:26 pm

அன்பார்ந்த ஈகரைப் பேருள்ளங்களே..

இணையம் காணாத மாபெரும் கவிதைப் போட்டியாக இந்த ஈகரை கவிதைப் போட்டியை அறிவிப்பதில் மகிழ்கிறேன்.

பரிசுத்தொகை விவரம் :

முதல் பரிசு (ஒருவருக்கு) 1 x 5000 = 5000 ரூபாய்கள்
இரண்டாம் பரிசு (மூவருக்கு) 3 x 3000 = 9000 ரூபாய்கள்
மூன்றாம் பரிசு (மூவருக்கு) 3 x 2000 = 6000 ரூபாய்கள்
ஆறுதல் பரிசுகள் (பத்து பேருக்கு) 10 x1000 =10000 ரூபாய்கள்

மொத்தப்பரிசுகள் (பதினேழு பேருக்கு) 17 = 30000 ரூபாய்கள்

கவிதை எழுதப்படவேண்டிய பொருள்கள் :

1. காதல்
2. சமுதாயம்
3, அரசியல்

கவிதைகள் வந்து சேரவேண்டிய கடைசி நாள் : 31 மே 2011

போட்டிக்கான விதிமுறைகள்:

1.ஈகரை உறுப்பினர்களாகி குறைந்த பட்சம் 100 பதிவுகள் பதிவிட்டவர்கள் யாவரும் கலந்து கொள்ளலாம்.
2.ஈகரை தலைமை நடத்துனர்கள் இந்த போட்டியில் கலந்துகொள்ள இயலாது.
மற்ற நடத்துனர்கள் நிர்வாகக்குழு உறுப்பினர்கள் சிறப்புக்கவிஞர்கள் சிறப்புப்பதிவாளர்கள் மனம்கவர் கவிஞர்கள் அனைவரும் கலந்துகொள்ள்த் தடை இல்லை.
3.ஒருவர் ஒரு தலைப்பில் ஒரே ஒரு கவிதை மட்டுமே அனுப்ப இயலும். மொத்தம் மூன்று தலைப்புகளில் தலா ஒரு கவிதை என ஒருவர் மூன்று கவிதைகள் வரை அனுப்ப இயலும்.
4. நடுவர்கள் தீர்ப்பே இறுதியானது. இதுதொடர்பான எவ்வித கருத்துவேறுபாட்டுக்கும் நடுவர்கள் கருத்தே இறுதியானதாகக் கொள்ளப்படும்.
5. ஐயங்கள் எழும்போது தலைமை நடத்துனர்களும் நிர்வாகிசிவாவும் உதவுவார்கள். அவை தனிமடலில் தான் விவாதிக்கப்படவேண்டும்.
6. கவிதைகள் யாவும் குறைந்த பட்சம் 7 வரிகளும் அதிகபட்சம் 21 வரிகளும் இருத்தல் நலம்.
7. குறுங்கவிதைகள் ஹைக்கூ ஆகியன ஏற்றுக்கொள்ளப்படமாட்டாது.
8. புதுக்கவிதை மரபுக்கவிதை வெண்பா கலிப்பா என கவிதைகள் எவ்வகையிலும் இருக்கலாம். வசன நடை தவிர்த்தல் நலம்.

கவிதைகள் அனுப்பவேண்டிய மின்னஞ்சல் முகவரி விரைவில் அறிவிக்கப்படும்.

நடுவர்கள் குழு :

1. ஆதிரா
2. மஞ்சு பாஷிணி
3.கலை

விதிமுறைகளில் மாற்றம் செய்ய நிர்வாகத்துக்கு முழு உரிமை உண்டு.

ஈகரை கவிஞர்களுக்கு எனது முன்கூட்டிய வாழ்த்துகள்..!

ANTHAPPAARVAI · ANTHAPPAARVAI Sun Mar 27, 2011 11:41 pm

அப்படின்னா எனக்கு இங்கே இடம் உண்டு. நன்றி கலை!
கண்டிப்பா இதில் எனக்கு பரிசு கிடக்கும்...

அனைவரும் கலந்து கொண்டு எல்லாப் பரிசுகளையும் எனக்கே விட்டுத்தரவேண்டும் என்று அனைவரையும் வரவேற்கிறேன்.

இந்த பதிவைத் துவங்கியவர் நன்றி கூறியுள்ளார் ANTHAPPAARVAI

கலைவேந்தன் · கலைவேந்தன் Mon Mar 28, 2011 1:01 am

அப்படியே ஆகட்டும் கவிஞர் தருமி அவர்களே..! ஜாலி

ANTHAPPAARVAI · ANTHAPPAARVAI Mon Mar 28, 2011 1:08 am

கலை wrote:அப்படியே ஆகட்டும் கவிஞர் தருமி அவர்களே..!

ஐயோ!,,, முப்பதாயிரமாச்சே, முப்பதாயிரமாச்சே!...
(எவ்வளவு பிழை இருக்கிறதோ அதை எல்லோருக்கும் பிரித்துக் கொடுத்து விட்டு, பரிசை மட்டும் எனக்கே தரவும்!)

mohan-தாஸ் · mohan-தாஸ் Mon Mar 28, 2011 1:14 am

ஈகரை கவிதைப்போட்டி - 4 விவரங்கள்..! 224747944

ரபீக் · ரபீக் Mon Mar 28, 2011 11:43 am

போட்டியில் பங்கு பெற அனைவரும் முயற்சி செய்து சிறப்பான வெற்றியைப் பெற எனது வாழ்த்துக்கள்

கலைவேந்தன் · கலைவேந்தன் Mon Mar 28, 2011 11:51 am

ஆமாம் ரஃபீக்... அதனால் தான் திறமையுள்ள நமது நிர்வாக உறுப்பினர்கள் வழி நடத்துனர்களையும் கவி எழுத வரவேற்கும் வண்ணம் விதிகள் அமைக்கப்பட்டு இருக்கின்றன.

மாற்றங்கள் எதுவும் தோன்றினால் கூறுங்கள் ரஃபீக்..!

**Aathira** · **Aathira** Mon Mar 28, 2011 12:05 pm

போட்டியில் பங்கு பெற்று பரிசுத்தொகையை அள்ளப்போகும் அனைத்து உறவுகளுக்கு வெற்றிபெற வாழ்த்துக்கள்.

போட்டியையும் பரிசையும் அறிவித்த தமிழ் மன்னன் சிவகுமார் அவர்களையும், அழகாக போட்டியை வடிவமைத்த தலைமை மந்திரி கலைவேந்தன் அவர்களுக்கும் நாட்டு மக்கள் சார்பில் வாழ்த்துக்கள்...

வாழ்க!! வாழ்க!! மன்னர் மலை... சிவா...
வாழ்க!! வாழ்க!! மதிமந்திரி கலை..