ராக்கெட் வீச்சில் 44 பேர் பலி: அமெரிக்க தூதரை அழைத்து பாகிஸ்தான் கண்டனம்

**சிவா** · **சிவா** Sat Mar 19, 2011 9:21 am

இஸ்லாமாபாத், மார்ச்.19- ஆப்கானிஸ்தானில் முகாமிட்டுள்ள அமெரிக்க படைகள் நேற்று முன்தினம் நடத்திய ராக்கெட் தாக்குதலில் பாகிஸ்தான் பழங்குடியினர் பகுதியை சேர்ந்த 44 பேர் பலியாகினர். இதனால், பாகிஸ்தான் அதிர்ச்சி அடைந்தது. இந்த நிலையில், பாகிஸ்தானில் உள்ள அமெரிக்க தூதர் கேமரூன் மன்டரை நேரில் அழைத்து தன்னுடைய கடும் கண்டனத்தை பாகிஸ்தான் தெரிவித்தது.

இது தொடர்பாக, கேமரூனை பாகிஸ்தான் வெளியுறவு செயலாளர் சல்மான் பஷீர் அழைத்து கண்டனத்தை தெரிவித்தாக வெளியுறவு செய்தி தொடர்பாளர் தெமினா தெரிவித்தார். மேலும், இந்த மாதம் 26-ந் தேதி அன்று புருசெல்ஸ் நகரில் நடைபெற இருந்த `ஆப்கானிஸ்தான்-அமெரிக்கா-பாகிஸ்தான்' முத்தரப்பு பேச்சுவார்த்தையையும் புறக்கணிப்பதாக பாகிஸ்தான் அறிவித்துள்ளது.