காலிறுதிக்கு முன்னேறியது தென்ஆப்பிரிக்கா: அயர்லாந்து வெளியேற்றம்

கொல்கத்தா, மார்ச்.16- உலக கோப்பை கிரிக்கெட்டில் அயர்லாந்துக்கு எதிரான ஆட்டத்தில் தென்ஆப்பிரிக்க அணி எளிதில் வெற்றி பெற்று கால்இறுதிக்கு முன்னேறியது.

உலக கோப்பை கிரிக்கெட்

10-வது உலக கோப்பை கிரிக்கெட் போட்டி இந்தியா, இலங்கை, வங்காளதேசம் ஆகிய நாடுகளில் நடந்து வருகிறது. இதில் பங்கேற்றுள்ள 14 அணிகள் இரு பிரிவுகளாக பிரிக்கப்பட்டுள்ளன. `ஏ' பிரிவில் ஆஸ்திரேலியா, பாகிஸ்தான், நிïசிலாந்து, இலங்கை, ஜிம்பாப்வே, கனடா, கென்யா அணிகளும், `பி' பிரிவில் இந்தியா, தென் ஆப்பிரிக்கா, இங்கிலாந்து, வெஸ்ட் இண்டீஸ், வங்காளதேசம், அயர்லாந்து, நெதர்லாந்து ஆகிய அணிகளும் இடம் பெற்றுள்ளன.

ஒவ்வொரு அணியும், தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். லீக் சுற்று முடிவில் ஒவ்வொரு பிரிவிலும் முதல் 4 இடங்களை பிடிக்கும் அணிகள் கால் இறுதிக்கு தகுதி பெறும். `ஏ' பிரிவில் நிïசிலாந்து, இலங்கை, ஆஸ்திரேலியா, பாகிஸ்தான் ஆகிய 4 அணிகளும் கால்இறுதிக்கு முன்னேறி விட்டது. ஆனால் `பி' பிரிவில் தான் சிக்கல்கள் நீடிக்கிறது. லீக் சுற்று ஆட்டங்கள் தற்போது உச்ககட்டத்தை எட்டியுள்ளன.

மோசமான தொடக்கம்

போட்டியின் 25-வது நாளான நேற்று நடந்த 34-வது லீக் ஆட்டத்தில் தென்ஆப்பிரிக்கா-அயர்லாந்து அணிகள் (பி பிரிவு) கொல்கத்தா ஈடன்கார்டன் மைதானத்தில் மோதின. இந்த உலக கோப்பையில் ஈடன்கார்டனில் அரங்கேறிய முதல் ஆட்டம் இதுவாகும்.

தென்ஆப்பிரிக்க அணியில் காயம் காரணமாக டிவில்லியர்சுக்கு பதிலாக காலின் இங்ராம் சேர்க்கப்பட்டார்.

டாஸ் ஜெயித்த அயர்லாந்து முதலில் பந்து வீச தீர்மானித்தது. இதை தொடர்ந்து பேட்டிங்கை தொடங்கிய தென்ஆப்பிரிக்காவுக்கு தொடக்கம் மோசமாக அமைந்தது. ஆம்லா 18 ரன்களிலும் (17 பந்து), கேப்டன் சுமித் 7 ரன்களில் (18 பந்து) ஆட்டம் இழந்தனர். அடுத்து வந்த மோர்னே வான் விக் இரண்டு முறை கேட்ச் கண்டத்தில் இருந்து தப்பி, அதிரடி காட்டினார். ஆனாலும் அவரும் நீண்ட நேரம் நிற்கவில்லை. அவர் 42 ரன்களில் (41 பந்து, 7 பவுண்டரி, 1 சிக்சர்) போல்டு ஆனார். காலிஸ் (19 ரன்), பாப் டு பிளிஸ்சிஸ் (11 ரன்) ஆகியோரும் ஏமாற்றவே தென்ஆப்பிரிக்கா 117 ரன்னுக்குள் 5 விக்கெட்டுகளை (26.3 ஓவர்) இழந்து ஊசலாடியது. சுழற்பந்து வீச்சாளர்கள் ஜார்ஜ் டாக்ரெல், ஸ்டிர்லிங் ஆகியோர் சிக்கனமாக பந்து வீசி அவர்களின் ரன்வேகத்தை வெகுவாக கட்டுப்படுத்தினர்.

டுமினி அபாரம்

இந்த சூழலில் 6-வது விக்கெட்டுக்கு டுமினியும், காலின்ஸ் இங்ராமும் ஜோடி சேர்ந்தனர். அவர்கள் இருவரும் சிக்கலில் இருந்த அணியை மீட்டெடுத்ததுடன், ஸ்கோரையும் சீராக உயர்த்தினர். 6-வது விக்கெட்டுக்கு 87 ரன்கள் சேர்த்த நிலையில், இந்த கூட்டணி முறிந்தது. இங்ராம் தனது பங்குக்கு 46 ரன்கள்(43 பந்து, 7 பவுண்டரி) எடுத்தார்.

இதன் பின்னர் ஜோகன் போத்தாவின் துணையுடன் டுமினி போராடினார். அவரது உறுதியான ஆட்டத்தால் தென்ஆப்பிரிக்க அணி சவாலான ஸ்கோரை எட்டியது. இருப்பினும் ஒரு ரன்னில் தனது முதலாவது உலக கோப்பை சதத்தை நழுவ விட்டார். ஆட்டம் முடிய 2 பந்துகள் எஞ்சிய நிலையில் அவர் 99 ரன்களில்(103 பந்து, 6 பவுண்டரி, ஒரு சிக்சர்) கேட்ச் ஆகி விட்டார்.

முடிவில் தென்ஆப்பிரிக்க அணி 50 ஓவர்களில் 7 விக்கெட் இழப்புக்கு 272 ரன்கள் சேர்த்தது.

அயர்லாந்தின் சரிவு

பின்னர் 273 ரன்கள் இலக்கை நோக்கி ஆடிய அயர்லாந்து அணியின் தொடக்க ஆட்டக்காரர்கள் கேப்டன் போர்ட்டர்பீல்டு (6 ரன்), ஸ்டிர்லிங் (10 ரன்) ஆகியோரின் விக்கெட்டுகளை வேகப்பந்து வீச்சாளர் மோர்னே மோர்கல் வீழ்த்தி எதிரணியின் வீழ்ச்சியை தொடங்கி வைத்தார்.

இந்த ஆரம்ப கட்ட சரிவில் இருந்து மீள முயன்ற அயர்லாந்து பேட்ஸ்மேன்களின் போராட்டத்திற்கு ஒரு கட்டத்திலும் பலன் கிடைக்கவில்லை. தென்ஆப்பிரிக்க சுழற்பந்து வீச்சாளர்களும் கடுமையாக நெருக்கடி கொடுத்து அவர்களை நிமிர விடாமல் செய்து விட்டனர். அதிகபட்சமாக கேரி வில்சன் 31 ரன் (48 பந்து, 4 பவுண்டரி, ஒரு சிக்சர்) எடுத்தார். எதிர்பார்க்கப்பட்ட கெவின் ஓ பிரையன் 19 ரன்களில் பெவிலியன் திரும்பினார்.

கால்இறுதியில் தென்ஆப்பிரிக்கா

33.2 ஓவர்கள் தாக்குப்பிடித்த அயர்லாந்து அணி 141 ரன்களில் சுருண்டது. இதன் மூலம் 131 ரன்கள் வித்தியாசத்தில் தென்ஆப்பிரிக்க அணி அபார வெற்றி பெற்றது.

5-வது லீக்கில் ஆடிய தென்ஆப்பிரிக்காவுக்கு இது 4-வது வெற்றியாகும். இதன் மூலம் 8 புள்ளிகளை எட்டிய தென்ஆப்பிரிக்க அணி கால்இறுதிக்குள் நுழைந்தது. அதே சமயம் 4-வது தோல்வி கண்ட அயர்லாந்து அணி கால்இறுதி வாய்ப்பை இழந்து போட்டியை விட்டு வெளியேற்றப்பட்டது.

ஸ்கோர் போர்டு

தென்ஆப்பிரிக்கா

ஆம்லா(சி) டாக்ரெல் (பி) ராங்கின் 18
சுமித் (ரன்-அவுட்) 7
வான்விக் (பி) டாக்ரெல் 42
காலிஸ் (ரன்-அவுட்) 19
டுமினி (சி) கெவின் ஓ பிரையன் (பி) மூனி 99
பிளிஸ்சிஸ் (சி) ஜான்ஸ்டன் (பி) ஸ்டிர்லிங் 11
இங்ராம் (பி) ஜான்ஸ்டன் 46
போத்தா (நாட்-அவுட்) 21
ராபின் பீட்டாட்சன் (நாட்-அவுட்) 0

எக்ஸ்டிரா 9
மொத்தம் (50 ஓவர்களில் 7 விக்கெட்டுக்கு) 272
விக்கெட் வீழ்ச்சி: 1-24, 2-52, 3-84, 4-95, 5-117, 6-204, 7-269

பந்து வீச்சு விவரம்

ராங்கின் 10-0-59-1
ஜான்ஸ்டன் 10-0-76-1
ஜான் மூனி 8-0-36-1
டாக்ரெல் 10-0-37-1
ஸ்டிர்லிங் 10-0-45-1
அலெக்ஸ் குசாக் 2-0-14-0

அயர்லாந்து

போர்ட்டர்பீல்டு (சி) சுமித் (பி) மோர்கல் 6
ஸ்டிர்லிங் (சி) காலிஸ் (பி) மோர்கல் 10
எட்ஜாய்ஸ் எல்.பி.டபிள்ï (பி) போத்தா 12
நியல் ஓ பிரையன் (சி) வான்விக் (பி) காலிஸ் 10
வில்சன் எல்.பி.டபிள்ï (பி) பீட்டர்சன் 31
கெவின் ஓ பிரையன் (சி) ஆம்லா (பி) பீட்டர்சன் 19
குசாக் (சி) சுமித் (பி) ராபின் பீட்டர்சன் 7
மூனி (சி) வான்விக் (பி) காலிஸ் 14
ஜான்ஸ்டன்(சி) வான் விக் (பி) டுமினி 12
டாக்ரெல் (சி) வான் விக் (பி) மோர்கல் 16
ராங்கின் (நாட்-அவுட்) 0

எக்ஸ்டிரா 4
மொத்தம் (33.2 ஓவர்களில் ஆல்-அவுட்) 141
விக்கெட் வீழ்ச்சி: 1-8, 2-19, 3-35, 4-51, 5-92, 6-93, 7-107, 8-123, 9-137

பந்து வீச்சு விவரம்

ஸ்டெயின் 4-1-13-0
மோர்னே மோர்கல் 5.2-0-33-3
காலிஸ் 6-1-20-2
போத்தா 8-0-32-1
ராபின் பீட்டர்சன் 8-0-32-3
டுமினி 2-0-11-1

தினதந்தி

அயர்லாந்து வெளிய போயிருச்சா அதிகம் எதிர்பார்க்கப்பட்ட கெவின் ஓ பிரையன் இந்த மேச்சிலும் சோதப்பினார். பாவம் இங்கிலாந்து அதில் மட்டும் உலக சாதனை புரிந்து விட்டார்.