முருங்கைக் கீரை அடை

முருங்கைக் கீரை அடை







கீரைகளில் இரும்புச் சத்து நிறைந்தது முருங்கைக் கீரை. உணவில்
பயன்படுத்துவது மிகவும் நன்று. முருங்கைக் கீரை அடை செய்ய எளிமையான
வண்ணமயமான அடை.

தேவையான பொருட்கள்
முருங்கைக் கீரை - ஒன்றரை பங்கு (கட்டின் அளவு ஊருருக்கு வேறுபடும். ஆகவே தேவையான அளவு).
துவரம் பருப்பு - ஒரு பங்கு
கடலைப் பருப்பு - ஒரு பங்கு
உளுந்தம் பருப்பு - கால் பங்கு
பச்சரிசி - அரைக்கால் பங்கு
வெங்காயம் - பெரியது ஒன்று
பச்சை மிளகாய் - தேவைக்கேற்ப
ஜீரகம் - சிறிதளவு
உப்பு - தேவையான அளவு
எண்ணெய் - தேவையான அளவு

செய்முறை

1. பருப்புகளையும் அரிசியையும் ஒன்றாக ஊறப் போடவும். வெந்தயத்தையும் கூடச் சேர்க்கவும்.

2. முருங்கைக் கீரையை இலையிலையாக ஆய்ந்து அலசிக் கொள்ளவும்.

3. வெங்காயத்தைப் பொடியாக நறுக்கிக் கொள்ளவும்.

4.
ஊறிய பருப்பு, நறுக்கிய வெங்காயம், காம்பு நீக்கிய மிளகாய், ஆய்ந்து அலவிய
கீரை, ஜீரகம், உப்பு சேர்த்து மிக்சியில் அரைக்கவும். நல்ல
மைப்பதத்துக்கும் அரைக்கலாம். எதக்கலும் குதக்கலுமாகவும் அரைக்கலாம்.

5.
அரைத்த மாவு சற்றே பச்சை நிறத்தில் இருக்கும். அந்த மாவில் தோசை ஊற்றுவது
போல சுட்டு எடுக்கவும். சுடச்சுட முருங்கைக் கீரை அடை தயார்.

இதை
வெல்லம், வெங்காய்த் துவையல், தக்காளித் துவையலோடு சேர்த்துச் சாப்பிட சுவை
கூடும். முருங்கைக் கீரை கிடைக்காத வேளைகளில் பொன்னாங்கன்னிக் கீரையையும்
அரைக்கீரை, தண்டுக்கீரை போன்றவைகளையும் பயன்படுத்தலாம். பருப்பு நிறைய
இருப்பதால் புரதச் சத்து நிறைந்த உணவு இது. பச்சை அடை என்று சொல்லியும்
கீரை சாப்பிடாத குழந்தைகளுக்குக் கொடுக்கலாம்.

இது ரொம்ப நல்லா இருக்கும் நண்பா எங்க வீட்ல வாரம் ஒரு முறை செஞ்சிருவாங்க

Manik wrote:இது ரொம்ப நல்லா இருக்கும் நண்பா எங்க வீட்ல வாரம் ஒரு முறை செஞ்சிருவாங்க

நானும் மதுரைக்கு போனா, ஒரு புடி புடுசுறுவைன். கடக்காரன் நமல பார்த்தாலை சந்தோஷமா இருவான்

அப்படியா மதுரைல எந்த கடைல சாபிடுவீங்க நண்பா

அண்ணா நகர், விளக்கு தூண்..நீங்க?

உங்க சொந்த ஊரு மதுரையா நண்பா

இங்க முருங்கை கீரை கிடைக்கவே மாட்டேங்குது .. அப்படியே கிடைத்தாலும் இருபது ரூபாய் ஒரு கட்டு.... ம்ம்ம் என்ன செய்வது கிடைக்கும் போது சீந்தவில்லை ... இப்போது வேண்டும் என்றாலும் கிடைக்கமாட்டேன் என்கிறது ....

முருங்கை மரம் வளத்துற வேண்டியதானே அண்ணா

Manik wrote:உங்க சொந்த ஊரு மதுரையா நண்பா

சொந்த ஊருநு சொல்ல முடியாது. மதுரா இப்ப அழகிரிக்கு மட்டும் தான் சொந்த ஊரு . நான் பிறந்த, ரசித்த, விளையாண்ட, காதல் பண்ணின ஊரு மதுர

அடடா பிரகாசத்துக்கு பிரகாசமான காதல் வந்துருக்கா சூப்பர் அது என்னன்னு சொல்லுங்க நண்பா