அக்மல் மீது பாகிஸ்தான் ரசிகர்கள், ஊடகங்கள் கடும் கோபம்

md.thamim · md.thamim Sat Mar 12, 2011 12:27 am

பாகிஸ்தான் கிரிக்கெட் அணியின் விக்கெட் கீப்பர் கம்ரான் அக்மல் மீது
பாகிஸ்தான் ஊடகங்களும், ரசிகர்களும் கடும் கோபம் அடைந்துள்ளனர். அவருடைய
வீட்டின் மீது தாக்குதல் நடத்தக் கோரி நாடு முழுவதும் உள்ள ரசிகர்கள்
எஸ்.எம்.எஸ்.களை அனுப்பி வருகின்றனர். அக்மலின் முகவரியையும்
அனுப்பியுள்ளனர்.இலங்கையின் பல்லகெலேவில் செவ்வாய்க்கிழமை நடைபெற்ற
நியூசிலாந்துக்கு எதிரான ஆட்டத்தில் பாகிஸ்தான் 110 ரன்கள் வித்தியாசத்தில்
படுதோல்வியடைந்தது. நியூசிலாந்தின் ராஸ் டெய்லர் கொடுத்த இரண்டு
கேட்சுகளை கோட்டை விட்டார் பாகிஸ்தானின் கம்ரான் அக்மல். இந்த வாய்ப்பை
சரியாகப் பயன்படுத்திக் கொண்ட டெய்லர் அதிரடியாக விளையாடி ஆட்டமிழக்காமல்
131 ரன்கள் குவித்தார்.இதனால் ஆத்திரமடைந்த பாகிஸ்தான் ரசிகர்கள்
தங்களின் கோபத்தை சமூக வலைதளங்களான பேஸ்புக், டுவிட்டர் மற்றும்
எஸ்.எம்.எஸ். மூலமாக தெரிவித்து வருகின்றனர். பாகிஸ்தானில் உள்ள
தொலைக்காட்சிகளிலும், ரேடியோக்களிலும், அக்மலை அவமானப்படுத்தும் வகையில்
நகைச்சுவை நிகழ்ச்சிகள் நடத்தப்பட்டு வருகின்றன. கம்ரனை உதைக்க
வேண்டும் என்று சில ரசிர்கள் டுவிட்டர் பக்கத்தில் எழுதியுள்ளனர். துபையில்
வீரர்களுடன் இருந்தபோது, மிரட்டல் வந்ததாகக் கூறி தப்பியோடி,
இங்கிலாந்தில் தஞ்சம் புகுந்துள்ள முன்னாள் விக்கெட் கீப்பர் ஜல்ஹெர்னின்
ஹெய்தர் போன்று கம்ரான் இலங்கையில் தஞ்சம் புகுவாரா என்றும்
கேள்வியெழுப்பியுள்ளனர். ராஸ் டெய்லருக்கு உலகின் மிகச்சிறந்த
பிறந்தநாள் பரிசை வழங்கிவிட்டார் கம்ரான் என்று ஒரு ரசிகர்
தெரிவித்துள்ளார்.கனடா, இலங்கை அணிகளுக்கு எதிரான ஆட்டத்திலும்
அக்மல் நல்ல வாய்ப்புகளை எல்லாம் கோட்டைவிட்டது குறிப்பிடத்தக்கது.

நன்றி
தினமணி