இந்தியாவுக்கு சவாலான ஆட்டம்: தென் ஆப்பிரிக்காவுடன் இன்று மோதல்

md.thamim · md.thamim Sat 12 Mar 2011 - 2:49

உலகக் கோப்பை கிரிக்கெட்டில் நாகபுரியில் சனிக்கிழமை நடைபெறும் ஆட்டத்தில் தென்
ஆப்பிரிக்க அணியை இந்திய அணி எதிர்கொள்கிறது.இரு அணிகளுமே பலம்
வாய்ந்த அணிகள் என்பதால் இந்த ஆட்டத்தில் பரபரப்புக்கு பஞ்சம் இருக்காது.இந்தியா
தனது கடைசி இரு ஆட்டங்களில் நெதர்லாந்து, அயர்லாந்து ஆகிய அணிகளை போராடியே
வென்றது. எனவே இந்த ஆட்டம் இந்திய அணிக்கு சவாலாகவே இருக்கும். இந்திய அணி
பேட்டிங் வலுவாக உள்ள போதிலும், தென் ஆப்பிரிக்க அணி டெல் ஸ்டெயின்,
மோர்ன் மோர்கெல் ஆகிய மிகச் சிறந்த வேகப் பந்துவீச்சாளர்களைக் கொண்டுள்ளது.நட்சத்திர
வீரர் சச்சின், தென்ஆப்பிரிக்காவுக்கு எதிராக விளையாடிய கடைசி ஆட்டத்தில்
இரட்டைச் சதம் அடித்து உலக சாதனை படைத்தார். எனவே இந்த ஆட்டத்தில் அவர்
மீதான ரசிகர்களின் எதிர்பார்ப்பு அதிகரித்துள்ளது.வங்கதேசத்துக்கு
எதிராக சதம் அடித்தபின் அடுத்து வந்த ஆட்டங்களில் சேவாக் நிலைத்து நின்று
ஆடவில்லை. இந்த ஆட்டத்தில் அவரும் சிறப்பாக ஆடும் பட்சத்தில் இந்திய
அணியின் ரன் குவிப்பை எளிதில் கட்டுப்படுத்தி விட முடியாது. நடுவரிசையில்
யுவராஜ் சிங் சிறப்பாக ஆடி வருகிறார்.இந்திய அணியின் பந்து
வீச்சு சிறிது கவலை அளிப்பதாக இருக்கிறது. இந்திய மண்ணில் சுழற்பந்து
வீச்சாளர்கள் சாதிப்பார்கள் என்று பெரிதும் எதிர்பார்க்கப்பட்ட நிலையில்
முன்னணி சுழற்பந்து வீச்சாளர் ஹர்பஜன் சிங்கால் அதிக விக்கெட்டுகளை வீழ்த்த
முடியவில்லை. முனாஃப் படேல் தென்ஆப்பிரிக்காவுக்கு எதிராக இதற்கு முன்
சிறப்பாக ஆடியுள்ளதால், அவர் களம் இறக்கப்பட வாய்ப்பு உள்ளது.இந்த
உலகக் கோப்பையில் இந்திய அணி இதுவரை தோல்வியைச் சந்திக்கவில்லை. இதே
நிலையை தொடர வேண்டும் என்பதுதான் இந்திய ரசிகர்களின் எதிர்பார்ப்பு.தென்
ஆப்பிரிக்க அணி இதுவரை பங்கேற்ற 3 ஆட்டங்களில் இரண்டில் வெற்றி
பெற்றுள்ளது. இங்கிலாந்துக்கு எதிரான ஆட்டத்தில் துரதிருஷ்டவசமாகத்
தோல்வியடைந்தது. அந்த அணியில் காயம் காரணமாக சுழற்பந்து வீச்சாளர் இம்ரான்
தாஹிர் இடம் பெறவில்லை. அவருக்கு பதிலாக ஜோஹன் போத்தா களம் இறங்குவார்
என்று தெரிகிறது.ஸ்மித், ஆம்லா, டி வில்லியர்ஸ், காலிஸ், டுமினி என
அந்த அணியின் பேட்டிங் வரிசை வலுவாகவே உள்ளது. பந்து வீச்சில் டேல்
ஸ்டெயின், மோர்கெல், பார்னல் ஆகியோர் இந்திய அணிக்கு சவால் அளிப்பார்கள்.இந்திய
அணி: தோனி (கேப்டன்), வீரேந்திர சேவாக், டெண்டுல்கர், கம்பீர், விராட்
கோலி, யுவராஜ் சிங், ஜாகீர்கான், ஹர்பஜன் சிங், பியூஷ் சாவ்லா, நெஹ்ரா,
யூசுப் பதான், முனாஃப் படேல், ரவிச்சந்திரன் அஸ்வின், ரெய்னா, ஸ்ரீசாந்த்.தென்
ஆப்பிரிக்கா: கிரீம் ஸ்மித் (கேப்டன்), ஹஷிம் ஆம்லா, ஜோஹன் போத்தா,
ஏ.பி.டிவில்லியர்ஸ், ஜே.பி.டுமினி, டு பிளெஸ்ஸிஸ், காலின் இங்ரம், ஜாக்ஸ்
காலிஸ், மோர்ன் மோர்கல், வேய்ன் பார்னல், ராபின் பீட்டர்சன், டேல்
ஸ்டெயின், லான்வாபோ சோட்சோபே, மோர்ன் வான் விக்.

நன்றி
தினமணி

பிரகாசம் · பிரகாசம் Sat 12 Mar 2011 - 11:23

இந்தியா இன்று வெற்றி பேரும் என்பதில் சிறிதும் ஐயம் இல்லை புன்னகை

**சிவா** · **சிவா** Sat 12 Mar 2011 - 11:26

பிரகாசம் wrote:இந்தியா இன்று வெற்றி பேரும் என்பதில் சிறிதும் ஐயம் இல்லை

எனக்கு சிறிதும் நம்பிக்கையில்லை! சிறிய அணிகளுடனே திண்டாடுகிறது! இதில் பலம் வய்ந்த அணிகளுடன் வெற்றி பெறும் என்பதில் சந்தேகமே!

பிரகாசம் · பிரகாசம் Sat 12 Mar 2011 - 11:45

சிவா wrote:
பிரகாசம் wrote:இந்தியா இன்று வெற்றி பேரும் என்பதில் சிறிதும் ஐயம் இல்லை

எனக்கு சிறிதும் நம்பிக்கையில்லை! சிறிய அணிகளுடனே திண்டாடுகிறது! இதில் பலம் வய்ந்த அணிகளுடன் வெற்றி பெறும் என்பதில் சந்தேகமே!

நம்பிக்கை தான் வாழ்க்கை.... இந்தியாவுக்கு சவாலான ஆட்டம்: தென் ஆப்பிரிக்காவுடன் இன்று மோதல் 67637

ரபீக் · ரபீக் Sat 12 Mar 2011 - 13:15

ஜெய்கோ !!

**ஸ்ரீஜா** · **ஸ்ரீஜா** Sat 12 Mar 2011 - 13:43

நம்ம ஆளுங்க பேட்டிங் நல்ல இருந்தா பௌலிங் நல்லா இருக்க மாட்டேங்குது...... பௌலிங் நல்ல இருந்தா பேட்டிங் நல்லா இருக்க மாட்டேங்குது..... என்ன கொடுமை சார் இது...... இந்தியாவுக்கு சவாலான ஆட்டம்: தென் ஆப்பிரிக்காவுடன் இன்று மோதல் 67637

இந்தியாவுக்கு சவாலான ஆட்டம்: தென் ஆப்பிரிக்காவுடன் இன்று மோதல் 128872

ரபீக் · ரபீக் Sat 12 Mar 2011 - 13:49

ஸ்ரீஜா wrote:நம்ம ஆளுங்க பேட்டிங் நல்ல இருந்தா பௌலிங் நல்லா இருக்க மாட்டேங்குது...... பௌலிங் நல்ல இருந்தா பேட்டிங் நல்லா இருக்க மாட்டேங்குது..... என்ன கொடுமை சார் இது......

எல்லாம் சரி ஆகிடும் ஸ்ரீ !!!

**ஸ்ரீஜா** · **ஸ்ரீஜா** Sat 12 Mar 2011 - 14:04

அப்படி தான் ரபீக் அண்ணா நானும் நினச்சுட்டு இருக்கேன்.... ம்....பார்ப்போம் ......... இந்தியாவுக்கு சவாலான ஆட்டம்: தென் ஆப்பிரிக்காவுடன் இன்று மோதல் 961517