எம் வாழ்வு உயர்ந்திடவேண்டும் (ஈழம்)

**kirikasan** · **kirikasan** Wed Mar 09, 2011 3:45 pm

வாழ்வு உயர்ந்திடவேண்டும் எங்கள்
வாழ்வு உயர்ந்திடவேண்டும்

ஈழமண்ணில் புகுந் தாடும் கயவர்கள்
சூழநின்றேகொள்ளும் ஈழநிலம் மீட்டு
வாழும்நிலை வரவேண்டும் நாமே
ஆழும்நிலை வரவேண்டும் -எந்த

நாளும் அழுதிடும் ஈழத் தமிழ்மகள்
பாழும்விதி செய்யும் கோரம் விடு்த்தே நம்
வாழ்வு உயர்ந்திடவேணும் -நிலை
தாழ்வு மறைந்திடவேணும் -பிடி

வீழும் எமதினி நாடும் சுதந்திரம்
ஆழும்நிலைகொள்ள மீண்டுமதை வெல்ல
காலும்நடந்திடவேணும்- எங்கள்
காலும் நடந்திடவேணும் -கடும்

தேளும்விசம் கொண்ட நாகம்நிறைந்திட்ட
பாதை வழிதனும் நாம் நடப்போம் -எங்கள்
தோளும் உயர்ந்திடவேண்டும் நாமும்
துள்ளிப் புறப்படவேண்டும் - அவர்

ஆழும்சரித்திரம் ஆகப்பழமைகொள்
நூலும் அரும்வர லாறும் திரித்துமே
நாளை முழுவதும் மாற்றி -புது
தாகப் புனைந்திடு முன்னே -நீயும்

காளைஎன உனதீரம் வெளிப்படும்
வேளை இதுநெஞ்சில் வெற்றிதனைநினை
பாழும் துரோகிகள் கையில் நீயும்
பாவை என கிடக்காதே -அவர்

நாலும் நடந்திடும் வாழ்வில் நலம் செய்தல்
போலு மணிகியே புன்மை யிழைத்திட
கோழை எனக் கிடக்காதே -நீயோ
கொண்ட மான மிழக்காதே -இனிப்

போனது போகட்டும் வீழினும் வாழ்வினில்
வானம் வரைமீண்டும் ஏறிடுவோமென
ஆழ மனத்திடை எண்ணு -வீரம்
மீள உளத்திடை கொள்ளு -படு

தோல்வியென நீயும் வீழ்ந்துகிடக்காதே
துள்ளியெழு உந்தன் சொந்தமண்ணே -இந்த
ஈழ மெங்கள் தாயின்தேசம் இது
எங்கள் பழங் குடி வாசம் -ஒரு

கொள்கை யிருக்குது கொடிபிடித்திடு
மெல்ல பிறந்தொரு நாளில் மலர்ந்திடும்
அன்னையவள் தமிழீழம் அவள்
உன்னால் பிழைத்திட வேண்டும்

09/03/2011

நண்பா சூப்பர்

ரபீக் · ரபீக் Wed Mar 09, 2011 3:54 pm

நிச்சயம் உங்களது விருப்பங்கள் நிறைவேற வாழ்த்துக்கள் கவியே

Guest · Guest Wed Mar 09, 2011 5:23 pm

"ஈழமண்ணில் புகுந் தாடும் கயவர்கள்
சூழநின்றேகொள்ளும் ஈழநிலம் மீட்டு
வாழும்நிலை வரவேண்டும் நாமே
"ஆழும்நிலை வரவேண்டும் -"

அதற்கு புலம் பெயர் தமிழர்களும் ,தமிழக இளயோர்களும் கண்டிப்பாக உதவ வேண்டும் ....

எம் விடுதலை போராட்டதில் இருந்து ,தமிழ் இளம் பரம்பரை ,விலகி கொள்ள முடியாது .... அண்ணை

பிரகாசம் · பிரகாசம் Wed Mar 09, 2011 8:01 pm

ரபீக் wrote:நிச்சயம் உங்களது விருப்பங்கள் நிறைவேற வாழ்த்துக்கள் கவியே

எம் வாழ்வு உயர்ந்திடவேண்டும் (ஈழம்) 359383

எம் வாழ்வு உயர்ந்திடவேண்டும் (ஈழம்) 325286

மஞ்சுபாஷிணி · மஞ்சுபாஷிணி Wed Mar 09, 2011 10:38 pm

ஈழம் சிந்திய உதிரமும்
உயிர் பலிகளும்
கண்ணீர் ஆறும்
பெறப்போகும் சுதந்திர மூச்சுக்காக
இன்னும் காத்திருக்கிறது நம்பிக்கையுடன்......

அன்பு நன்றிகள் ஐயா அருமையான கவிதைக்கு.

Sponsored content · Sponsored content

எம் வாழ்வு உயர்ந்திடவேண்டும் (ஈழம்)

எம் வாழ்வு உயர்ந்திடவேண்டும் (ஈழம்)

Re: எம் வாழ்வு உயர்ந்திடவேண்டும் (ஈழம்)

Re: எம் வாழ்வு உயர்ந்திடவேண்டும் (ஈழம்)

Re: எம் வாழ்வு உயர்ந்திடவேண்டும் (ஈழம்)

Re: எம் வாழ்வு உயர்ந்திடவேண்டும் (ஈழம்)

Re: எம் வாழ்வு உயர்ந்திடவேண்டும் (ஈழம்)

Re: எம் வாழ்வு உயர்ந்திடவேண்டும் (ஈழம்)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக