உங்கள் ஓட்டு யாருக்கு?

**ஸ்ரீஜா** · **ஸ்ரீஜா** Tue 1 Feb 2011 - 16:25

வருகிற மே மாதத்தில் தமிழக சட்டமன்ற தேர்தல் வருகிறது இதற்காக அனைத்து கட்சிகளும் தயாராகிக்கொண்டு இருக்கிறார்கள் இன்னும் எந்த கட்சியிலும் கூட்டணி இறுதியாகவில்லை காலம் மாறுவது போல் கூட்டணியும் மாற நிறைய வாய்ப்பு இருக்கிறது. யார் கூட்டணி சேர்ந்தாலும் அவர்களை வெற்றி பெற செய்வது பொதுமக்களாகிய நம் கையில் தான் உள்ளது.

அனைவரும் ஓட்டு போட வேண்டும்

முதலில் நாம் செய்வது நமது ஜனநாயக கடைமையை ஆற்ற வேண்டும் வாக்குச்சவாடிக்கு சென்று அனைவரும் கட்டாயம் வாக்களிக்க வேண்டும். இராமன் ஆண்டாலும், இராவணன் ஆண்டாலும் எனக்கு எந்த கவலை இல்லை என்று நினைக்காமல் ஓட்டளிக்க வேண்டும். நம் நாட்டில் எவ்வளவு பெரிய தலைவனாக இருந்தாலும் அவன் பயப்படுது நம்முடைய ஓட்டுக்காகத்தான். நம் அரசியமைப்புபடி நமக்கு நிறைய உரிமைகள் கொடுத்து இருந்தாலும் நாம் சுயமாக சிந்தித்து யாரையும் சாரமல், எதற்கும் பயப்படாமல் செய்யும் ஓர் உரிமை ஓட்டுப்போடுவது தான். நிறைய ஓட்டுக்கள் விழ விழத்தான் அரசியல்வாதிகளுக்கு பயம் வரும். இதுவரை நடந்த தேர்தலில் 60 சதவீதம் தான் அதிகபட்ச ஓட்டுக்கள் விழுந்து இருக்கின்றன என்று 90 சதவீதத்தை எட்டுகிறதோ அன்று தான் உண்மையான ஜனநாயக ஆட்சி நம் நாட்டில் நடக்கும்.

யாருக்கு உங்கள் ஓட்டு

நமது ஓட்டை நாம் தான் முடிவு செய்கிறோம் என்னதான் பணம், பிரியாணி கொடுத்தாலும் ஓட்டுச்சவாடிக்கு சென்று இறுதியாக வாக்களிப்பது நாம் தான். நாம் யாருக்கு வாக்களிக்கிறோம் என்று யாருக்கும் தெரியாது. ஓட்டுப்போடும் முன் மனதை கேட்க வேண்டிய சில கேள்விகள்.

1. இத்தேர்தலில் நிற்கும் முதல்வர் வேட்பாளர்களிடம் என்ன குறை? நிறை? இவர்கள் இருவரும் இதற்கு முன் எதவாது நல்லது செய்திருக்கிறார்களா?

2. இந்த 5 ஆண்டுகளில் என்ன திட்டங்கள் நிறைவேற்றப்பட்டுள்ளன?

3. விலைவாசி உயர்வு எப்படி இருந்தது அதை கட்டுப்படுத்த என்ன நடவடிக்கை எடுத்தார்கள்

4. இயற்கை சீற்றத்தின் போது பாதிக்கப்பட்ட பொதுமக்களுக்கு நிவாரண உதவி எப்படி கிடைத்தது முழுவதும் கிடைத்ததா

5. கல்விக்காக என்ன செய்தார்கள்? அவர்கள் சொன்னதை நிறைவேற்றினார்களா?

6. வேலை வாய்ப்புக்கு என்ன நடவடிக்கை எடுத்தார்கள் புதிய வேலைகளை அறிமுகப்படுத்தினார்களா

7. மின்சார தடைக்கு என்ன நடவடிக்கை எடுத்தார்கள் அடுத்த வரும் ஆண்டுகளுக்கு தடை இல்லா மின்சாரம் கொடுக்க முடியுமா

8. இரயில் போக்குவரத்து தூரத்தை அதிகப்படுத்த என்ன நடவடிக்கை எடுத்தார்கள்? புதிதாக இரயில் நிலையம் அமைக்கப்பட்டதா?

9. ஏற்றுமதிக்கு என்ன உதவி இதுவரை செய்துள்ளார்கள்?

10. பேருந்து, மின்சாரம், இரயில் கட்டணம் உயர்த்தப்பட்டதா? பேருந்து வசதி சரியாக உள்ளதா?

11. அரசாங்க ஊழியர்களுக்கு என்ன செய்தார்கள் அந்த அளவிற்கு தனியார் நிறுவன ஊழியர்களுக்கு சலுகை வழங்கப்பட்டுள்ளதா?

12. மருத்துவத்துறையில் என்ன மாற்றம்? மாற்றம் செய்யப்பட்ட மருத்துவம் ஏழை, எளிய மக்களுக்கு உதவுகிறதா?

13. எதுஎதுக்கொல்லாம் இலவசம் கொடுத்தார்கள்? இலவச பொருட்கள் அனைத்தும் தரமானதா? அந்த இலவசம் தேவையா?

14. சாலை போக்குவரத்து எந்த அளவிற்கு விரிவு படுத்தப்பட்டுள்ளது?

15. கலாச்சாரம், மொழிக்கு எந்த அளிவிற்கு முன்னுரிமை அளித்தார்கள்?

16, அதிக ஊழல் செய்தவர்கள் யார்? பொதுமக்களுக்கு திட்டம் என்னும் பெயரில் ஊழல் செய்தார்களா? ஊழல் எந்த நிலையில் உள்ளது?

இதற்கு மேலும் நிறைய கேள்விகள் உள்ளன இந்த கேள்விகளை எல்லாம் உங்கள் மனதில் கேட்டு முதல்வர் வேட்பாளர்கள் தங்களது தேர்தல் அறிக்கையில் என்ன கூறிஉள்ளனர் இதற்கு முன் தேர்தல் அறிக்கையை சரியாக நிறைவேற்றியது யார் என்று சிந்தித்து உங்களது வாக்கை சரியான முறையில் வாக்களித்து ஜனநாயத்தை நிலை நிறுத்துங்கள்..

சங்கவி....................

முரளிராஜா · முரளிராஜா Tue 1 Feb 2011 - 16:28

இதையெல்லாம் சிந்திச்சா யாருக்கும் ஓட்டு போடமுடியாது.

**சிவா** · **சிவா** Tue 1 Feb 2011 - 16:30

இப்படியெல்லாமா சிந்தித்து ஓட்டுப் போடுகிறார்கள்...

* அந்தத் தொகுதி வேட்பாளர் நம் இனத்தவரா?

* யார் அதிகம் பணம் கொடுத்தது!

* கணவர் எந்த கட்சிக்கு ஓட்டுப் போடச் சொல்கிறார்?

* இன்னும் இரட்டை இலை, மற்றும் உதயசூரியன் என்னும் இரண்டு கட்சிகள் மட்டுமே தெரிந்த மக்கள்

இவர்களையெல்லாம் வைத்துக் கொண்டு எப்படி நல்லாட்சியை ஏற்படுத்த முடியும்!

அன்பு தளபதி · அன்பு தளபதி Tue 1 Feb 2011 - 16:33

எனக்கு ஓட்டு போடுற அளவு வயசாகலை

முரளிராஜா · முரளிராஜா Tue 1 Feb 2011 - 16:35

maniajith007 wrote:எனக்கு ஓட்டு போடுற அளவு வயசாகலை

70 வயசானவங்க எல்லாம் ஓட்டு போடகூடாதுனு சொல்லிட்டாங்களா?

அன்பு தளபதி · அன்பு தளபதி Tue 1 Feb 2011 - 16:36

முரளிராஜா wrote:
maniajith007 wrote:எனக்கு ஓட்டு போடுற அளவு வயசாகலை
70 வயசானவங்க எல்லாம் ஓட்டு போடகூடாதுனு சொல்லிட்டாங்களா?

எங்க போனாலும் அடிக்கிறாங்களே ஆண்டவா

தமிழ்ப்ரியன் விஜி · 26/06/2009

நன்றி ..

வெங்கட் · வெங்கட் Tue 1 Feb 2011 - 16:41

இதையெல்லாம் சிந்தித்துதான் கடந்த முறை ஓட்டு போட சென்றேன். ஆனால் அதற்கு முன் என் ஓட்டை என்னை விட அதிகமாக சிந்தித்தவர் யாரோ போட்டுவிட்டு சென்றுவிட்டார். உங்கள் ஓட்டு யாருக்கு? 440806

முரளிராஜா · முரளிராஜா Tue 1 Feb 2011 - 16:46

வெங்கட் wrote:இதையெல்லாம் சிந்தித்துதான் கடந்த முறை ஓட்டு போட சென்றேன். ஆனால் அதற்கு முன் என் ஓட்டை என்னை விட அதிகமாக சிந்தித்தவர் யாரோ போட்டுவிட்டு சென்றுவிட்டார்.

இதையெல்லாம் சிந்தித்து ஓட்டு போட போனிங்களா? அப்பனா நீங்க சரியா சிந்திக்கலன்னு நினைக்கிறேன்.

பூஜிதா · பூஜிதா Tue 1 Feb 2011 - 16:50

maniajith007 wrote:எனக்கு ஓட்டு போடுற அளவு வயசாகலை

இதே போல் சொல்லி தான் சென்ற முறை நடிகர் கமலஹாசன் தனது ஓட்டை இழந்தார்

Sponsored content · Sponsored content

உங்கள் ஓட்டு யாருக்கு?

உங்கள் ஓட்டு யாருக்கு?

Re: உங்கள் ஓட்டு யாருக்கு?

Re: உங்கள் ஓட்டு யாருக்கு?

Re: உங்கள் ஓட்டு யாருக்கு?

Re: உங்கள் ஓட்டு யாருக்கு?

Re: உங்கள் ஓட்டு யாருக்கு?

Re: உங்கள் ஓட்டு யாருக்கு?

Re: உங்கள் ஓட்டு யாருக்கு?

Re: உங்கள் ஓட்டு யாருக்கு?

Re: உங்கள் ஓட்டு யாருக்கு?

Re: உங்கள் ஓட்டு யாருக்கு?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக