விரைவில் கிடைக்கப் போகிறதாம்!

அன்பர்கள் அனைவருக்கும் முருகேசனின் காலை வணக்கம்,
100 கோடி மக்கள் தொகையை கொண்ட நமது 'ஏழ்மை' நாட்டிலிருந்து எழுபது லட்சம்
கோடி பணம் வெளிநாடுகளில் பதுக்கப்பட்டுள்ளது. இந்த பணத்தை கைப்பற்றி
இந்தியர் ஒவ்வொருவருக்கும் பிரித்து கொடுத்தால் ஒரு இந்தியருக்கு எவ்வளவு
பணம் கிடைக்கும் என்பதை அன்பர்கள் கணக்கிட்டு சொல்லுங்களேன்.... விரைவில்
கிடைக்கப் போகிறதாம்! விழிப்புடன் இருக்கவும்...!
சுவிட்சர்லாந்து உட்பட பல வெளிநாட்டு வங்கிகளில், இந்தியர்கள்
ஏராளமான அளவில் கறுப்புப் பணத்தை முதலீடு செய்துள்ளனர்.அந்தப் பணத்தை
மீட்டுக் கொண்டுவர சுப்ரீம் கோர்ட்டில், முன்னாள் சட்ட அமைச்சர் ராம்
ஜெத்மலானி உட்பட பலர் மனு செய்தனர். இந்நிலையில்மனுதாரர் ராம் ஜெத்மலானி
சார்பில் ஆஜரான, மூத்த வக்கீல் அனில்
திவான்,"" இந்த விவகாரத்தில் அரசு தீவிரம் காட்டவில்லை. புனேயை சேர்ந்த
ஆயுத வியாபாரியான ஹசன் அலி மீது வெளிநாட்டில் செய்யப்பட்ட முதலீடு
குறித்து
விசாரணை நடக்கிறது. அவர் நாட்டைவிட்டு வெளியேறியுள்ளார். கறுப்புப் பண
விவரங்களை கோர, ஐ.நா.,வின் உதவியை நாடும்படி அரசுக்கு உத்தரவிடவேண்டும்,''
என்றார். நீதிபதிகள், கறுப்புப் பண விஷயத்தில் அரசின் நடவடிக்கைகள்
குறித்து, வெளிநாடுகளில் கறுப்புப் பணத்தை முதலீடு செய்துள்ளவர்களுக்கு
எதிராக அரசு என்ன நடவடிக்கை எடுத்துள்ளது என்பதை அறிய விரும்புகிறோம். இந்த
பணம் எப்படி வந்தது, எங்கிருந்து வந்தது என்பதை கண்டுபிடிக்க வேண்டும்.
நாங்கள் கேட்கும்போது எல்லாம், வரி ஏய்ப்பு என்ற கண்ணோட்டத்தில் மட்டுமே
விசாரிப்பதாக அரசு கூறுகிறது. இதில், மற்ற விஷயங்களும் உள்ளதை ஏன் அரசு
கவனிக்க தவறுகிறது. அளவுக்கு அதிகமான பணம் வெளிநாட்டு வங்கிகளில் முதலீடு
செய்யப்பட்டுள்ளது. இவை, ஆயுதக்கடத்தல், போதை மருந்து கடத்தல்,
கள்ளக்கடத்தல் மூலமாக வந்திருக்கலாம். இது மிகவும் ஆபத்தான விஷயம். இந்த
வகையில் கறுப்புப் பணத்தை வெளிநாட்டில் பதுங்கியுள்ள தனிநபர்கள் மற்றும்
நிறுவனங்கள் மீது என்ன நடவடிக்கை எடுக்கப்பட்டுள்ளது என்பதை அறிய
விரும்புகிறோம். வரி ஏய்ப்பு என்ற அம்சத்தை மட்டும் விசாரிக்க கட்டுப்பாடு
விதிக்காமல், கறுப்புப் பணத்திற்கான ஆணிவேரை கண்டறிய வேண்டும். கறுப்புப்
பணத்தை முடக்கியுள்ளவர்களுக்கு எதிராக எடுக்கப்படும்
நடவடிக்கைகள் பற்றிய விவரத்தை வெளியிடுவதில் சட்ட சிக்கல் உள்ளது பற்றி
கவலையில்லை. அதுபற்றிய விவரங்களை பகிரங்கமாக வெளியிட முடியாவிட்டாலும்,
நீதிமன்றத்தில் எங்களுடன் பகிர்ந்து கொள்ளலாம். இது தொடர்பாக, அரசு, மத்திய
ரிசர்வ் வங்கி, மத்திய ஊழல் கண்காணிப்பு ஆணையர் ஆகியோர் பதிலளிக்க
வேணடும். மேலும், ஆயுத வியாபாரியான ஹசன் அலி தற்போது எங்கே இருக்கிறார்.
வெளிநாடுக்கு சென்று விட்டாரா, அவரை கண்டுபிடிக்க அரசு என்ன நடவடிக்கை
எடுத்துள்ளது. இந்த விவரங்களையும் தெரிவிக்க வேண்டும். இவ்வாறு நீதிபதிகள்
உத்தரவில் கூறினர்.

ஏற்கனவே ரூபாய் 34 ஆயிரம் கோடி கைப்பற்ற பட்டுள்ளது என்றார்கள்... அந்த பணம் எங்கே

அட போங்கப்பா... எல்லாரும் கூட்டுக்களவாணிங்க.. காட்டிக்கொடுக்கமாட்டானுஙக்... கோவிந்தா கோவிந்தா தான்..!