பிரபலங்கள் வாழ்வில் நகைச்சுவை நிகழ்வுகள்..!

ARR · ARR Mon Jan 24, 2011 1:10 pm

First topic message reminder :

வணக்கம் நண்பர்களே..!

இது பிரபலமானவர்கள் வாழ்வில் நடந்த நகைச்சுவை சம்பவங்களின் தொகுப்பு.. இது போன்று முன்பே எதாவது திரி இருந்ததா என்பது தெரியவில்லை.. அவ்வாறு இருந்தால், நடத்துனர்கள் இந்த பதிவுகளையும் அத்துடன் இணைத்துக் கொள்ளலாம்..

உலகம் சுற்றும் வாலிபன் திரைப்படம் எடுக்கும்போது எம்.ஜி.ஆருக்கும் கவிஞர்
வாலிக்கும் சின்ன உரசல். எம்.ஜி.ஆர். கோபமுற்று "இந்தப் படத்தில் நீ
பாட்டு எழுத வேண்டாம்.. உன் பெயர் இல்லாமலே இப்படத்தை வெளியிடுகிறேன் பார்" என்றார்.

உடன் வாலி, " என் பெயர் இல்லாமல் இப்படத்தை உங்களால் வெளியிட முடியாது..
ஏனென்றால் படத்தின் பெயர் உலகம் சுற்றும் வாலிபன் அல்லவா ?" என்றார்.
எம்.ஜி.ஆரும் கோபம் நீங்கி சிரித்தவராய் சமாதானம் அடைந்தார்..!

ARR · ARR Sat Oct 29, 2011 8:02 pm

இந்தியா சுதந்திரம் அடைவதற்கு முன்.. அலகாபாத் நீதிமன்றத்தில் ஒரு வழக்கு நடைபெற்றுக் கொண்டிருந்தது.. வழக்குரைஞர் வசீர் ஹசன் என்பார் வாதாடுகையில் ஒரு சிறு கணக்குப் பிழை செய்து விட்டார்..நீதியரசரும் வெள்ளையருமான பென்னட் உடனே எள்ளி நகையாடியபடி, இந்தியர்களுக்கு சிறு கூட்டல் கணக்கு செய்து கொடுக்க நான் லண்டனிலிருந்து வரவேண்டி இருக்கிறது என்றார்.

உடனே வசீர் ஹசன், "வெள்ளை நீதிபதிக்கே நாங்கள் காலையில் இருந்து சட்ட நுணுக்கங்களை விவரித்துக் கொண்டிருக்கிறோம்.. இந்த சிறு கணக்கை எங்களுக்காக நீங்கள் செய்யலாம்..தவறில்லை" என்றார் சூடாக..

ஏற்கனவே சிவந்து போயிருந்த நீதிபதியின் முகம் அவமானத்தால் இன்னும் சிவந்து போனது.

ARR · ARR Sat Oct 29, 2011 8:04 pm

ஒருமுறை தமிழக சட்டமன்றத்தில் பால்வளத்துறை மான்ய கோரிக்கை விவாதம் நடைபெற்றது. வெகுநேரமாகிவிடவே, அவைத்தலைவர் க. ராசாராம் அவர்கள், உறுப்பினர் திரு.குமரி அனந்தன் அவர்களை விரைவில் பேச்சை முடித்துக் கொள்ள வேண்டினார். இலக்கியச் செல்வரோ தனக்கே உரிய கவிதை நடையில், "மாலை மயங்குகிற நேரம்.. கண்ணன் குழல் ஊதிக் கொண்டிருக்கிறான்.. மாடுகள் வீடு திரும்புகின்றன.. " என வர்ணிக்க...

அவைத்தலைவர் குறுக்கிட்டு," நேரம் ஆகிவிட்டபடியால் மாடுகளை சீக்கிரம் ஓட்டிச் செல்லும்படி உறுப்பினரை வேண்டுகிறேன்.." என்று அறிவிக்கவே, அவை குலுங்கியது.

ARR · ARR Sat Oct 29, 2011 8:06 pm

இந்திரா பிரதமராக இருந்த போது அவருக்காக ஒரு குறும்படம் தனியாகத் திரை யிடப்பட்டது. படச் சுருளைப் பொருத்தி இயந்திரம் இயக்கப் பட்டபோதிலும் படம் நெடுநேரம் ஓடத் தொடங்கவில்லை. பிரதமர் முகம் சிவந்து, இயக்கிக்கொண்டிருந்த பணியாளரைப் பார்வையால் சுட்டெரிக்க, "மேடம், மன்னிக்கணும். இது அமெரிக்காவிலிருந்து வந்த படம். புரொஜக்டரோ, ரஷ்யாவில் செஞ்சது. இரண்டும் ஒத்துழைக்க மறுக்கிறது. நான் என்ன செய்ய?' என்று அப்பிராணி முகத்துடன் சொன்னவரின் நகைச்சுவை, பூவாளியாகக் கோபக் கனலை அணைத்தது; பிரதமரின் முகத்தில் பளிச்சென்று ஒரு புன்னகையைப் பூக்க வைத்தது.

ARR · ARR Sat Oct 29, 2011 8:07 pm

ஒருமுறை பெர்னாட்ஷா ஒற்றையடிப் பாதையில் நடந்துபோய்க் கொண்டிருந்தார். எதிரே அவரைப் பிடிக்காத ஒருவர் வந்தார். பெர்னாட்ஷாவின் அருகில் அவர் வந்ததும், "நான் முட்டாள்களுக்கு வழி விடுவதில்லை'' என்றார்.

"நான் வழி விடுவேன்'' என்று இறங்கி நடந்தார் பெர்னாட்ஷா.

பாலாஜி · பாலாஜி Sat Oct 29, 2011 9:51 pm

அனைத்தும் அருமை , படித்தேன் , ரசித்தேன் ,வியந்தேன் ... சூப்பருங்க

பது · பது Sat Oct 29, 2011 10:36 pm

நல்லா இருக்கு

ARR · ARR Sun Oct 30, 2011 2:25 pm

நன்றி பாலா மற்றும் பட்

Sponsored content · Sponsored content

பிரபலங்கள் வாழ்வில் நகைச்சுவை நிகழ்வுகள்..!

பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக