புத்திசாலித்தனம்

**சிவா** · **சிவா** Thu Jan 06, 2011 8:21 am

மாசிடோனியா நாட்டின் அரசன் பிலிப். அவனிடம் அரேபியக் குதிரை வியாபாரி ஒருவன் முரட்டுக்குதிரை ஒன்றை விற்பதற்காகக் கொண்டு வந்தான். பிலிப்பின் தளபதிகள் பலரும் அந்தக்குதிரை மீது ஏறி சவாரி செய்ய முயன்று தோற்றுப் போனார்கள்.

பிலிப்பின் அருகே 13 வயதே நிரம்பிய இளவரசன் அலெக்சாண்டர் நின்று கொண்டிருந்தான். "குதிரையை அடக்க எனக்கொரு வாய்ப்பு கொடுங்கள்'' என்று தந்தையிடம் கேட்டான் அலெக்சாண்டர். ஆனால், சிறுவனை விஷப்பரீட்சையில் இறக்க பிலிப் சம்மதிக்கவில்லை. அலெக்சாண்டர் பிடிவாதம் பிடிக்கவே, வேறு வழியில்லாமல் ஒப்புக் கொண்டார் பிலிப்.

உடனே அலெக்சாண்டர் குதிரையின் கடிவாளத்தைப் பற்றி ஒரு திருப்பு திருப்பி, அதன்மீது ஏறி அமர்ந்து அரண்மனையை வலம் வந்தான். இதைப் பார்த்த அனைவரும் வியப்பில் ஆழ்ந்தனர்.

குதிரையை விட்டுக் கீழே இறங்கி வந்த அலெக்சாண்டர், தன்னுடைய சாதனையின் ரகசியத்தை விளக்கினான். "முதலில் குதிரை நின்றிருந்த திசையில், அதனுடைய நிழல் கீழே தெரிந்ததால், நிழலைப் பார்த்த குதிரை அடங்க மறுத்தது. அதைத் திருப்பி எதிர்த்திசையில் நிறுத்தியபோது நிழல் அதற்குத் தெரியவில்லை. எனவே, குதிரையை எளிதாகக் கையாள முடிந்தது''.

எந்தவொரு கடினமான காரியத்தையும் செய்து முடிக்க சுலபமான வழி ஒன்று இருக்கும். ஆனால், அந்த வழியைக் கண்டுபிடிப்பது தான் கெட்டிக்காரத்தனம்.

அகீல் · அகீல் Thu Jan 06, 2011 9:35 am

"எந்தவொரு கடினமான காரியத்தையும் செய்து முடிக்க சுலபமான வழி ஒன்று
இருக்கும். ஆனால், அந்த வழியைக் கண்டுபிடிப்பது தான் கெட்டிக்காரத்தனம்."

புத்திசாலித்தனம் 678642

priyasanbhu · priyasanbhu Thu Jan 06, 2011 12:41 pm

எந்தவொரு கடினமான காரியத்தையும் செய்து முடிக்க சுலபமான வழி ஒன்று இருக்கும். ஆனால், அந்த வழியைக் கண்டுபிடிப்பது தான் கெட்டிக்காரத்தனம்.

எந்த ஒரு செயலுக்கும் ஒரு சுலபமான வழி நிச்சயம் இருக்கும் அதை அறிந்து அந்த செயலை செய்து முடிப்பது தான் புத்திசாலிதனம்
கதை நன்றாக உள்ளது புத்திசாலித்தனம் 677196

ப்ரியா