இதயங்கள் சங்கமிப்பதில்லை

செய்தாலி · செய்தாலி Sun Dec 26, 2010 12:37 pm

அவளால் களவாடப் பட்டது
என்னுள் களவு போனது
என்றெண்ணிய என் இதயம்
இன்னும் பத்திரமாக எனக்குள்
களவாடப் பட்டதோ நிஜம்
தேடுகிறேன் களவு போனதை
தேடுதலின் வழியே கண்டேன்
என்னைப்போல் களவு கொடுத்தவளை
இருவரின் ஒன்றிணைந்த தேடலில்
கண்டுகொண்டோம் களவு போனதை
எங்களுக்குள் பரிமாறிக் கொண்டோம்
எங்களின் அந்தக் களவுகளை
களவுகளின் சங்கமத்தில்
கடந்து வந்த தருணங்கள்
பனிமூடிய மலரின் நிமிஷங்கள்
கதிரவனின் வருகையில்
உருகும் பனிபோல்
எங்கள் களவுகளின் ஆயுள்
குறைந்து மரணம் தழுவ
உடைந்த கண்ணாடி போல்
நாங்கள் சிதறி சென்றோம்
சந்திப்புக்களுக்கு விலங்கிடப்பட்டது
பாதைகள் மாறிப் பயணங்கள்
சிலதொரு நாட்களின் மரணத்தில்
எதனையோ துலைத்ததாக
மீண்டும் உணர்ந்தேன்
அதனைத் தேடிய பயணத்தில்
மதி எனக்கு உணர்த்தியது
நீ துலைத்தது இதயத்தை அல்ல
ஆண்மை இதயம் உள்ளில்
பொதிந்து வைத்திருக்கும்
பெண்மையை ருசிக்கும்
அந்த ஆசைகளை !
இரு பாலினத்தின்
இதயங்களின் சந்திப்பில்
சங்கமிப்பது ஆசைகள் தான்
இதயங்கள் அல்ல .

Thanjaavooraan · Thanjaavooraan Sun Dec 26, 2010 4:13 pm

செய்தாலி · செய்தாலி Mon Dec 27, 2010 10:13 am

Thanjaavooraan wrote:

நன்றி

மஞ்சுபாஷிணி · மஞ்சுபாஷிணி Mon Dec 27, 2010 10:17 am

உண்மைக்காதல் பொய்ப்பதில்லை
பிரிவுகள் நிலைப்பதும் இல்லை
ஆசைகள் மரிப்பதுமில்லை
சுவையான கவிதைகளோ
அள்ள அள்ள குறைவதுமில்லை......

மிக அருமையான வரிகளில் அழகிய கவிதை சையத் அலி... அன்பு பாராட்டுக்கள்...

செய்தாலி · செய்தாலி Mon Dec 27, 2010 10:35 am

மஞ்சுபாஷிணி wrote:உண்மைக்காதல் பொய்ப்பதில்லை
பிரிவுகள் நிலைப்பதும் இல்லை
ஆசைகள் மரிப்பதுமில்லை
சுவையான கவிதைகளோ
அள்ள அள்ள குறைவதுமில்லை......

மிக அருமையான வரிகளில் அழகிய கவிதை சையத் அலி... அன்பு பாராட்டுக்கள்...

உங்கள் கருத்துக்கு என் மனமார்ந்த நன்றிகள்