இருதய நோய்க்கான ஏ.ஆர்.பி

இருதய நோய்க்கான ஏ.ஆர்.பி மருந்து புற்றுநோயை ஏற்படுத்துமா?

உயர் குருதியழுத்த நோய் உட்பட மற்றும் பல இருதய நோய்களுக்கு இன்றைய உலகில் பரவலாக உபயோகிக்கப்படும் மருந்து அங்கியோடென்சின் ஏற்பி தடைப்படுத்தி (Angiotensin-receptor blockers (ARBs)) வகையாகும். பொதுவாக -சார்ட்டான் (-sartan) என்று முடியும் இந்த மருந்து வகைகள் தற்போது புற்றுநோயக்குக் காரணமென ஆராய்வுகளினால் கண்டுபிடிக்கப் பட்டுள்ளது.

மருந்துகளின் உதாரணங்கள்: Losartan, irbesartan, olmesartan, candesartan

முன்னைய ஒரு ஆய்வு Candesartan மருந்தினைப் பயன்படுத்திச் செய்யப்பட்டது, அதிலும் இந்த மருந்துகள் புற்றுநோய்க்கான ஆபத்துக் காரணியாக விளங்குகிறது என்று அறியப்பட்டது. பின்னர் மேலும் மேற்கொண்ட பல வெவ்வேறு கட்ட ஆய்வுகளின் விளைவிலேயே தற்போதைய முடிவுகள் வெளியிடப்பட்டன. கிளீவ்லாண்ட் ஓஹியோவில் சிபாகி உட்பட ஐந்து மருத்துவர்கள் (Case Western Reserve University School of Medicine, Cleveland, Ohio)இந்த ஆய்வினை மேற்கொண்டனர்.

61,590 நோயாளிகளிடையே ஐந்து வெவ்வேறு ஆய்வுகளில் புதிய வகை புற்றுநோய் காணப்பட்டதற்குரிய தரவுகளும், 68, 402 நோயாளிகளிடையே ஐந்து வெவ்வேறு ஆய்வுகளில் திண்ம அங்க (மார்பகம், நுரையீரல், புரஸ்டேட் ) புற்றுநோய் காணப்பட்டதற்குரிய தரவுகளும், 93,515 நோயாளிகளிடையே எட்டு வெவ்வேறு ஆய்வுகளில் புற்றுநோயால் இறப்பு காணப்பட்டதற்குரிய தரவுகளும் அறியப்பட்டது.

பெரும்பான்மையான நோயாளிகள் (85%) பெறப்பட்ட மருந்து Telmisartan ஆகும். இத்தரவுகளில் இருந்து Telmisartan, Losartan, Candesartan ஆகியவை புற்றுநோயை உண்டாக்கக்கூடியன என்பது தெளிவாகி உள்ளது, எனினும் அமெரிக்காவின் உணவு-மருந்து நிர்வாகத்தால் அங்கீகரிக்கப்பட்ட ஏனைய valsartan, irbesartan, olmesartan, eprosartan ஏ.ஆர்.பி மருந்துகளின் விளைவுகளைப் பற்றி இன்னமும் அறியப்படவில்லை.


ஜூன் 14, 2010 அன்று லான்செட் (Lancet) மருத்துவ இதழில் வெளியிடப்பட்ட ஆய்வின் பெறுபேறுகளில் இருந்து இந்தத் தீர்மானம் எடுக்கப்பட்டாலும் இதற்கு மேலும் ஆய்வுகள் தேவை என எதிர்பார்க்கப்படுகிறது.

ஆதாரம்: லன்செட்

தகவலுக்கு நன்றி ஜி